Er þingmönnum treystandi til að fjalla um skýrslu Rannsóknarnefndar ?

Ég hef miklar efasemdir um að stjórnmálamönnum og þá einkum þingmönnum verði falið að fjalla um skýrslu Rannsóknarnefndar Alþingis um bankahrunið.  Eiga þingmennirnir að ákveða hvað kemur fyrir augu almennings í þeim efnum ? eiga þingmennirnir að ákveða hverjum á að hlífa og hverjum ekki ? eða munu þingmennirnir taka þá ákvörðun að stinga skýrslunni undir stól, eða setja hana í tætarann á skrifstofu þingsins ?

Ég verð að segja fyrir mitt leiti að ég hef ekki góða tilfinningu fyrir þessu.  Mér hefði fundist að Rannsóknarnefndin ætti að kynna niðurstöður sínar fyrir þjóðinni sjálf og ég vona svo sannanlega að þau muni gera það.

 

Fjölluðu um rannsóknarskýrslu

Ögmundur flottur

Ég virði það við Ögmund Jónasson að hann einn Vinstri grænna hefur ekki látið kúga sig og beygja í duftið af samstarfsflokknum í ríkisstjórn, né flokksformanni sínum.  Ögmundur hefur staðið á sinni sannfæringu og á hrós skilið. 

Ögmundur er maður að meiri að hafa staðið á sínu þrátt fyrir sterkan mót byr í eigin flokki, en hann er einn fárra í VG sem hefur haldið fast í þær skoðanir sem hann barðist fyrir fyrir síðustu kosningar.

Þökk sé þér Ögmundur Jónasson.

 

Ögmundur: Tafir á Alþingi þjóna engum tilgangi

Hversu lengi er hægt að skera niður ?

Gerðar eru, og gerðar hafa verið, kröfur um niðurskurð í heilbrigðisgeiranum sem og víða annarsstaðar hjá ríkisstofnunum.  Landspítalinn er búinn að vera að hagræða, skera niður og spara á öllum vígstöðum svo lengi sem ég hef fylgst með fréttum.  Einhvernvegin sýnist mér spítalinn iðulega fara meira fram úr heimildum fjárlaga en sem nemur þeirri upphæð sem þeim er ætlað að spara hverju sinni.  Á næsta ári þarf LSH að spara sem nemur 6 milljörðum til að brúa þann yfirdrátt af fjárlögum þessa árs og því sem þeim er ætlað að skera niður um á næsta ári miðað við fjárlög þessa árs.

Spurningin er: hversu mörgum deildum þarf að loka ? hversu mörgu starfsfólki þ.e. læknum, hjúkrunarfræðingum, sjúkraliðum, ræstingarfólki og öðrum þarf að segja upp til þess að ná fram þeim sparnaði sem til er ætlast ?

Fjárveitingavaldinu virðist vera lagið að setja stofnunum ríkisins þröngar skorður í fjárlögum, krefjast aðhalds og sparnaðar, án þess að koma með neinar beinar tillögur um hvar spara megi eða hvar hægt væri að hagræða enn frekar en þegar hefur verið gert. 

Þetta sama fjárveitingarvald virðist á hinn bóginn ekki geta sett framkvæmdarvaldinu skorður um fjárútlát ráðherra þegar kemur að dekurverkefnum þeirra eða fjárframlaga einstaka ráðherra til að afla sér vinsælda. 

Einstaka gæluverkefni virðast ekki mega missa sín s.s. "listamannalaun" og annar óþarfi.  Ég veit ekki til þess að verkamenn eða aðrir launþegar sem greitt hafa sína skatta og skyldur til ríkisins hafi getað fengið úthlutað úr ríkissjóði fyrir vel unnin störf, en svo koma einhverjir "listamenn" sem ekki geta lifað af iðju sinni og þeim er hampað fram og til baka.  Verkamaðurinn sem var búinn að borga sína skatta og skyldur í mörg ár, missir síðan vinnu sína og verður að fara á atvinnuleysisbætur, á hann er litið sem einhvern þurfaling.  Það er skömm af þessu.  Sá sem  alla tíð hefur greitt sínar skyldur til ríkisins er sá sem ætti að fá hærri greiðslur og honum hampað frekar en "listamönnum" sem fáir hafa dálæti á.  Svo ætla menn að skerða tekjur sjómanna með því að taka af þeim sjómannaafsláttinn, en án þeirra værum við sem þjóð mun verr á vegi stödd en við erum í dag.

 

Hagræðing gengur hægt

Nær hefði verið að kalla það Hrun . . .

. . . þar sem bygging þess og glannaskapurinn hófst fyrir hrun og vegna þess að haldið var áfram með byggingu þess eftir hrun og tugum milljarða sóað í óskapnaðinn.

 

Harpa skal tónlistarhúsið heita

Þjóðaratkvæði og Jóhanna Sigurðardóttir

Neðanritað er tekið af vef amx.is en þar er vitnað í grein Jóhönnu Sigurðardóttur forsætisráðherra sem birtist í Morgunblaðinu 25.maí 2004.  Ætli orð Jóhönnu þá eigi við í dag  ?

 "Jóhanna Sigurðar­dóttir: Krafan um þjóðar­atkvæði brýnni þegar stjórnar­hættir minna á einræðisherra„Það hlýtur að vera krafa fólksins að Alþingi samþykki hið fyrsta að færa fólkinu þau mannréttindi að það geti óskað eftir þjóðaratkvæðagreiðslu. Þessi krafa verður enn brýnni, þegar stjórnarhættir á Íslandi minna orðið meira á tilskipanir einræðisherra en lýðræði.“- Jóhanna Sigurðardóttir, forsætisráðherra, í grein í Morgunblaðinu 25. maí 2004 þá var hún þingmaður og hvatti til þjóðaratkvæðagreiðslu m.a. um fjölmiðlalögin"

 Hvað skildi þessi sama Jóhanna Sigurðardóttir segja í dag, eða er réttlæti hennar æðra réttlæti þjóðarinnar eða virðingu við hana (þjóðina). 

 

Látum þá borga fyrir ESB-umsóknina

Talið er að kostnaður við umsókn Íslands að ESB muni kosta 1 milljarð (1.000milljónir) hið minnsta, án þess að þjóðin fái nokkuð um það að segja hvort fara eigi út í þann kostnaðar mikla feril.

Á sama tíma er skorið niður í velferðarþjónustu og það af "Norrænu velferðarstjórninni".

Ég teldi rétt að framlög ríkisins til Samfylkingarinnar og Vinstri grænna fari í að greiða þennan kostnað að viðbættum 11,0% ársvöxtum, eða sömu vexti og stýrivextir SÍ hljóða uppá, þar til allur sá kostnaður hefur verið greiddur að fullu.  Þessum flokkum ætti ekki að þykja það óréttlátt né erfitt fyrir þá, þetta er svipað því sem þeir ætla Íslensku þjóðinni að gera næstu 100 árin eða svo.  Vaxtakostnaður af 1 milljarði á ári eru 110 milljónir.  Ef þessir flokkar yrðu lagðir niður á greiðslutímabilinu, tækju arftakar þeirra við keflinu og héldu áfram að borga þar til kostnaðurinn er allur frá.

Er þetta ekki sanngjarnt ?  

Ég skora á þingmenn stjórnarandstöðuflokkanna að sameinast í þingsályktunartillögu þess efnis.

Samningahópar vegna ESB skipaðir

Afstaða mín er skír

Hefði Ásmundur Einar Daðason, þingmaður VG, staðið í fæturna og sagt NEI hingað og ekki lengra, þá hefði ég staðið á bak við hann sem formann Heimssýnar.  Nú verð ég því miður að segja skilið við þau samtök, þar sem ég get ekki treyst formanninum.  Hann hefur brugðist mér og fjölda annarra.

Hann ásamt öðrum þingmönnum VG hafa viðurkennt að Icesave og ESB umsóknin tengjast.  Með því að leggja sitt ekki af mörkum til að koma í veg fyrir Icesave, er hann að stuðla enn frekar að ESB-umsókn Samfylkingarinnar.

Ég veit ekki hvort ÁED hafi verið hótað af Jóhönnu í þetta skiptið, ekki ósennilegt að svo hafi verið, eða jafnvel Steingrímur hafi tekið hlutverkið að sér.

En er það þess virði Ásmundur Einar að styðja ríkisstjórn sem Samfylkingin er aðili að í nokkra mánuði í viðbót og hafa það á samviskunni um ókomna tíð að hafa lagt þær birgðar á íslensku þjóðina sem Icesave er og vera búinn að festa okkur á klafa Evrópusambandsins þannig að ekki verði aftur snúið ?

 

Ásmundur Einar sagði já

Ætlar Steingrímur Joð að borga úr eigin vasa

Steingrímur Joð sagði á Alþingi í dag að hann væri tilbúinn að bera ábyrgð á Icesave-samningnum einn, ef stjórnarandstaðan aðeins leifði stjórnarflokkunum að klára málið með atkvæðagreiðslu, þá væri hann tilbúinn að axla þá ábyrgð ef Icesave-frumvarpið færi í gegn.

Það var nefnilega það.  Ætlar Steingrímur Joð að borga brúsann úr eigin vasa ?  Þvílíkt og annað eins kjaftæði og manninum til háborinnar skammar.  Heldur hann virkilega að fólkið í landinu trúi því að hann komi til með að axla þá ábyrgð, ég held nú ekki.  Það verður fólkið í landinu, þú og ég og börnin okkar og barnabörnin okkar sem munu þurfa að axla þá ábyrgð, Steingrímur Joð verður væntanlega löngu kominn undir græna torfu þegar og ef þær greiðslur taka nokkurn tíman enda.

Ótrúverðugleiki Steingríms og annarra stjórnarliða er orðin þvílíkur að það má leita til þriðja heims landa á borð við Zimbabwe, Norður Kóreu og önnur álíka lönd til að finna annað eins.

Norræna velferðarstjórnin veldur æ meiri vonbrigðum eftir því sem dagarnir líða.  Hvenær megum við vænta þess að þessi stjórn fari frá.  Máltækið segir: "lengi getur vont versnað" en ég held að það sé ekki hægt að fara neðar en þetta.  Engin stjórn getur orðið eins slæm og sú sem við búum við í dag.  Það verður að fara að koma þessu fólki frá, þetta gengur ekki lengur.

 

Ekki vissi ég að tilboð hafi verið í boði

Steingrímur J. er svo ánægður með vaxtakjörin sem okkur bjóðast ef við tökum lán hjá Bretum og Hollendingum.  Málið er bara það að við þurfum ekki að taka lán hjá þeim.  Þetta minnir einna helst á hvernig bankarnir tældu fólk í "góðærinu" til að taka himinhá lán og hvað gerðist ?  Allt fór á annan endann og margir að missa aleigu sína.  Er það það sem Steingrímur J. vill ? er það það sem hann stefnir að.

Hvað lánshæfimat ónýtra matsfyrirtækja varðar, þá skipta þau okkur ekki neinu máli.  Þessi sömu fyrirtæki sögðu korter fyrir hrun að allt væri í besta lagi hjá bönkunum hér á landi.  Eigum við svo að fara að taka mark á þeim núna.  Til hvers þurfum við lánshæfimat frá þeim, við eigum að forðast að taka lán, en vinna okkur öllu heldur út úr vandanum með því að framleiða vörur og selja úr landi.  Erum við ekki búin að brenna okkur á sífeldum nýjum lántökum.

Við erum ekki að taka lán til að þóknast Hollendingum eða Bretum, þeir geta ávaxtað pund sitt og evru annarsstaðar.

 

Hagstæðustu kjör sem fást

Er þetta ekki nokkuð skírt

Það er sem sagt ekki hægt að keyra Icesave málið í gegn um þingið bara sisvona.  Ljóst er að miklar líkur eru á því að um stjórnarskrárbrot gæti verið að ræða og skapast þá tilefni til ákæru á hendur stjórnvalda og á hendur ráðherra forsætis og fjármála persónulega og jafnvel allra annarra persóna í ráðherrastólum. 

Ég er hræddur um að ríkisstjórnin verði að fara að athuga sinn gang og ég tala nú ekki um einstaka þingmenn stjórnarflokkanna, vilji þeir ekki eiga á hættu að verða sakfeldir fyrir landráð.

 

Segja Icesave-lög geta verið brot á stjórnarskrá