Ögmundur stendur með þjóð sinni . . .

. . . það sama verður ekki sagt um það fólk sem hann var með í ríkisstjórn eða flesta samflokksmanna hans.

Ögmundur á hrós skilið, ég er honum þakklátur fyrir að standa í lappirnar í Icesave-málinu. 

Það hefði verið betur hefðu aðrir í VG gert hið sama, fólk sem sagðist ekki vilja láta knésetja þjóðina lét þvinga sig til að taka ranga afstöðu í lokaafgreiðslu málsins á þingi.  Hvernig ætlast þetta fólk til þess að við getum treyst því í framtíðinni ?  Mér er spurn !

Það er rétt sem Ögmundur segir að Svíar og aðrar norðurlandaþjóðir (ég bætti hinum þjóðunum við) hafa gerst handrukkarar Breta og Hollendinga, þær hafa ekki sýnt okkur mikla vináttu, svo mikið er víst.

 

Svíar handrukkarar Breta og Hollendinga

AGS hefur blekkt Íslendinga

Fulltrúar AGS hafa sagt að aðkoma AGS að málefnum Íslands væri Icesave óviðkomandi, en nú eru þessi mál tengd, eins og allt síðasta ár.  Er ekki kominn tími til að senda fulltrúa AGS heim til sín og segja skilið við AGS, þar er hvort eð er enga hjálp að fá.  Það er ekkert að marka það sem frá AGS kemur og er vera þeirra hér allt önnur en sú sem er látið í veðri vaka, þ.e. að hjálpa Íslandi út úr erfiðleikunum. 

AGS er innheimtustofnun og ekkert annað.

 

Íslendingar fá gusu frá AGS

Þjóðaratkvæðagreiðslu takk fyrir, enga samninga !

Ríkisstjórnin og Alþingi hafa klúðrað Icesave-málinu svo gersamlega að það kemur ekki til greina að þeim sé treyst fyrir frekari "samningum" við Breta og Hollendinga.

Við viljum kjósa um málið, það er okkar réttur !   Við viljum fá að segja NEI !   Það er komið nóg af klúðri, við eigum ekki og viljum ekki borga.  Það verður að hugsa um hag afkomenda okkar.

Það verður að fara að kenna stjórnarsinnum og álitsgjöfum þeirra að eftir því sem við skuldum meira því mun verr stöndum við og því mun erfiðara verður að standa við skuldbindingar okkar, öfugt við það sem þetta fólk hefur haldið fram.

 

Jóhanna: Skynsamlegra að leysa án þjóðaratkvæðagreiðslu

Jóhanna skipar nefnd sem á að útþynna skýrslu rannsóknarnefndar Alþingis

Hvernig á að skilja það öðruvísi (sjá viðtengda frétt).  Það er greinilegt að titrings er farið að gæta hjá stjórnmálamönnum, ekki síst meðal nokkurra ráðherra, annarra í stjórnsýslunni og eflaust víðar.

Margumrædd skýrsla verður að koma fyrir augu almennings án nokkurra undanbragða, það skiptir ekki máli hverjir verða fyrir barðinu á slíkri opinberun.  Þeir sem eiga von á óblíðri meðferð skýrsluhöfunda hefðu betur verið búnir að koma fram og játa afbrot/yfirsjónir sínar, það hefði dregið úr högginu sem skýrslan mun valda.

Auðvitað munu uppljóstranir koma illa, ekki aðeins við þá sem sekir eru, heldur við þá nánustu, en brotamenn verða sjálfir að bera ábyrgð á því hvernig þetta kemur við ástvini þeirra.  Það er ekki betra að bíða og vona og sjá svo til hvort afbrotin verði upplýst eður ei.

 

Nefnd skipuð vegna skýrslu rannsóknarnefndar Alþingis

Þjóðaratkvæðagreiðslan snýst ekki og á ekki að snúast um líf ríkisstjórnarinnar

Þjóðaratkvæðagreiðslan verður að fara fram, það er ekki neinn vafi í mínum huga.  Þjóðin verður að fá að koma að þessu máli, allar vangaveltur prófessora, lögspekinga, stjórnmálafræðinga og annarra álitsgjafa um annað er ekki annað en útúrsnúningur og til þess fallið að gera lítið úr vilja þjóðarinnar, einstaklinganna sem byggja þetta land.

Auðvitað snýst þjóðaratkvæðagreiðslan ekki um líf eða dauða ríkisstjórnarinnar, fólk er fyrst og síðast að taka afstöðu til framtíðar þjóðarinnar og hugsa um sinn eigin hag í lengd og bráð.  Á hinn bóginn ber þó að líta svo á að með því að fella frumvarp stjórnarinnar er almenningur að lýsa vantrausti á vinnubrögð hennar og ber hún þá að segja af sér, sérstaklega ef útkoman verður afgerandi.

ÁFRAM  ÍSLAND  EKKERT  ICESAVE

ÁFRAM  ÍSLAND  EKKERT  ESB

ÁFRAM  ÍSLAND  BURT  MEР AGS

Stjórnarliðar buðu til samráðs

Látum Breta og Hollendinga sækja málið fyrir dómstólum

Það er engin ástæða til að hlaupa til handa og fóta og reyna að fá þessar þjóðir aftur að samningaborðinu, við eigum bara að stefna á þjóðaratkvæðið og huga að öðrum málum á meðan, en þar er af nógu að taka s.s. heimilin og fyrirtækin í landinu sem hafa verið afskipt af stjórnvöldum.  Þegar þjóðin hefur síðan fellt frumvarp ríkisstjórnarinnar sem forsetinn neitaði að skrifa undir, þá er málið dautt hvað okkur varðar.  Bretar og Hollendingar hafa hafnað fyrirvörunum frá því í sumar og má því með réttu segja að engir samningar séu í gildi. 

Við þurfum ekki að borga þessar meintu skuldir, þetta er eitthvað sem þessar þjóðir tóku sjálfar ákvarðanir um að greiða út án þess að hafa nokkuð fast í hendi af okkar hálfu og eru tilskipanir og lög Evrópusambandsins okkur hliðholl í þessu máli, þar til annað kemur í ljós. 

Látum Bresk og Hollensk stjórnvöld sækja þetta fé með hjálp dómstóla, ég efast um að þeir leggi í þá vegferð.  Þeir hafa orðið sér til skammar meðal þjóða sinna og um allan heim.  Ef Íslenskum stjórnvöldum dytti í hug að fara að tala máli þjóðar sinnar og koma réttum skilaboðum áleiðis á erlendri grundu höfum við ekkert að óttast, en haldi ráðherrar ríkisstjórnarinnar áfram að tala niður til þjóðarinnar og sífellt í neikvæðum dúr um okkar "ömurlegu" stöðu, þá er ekki von á góðu.  Ísland þarf ekki á þannig stjórnmálamönnum að halda, við þurfum fólk með þor og dug, fólk sem er annt um þjóð sína og talar máli hennar.

Því segi ég:

Áfram Ísland ekkert Icesave

Áfram Ísland ekkert ESB

Áfram Ísland ekkert IMF (AGS)

Farsælast að fara fyrir dóm

Þökk sé þér Ann Pettifor

Mikið getum við Íslendingar verið þakklát fyrir fólk eins og Evu Joly og Ann Pettifor.  Þær stöllur hafa sýnt það og sannað að við eigum vini erlendis sem er umhugað um hag okkar og eru tilbúnir að tala máli okkar, nokkuð sem ráðherrar í ríkisstjórn Íslands eru ekki tilbúnir að gera.

Í viðtengdri frétt kemur fram að Icesave-skuldin yrði fimm sinnum hærri fyrir hvern Íslending en skuldir Þjóðverja í kjölfar fyrri heimsstyrjaldarinnar, skuldir sem þeir eru enn, yfir níutíu árum síðar, að greiða af.  Þetta þýðir það að það tæki okkur fimm aldir að greiða Icesave-skuldina.

Okkar glæpur er það að hafa fæðst og alist upp á þessari eyju sem kallast Ísland.  Glæpur Þjóðverja var hinsvegar sá að þeir hófu stríð þar sem fimm milljónir manna létu lífið og stór hluti Belgíu og Frakklands var lagður í rúst.

Þannig að spurning mín í dag er þessi:  Hverjir eru glæpamenn ? við Íslendingar fyrir það eitt að hafa fæðst sem Íslendingar ? eða ríkisstjórnir Bretlands og Hollands sem beita okkur fjárkúgun ?

Önnur spurning er þessi:  Hverjir standa sig betur í vörn fyrir íslensku þjóðina, ríkisstjórn Íslands, forseti Íslands og/eða útlendingar sem tala máli okkar ?  Svar mitt er þetta:  Ríkisstjórn Íslands fær falleinkunn, henni ber að segja af sér og það án tafar.

 

2,2 milljónir á hvern Íslending en 9 þúsund á Breta og Hollendinga

Gera meira gagn en ríkisstjórnin

Það verður seint sagt að ég sé eða hafi verið stuðningsmaður forsetans, en framganga hans síðustu daga hefur verið þjóðinni meira gagn en þeirra ríkisstjórna sem verið hafa við völd frá haustinu 2008.  Ég er Ólafi Ragnari þakklátur fyrir framgöngu hans í Icesave-málinu og hvernig hann í gærkvöldi talaði máli þjóðarinnar á erlendri grund, það sama verður ekki sagt um ráðherra ríkisstjórnarinnar.

Það sama má segja um Evu Joly og Ólaf Ragnar, þar eigum við hauk í horni, hún hefur gert meira gagn fyrir okkur en stjórnvöld frá hruni haustið 2008 til dagsins í dag.

 

Joly harðorð í garð Hollendinga

Ísland stendur við skuldbindingar sínar, eins og ávalt

Íslenska ríkið stendur hér eftir sem hingað til við skuldbindingar sínar.  Spurningin hinsvegar er: Hverjar eru skuldbindingar íslenska ríkisins ?  eru það skuldir óreiðumanna ?  get ég krafist þess að ríkið borgi mínar skuldir ?  eða eru það bara útvaldir einkavinir stjórnvalda sem stjórnvöld eru tilbúin að borga fyrir og það með peningum okkar, skattgreiðenda ?

Ríkisstjórn Íslenska lýðveldisins hefur haldið uppi vörnum fyrir alla aðra en þjóðina sem kom henni til valda.  Ráðherrarnir haga sér eins og aldrei verði kosið aftur á Íslandi.  Ráðherrarnir verða að átta sig á því að þeir eru ráðnir til tímabundinna starfa til að gæta hagsmuna þjóðarinnar sem fól þeim störf þeirra.

Það er ekki nóg að erlendir blaðamenn, dálkahöfundar, einstaka erlendur hagfræðingur eða jafnvel Eva Joly taki upp hanskann fyrir Ísland, ríkisstjórn Íslands og þeir stjórnmálaflokkar sem standa að henni verða að gera það líka. 

Ríkisstjórn sem stendur ekki með þjóð sinni verður ekki langlíf, nú þegar eru farnir að opinberast dauðakippir í núverandi stjórnarsamstarfi.  Sumir þingmenn Vinstri grænna eru farnir að átta sig á því að samstarf þeirra við Samfylkinguna er að ganga að flokki þeirra dauðum.  Maður finnur og heyrir það sem ekki er sagt af hálfu VG að þeir eru að leita útgönguleiða.

 

Áhersla lögð á að Ísland standi við skuldbindingar sínar

Málsvarar íslensku þjóðarinnar ! ! !

Málsvarar íslensku þjóðarinnar reyndust vera Bresku blöðin Financial Times og Independent, en ekki ríkisstjórn Íslands.  Sorgleg staðreynd.

 

Ekki setja Ísland í skuldafangelsi