Ráðherraskipti hjá Vinstri grænum

Álfheiður Ingadóttir tók við embætti heilbrigðisráðherra af Ögmundi Jónassyni í dag.  Álfheiði bíða erfið verkefni með niðurskurðarhnífinn á lofti. 

Hefði ekki verið betra að gera enn frekari breytingar og setja Álfheiði í embætti dómsmálaráðherra ? þar ætti hún alla vega ekki í neinum vandræðum með að skera niður og/eða leggja embætti niður á sviði löggæslumála, ef marka má framgang hennar í Búsáhaldabyltingunni í vetur. 

Ef fram heldur sem horfir verður fróðlegt að sjá viðbrögð hennar og annarra úr röðum VG við annarri Búsáhaldabyltingu.  Ætli hún myndi vera lögreglunni þakklát fyrir þá vernd sem hún mun veita ráðherrunum þá ? en þess má geta að almenningur er búinn að fá sig fullsaddan af ráðalausri ríkisstjórninni.

 

ÁFRAM ÍSLAND - EKKERT ESB

BURT MEÐ ICESAVE

BURT MEÐ AGS

Ráðherraskipti á Bessastöðum

Hryðjuverk

Ríkisstjórnin Íslands í samvinnu við Bresku- og Hollensku ríkisstjórninar hafa verið að undirbúa hryðjuverk gegn íslenskum almenningi undanfarna daga.  Forsætisráðherra sá, sér til skelfingar, að með því að hafa Ögmund Jónasson innan ríkisstjórnarinnar, myndu hryðjuverkatilræðið ekki takast, því var tekið á það ráð að flæma Ögmund úr ríkisstjórninni. 

Icesave-áþjánin skal lögð á Íslendinga, hvað sem það kostar

Forsætisráðherra þótti ljóst að sem óbreyttur þingmaður myndi Ögmundur standa með ríkisstjórninni í Icesave-málinu, en innan stjórnar hefði hann ekki stutt málið.  Ögmundur hefur alla vega lýst því yfir að hann styðji ríkisstjórnina heilshugar, sem óbreyttur þingmaður, en svo virðist sem hann hefði ekki getað stutt stjórnina í málinu sæti hann í stjórninni.

Þetta er alla vega hið furðulegasta mál og verð ég að viðurkenna að maður er hálf ringlaður eftir að heyra yfirlýsingar ráðherra og þingmanna í þessu máli . 

Ekki nema vona að ringulreið sé krónísk í þingflokkum SF og VG 

 

Sjálfstæðisflokkurinn í vanda vegna Icesave

Ríkisstjórnin þarf ekki að hafa áhyggjur af því að hafa ekki meirihluta á þingi meðan Sjálfstæðisflokkurinn situr hjá í brýnum málum, eins og hann gerði við afgreiðslu Icesave-ábyrgðarinnar fyrir mánuði síðan.  Ótrúlegt er að lesa það sem haft er eftir Bjarna Benediktssyni formanni Sjálfstæðisflokksins um ríkisstjórnina og Icesave þar sem hann og flokkur hans, utan tveggja þingmanna, sátu hjá við atkvæðagreiðsluna og greiddu þar með fyrir afgreiðslu þeirra nauðasamninga sem um ræðir.  Ég er þess fullviss að hefði Sjálfstæðisflokkurinn staðið í lappirnar hefðu nokkur VG atkvæði fellt Icesave-nauðasamninginn með stjórnarandstöðunni. 

Sjálfstæðisflokkurinn olli mér miklum vonbrigðum verð ég að segja, ég veit ekki hvort ég get treyst þeim flokki lengur.

 

ÁFRAM ÍSLAND -

EKKERT ESB

BURT MEÐ ICESAVE 

BURT MEÐ AGS

 

Birtingarmynd vandræðanna

Kosningabaráttan byrjuð á fullu

Kosningabaráttan er byrjuð á fullu hjá Samfylkingunni.  Samfylkingin ætlar að reyna að ná forskoti á aðra flokka, en það gleymist hjá þeim að þjóðin er búin að vera að fylgjast með vinnubrögðum, eða öllu heldur aðgerðarleysi, þeirra síðan þau tóku við völdum.

 

Forsætisráðherra á opnum fundi

Ég tek ofan fyrir Ögmundi

Það er virðingarverð af Ögmundi Jónassyni að segja af sér og standa þar með á sannfæringu sinni í þessu mjög svo umdeilda máli.  Ekki þætti mér ólíklegt að það spili einnig inní sársauka-fullur niðurskurður heilbrigðiskerfisins sem hann hefur þurft að takast á við.

Nú þarf Jóhanna bara að ganga á fund ORG og segja af sér líka, ásamt öllu sínu ráðuneyti.

Ef ekki verður gengi til kosninga nú í haust, væri best að mynda ríkisstjórn allra flokka að frátalinni Samfylkingunni.  Slík stjórn myndi koma miklu meira í verk, en sú sem nú riðar til falls.

 

Ögmundur segir af sér

Samfylkingin undirbýr kosningar

Flokksþing Samfylkingarinnar um s.l. helgi og málaflokkarnir sem þar voru til umræðu var greinilega sett fram í þeim tilgangi að undirbúa flokksmenn undir komandi kosningar.

Í lok kjördags í vor sagði ég við starfsfólk kjördeildar minnar: "sjáumst í kosningunum í haust".

Ríkisstjórnin er búin að vera, hún ræður ekki við vandann og hefur aldrei gert.

Í tillögum Árna Páls til "bjargar" heimilunum er enga lausn að finna, heldur enn einn fresturinn.  Með þessum tillögum er hann að ætla seinni tíma stjórnmálamönnum að takast á við vandann.  Ég óttast að við séum runnin út á tíma til að ganga í þær aðgerðir sem þarf til til að leiðrétta höfuðstól lána, þá á ég við bæði verðtryggðra- og gengistryggðra lána, vegna þess að ríkisstjórnin hefur hvorki haft kjark né dug til að takast á við þau brýnu mál er varðar þjóðarheill.

Hugur Samfylkingarinnar hefur verið allt annarsstaðar en hjá íslensku þjóðinni, hann hefur verið í Brussel og með Bresku og Hollensku þjóðunum.  Gordon Brown, formaður flokks margra Samfylkingarmanna á Breskri grund, ætlar Íslendingum að taka á sig ábyrgð sem honum dettur ekki í hug að láta Breska þegna axla. 

Þess má geta að margir flokksmenn Samfylkingarinnar hafa stært sig af því að vera einnig skráðir í Bresku Samfylkinguna (lesist Verkamannaflokkinn).  Þeir hljóta að vera stoltir af sínum manni þessa dagana.  Nú nýtur hann þess að sparka í Íslendinga þar sem þeir liggja sárir eftir hryðjuverkaárás Bresku ríkisstjórnarinnar á Íslenskt efnahagslíf og væntir þess að auka fylgi sitt við það, þeim veiti víst ekki af, Breska þjóðin er að missa trúna á Brown og co. eins og Íslendingar eru að missa trúna á Jóhönnu og co.

Ætlar Samfylkingin að taka upp sömu aðferðir og Brown gagnvart eigin þjóð.  Hvorki hefur núverandi ríkisstjórn né sú sem var við völd fyrir ári síðan reynt að koma þjóð okkar til varnar, þvert á móti hafa þessar stjórnir verið eins og lúpa frammi fyrir Breskum og Hollenskum ráðamönnum, sjálfum sér og þjóð okkar til vansa.

 

Fellur ríkisstjórnin ef stjórnarandstaðan bjargar henni ekki ?

Enn á ný er Jóhanna Sigurðardóttir, leynt og ljóst, að ákalla stjórnarandstöðuna og biðja um hjálp til að koma Icesave-ruglinu í gegn um þingið.  Á sama tíma beitir hún samstarfsflokknum hótunum um stjórnarslit ætli þeir ekki að bjarga erindisgjörðum hennar í þágu Breta og Hollendinga.

Fróðlegt verður að sjá viðbrögð stjórnarandstöðunnar og þá sérstaklega Sjálfstæðisflokksins sem stóð ekki í lappirnar þegar málið var fyrst afgreitt frá þingi fyrir mánuði síðan.  Ég er hræddur um að Sjálfstæðisflokkurinn hafi misst marga fylgismenn þá.

Athyglisvert var að fylgjast með fréttum af landsfundi Bresku Samfylkingarinnar (lesist Verkamannaflokksins).  Þar segir Brown að Breskur almenningur eigi ekki að greiða fyrir bankahrunið.  Þessi yfirlýsing hans er merkileg fyrir þær sakir að hann ætlast til þess að Íslenskur almenningur greiði fyrir bankahrunið og taki á sig alla ábyrgð vegna bankahrunsins hér á landi.  Þvílíkur tvískinnungur.

ÁFRAM ÍSLAND - ENGA ICESAVE-NAUÐASAMNINGA

Fellur ef ekki næst sátt um Icesave

Ísland betur statt en Írland

Það sem mér finnst merkilegast í viðtengdri frétt, þar sem samanburður er gerður á stöðu efnahagsmála á Írlandi og Íslandi, er að möguleg aðild Íslands að Evrópusambandinu og þar með myntsamstarfi Evrópu geti gert Íslendingum kleift að komast út úr kreppunni nokkuð hratt á næstu 1-2 árum og þar af leiðandi stöndum við betur að vígi en Írar.

Ég ráðlegg hér með Írum að sækja um aðild að ESB og taka upp Evru.

 

Ísland betur statt en Írland

Ísland eitt af samkeppnishæfustu ríkjum heims

Það er eins og margoft hefur komið fram: samræðustjórnmál koma ekki til með að skila okkur neinu.  Hægt er að hafa háleitar og fagrar hugmyndir um draumaríkið, en þá verða athafnir að fylgja sem skila okkur í þann farveg er að lokum mun leiða okkur þangað.

Til þess að Ísland mætti verða eitt af samkeppnishæfustu ríkjum heims þá þarf í fyrsta, öðru og þriðja lagi að skipta um stjórnvöld og fá nýtt fólk í Stjórnarráðið, fólk sem framkvæmir í takt við hugmyndir og kemur hlutum í verk sem skila okkur áleiðis að því marki.  Í dag höfum við því miður fólk við stjórnvölin sem ekki kemur neinu í verk, fólk sem er dofið og úrræðalaust, fólk sem talar um fagrar stefnur á tyllidögum en lætur þar við sitja.  Þetta sama fólk viðhafði hávaða þegar aðrir voru við stjórnvölin, lét öllum illum látum og þóttist vita betur, fékk loks tækifæri og hefur orðið sér til skammar og landi og þjóð til tjóns.

Ef eitthvað er þá hefur samkeppnishæfni Íslands fjarlægst hið háleita markmið og það allverulega.  Sennilega hefur markmiðið aldrei verið jafn fjarlægt síðustu sjötíu árin.

 

Ísland verði eitt af samkeppnishæfustu ríkjum heims

Sókn til betra samfélags

Fyrirsögnin hér að ofan er yfirskrift flokksstjórnarfundar Samfylkingarinnar sem haldinn verður í Fjölbrautaskólanum í Garðabæ á morgun, laugardaginn 26.september.

Á flokksstjórnarfundinum mun Árni Páll Árnason,  félags-  og tryggingamálamálaráðherra tala um efnið "Staða heimilanna- aðgerðir ríkisstjórnarinnar".

Katrín Júlíusdóttir, iðnaðarráðherra mun tala um efnið "Sóknarfæri í íslensku atvinnulífi".

Þá verða eftirtalin umræðuefni ennfremur á dagskrá:

Ný tækifæri í sókn til betra samfélags. Aukinn jöfnuður með breyttri skattastefnu
Stefán Ólafsson prófessor í félagsfræði Háskóla Íslands

Mikilvæg samfélagsleg áhrif jöfnuðar
Jón Gunnar  Bernburg, dósent  í félagsfræði Háskóla Íslands

Hvernig stöndum við vörð um og styrkjum börnin á erfiðum tímum sem þessum?
Hrefna Ólafsdóttir yfirfélagsráðgjafi BUGL og aðjúnkt við Háskóla Íslands

Nýjar áskoranir og tækifæri í íslensku atvinnulífi
Finnbogi Jónsson, framkvæmdastjóri Nýsköpunarsjóðs atvinnulífsins

Mér er spurn, hvað hefur komið fyrir Samfylkinguna eiginlega ? Hvar hefur þetta fólk verið undanfarna mánuði ? Hvað hafa þau verið að hugsa ? Hvað hafa þau verið að gera ?

Er Samfylkingin að undirbúa kosningar ?

Samfylkingin hefur hvorki haft dug eða kjark til að takast á við neitt af því sem fjalla á um á umræddum flokksstjórnarfundi, þrátt fyrir að hafa haft tækifæri til þess í nærri átta mánuði og þrátt fyrir að kallað hafi verið eftir aðgerðum á flestum þessum sviðum allan þann tíma sem Fylkingin er búin að vera við stjórn, þau hafa haft öll ráð í hendi sér.

En, já, ég var nærri búinn að gleyma, Samfylkingin stundar bara umræðu-stjórnmál og auðvitað er það það sem gera á á morgun, en framkvæmda-stjórnmál hefur Samfylkingin ekki verið þekkt fyrir og á ég ekki von á neinni breytingu þar á.

Sennilega er Samfylkingin bara að undirbúa kosningar, aðra daga skipta þessi mál Fylkinguna ekki máli.