Það var nefnilega það ! ! !

Skjaldborg Jóhönnu Sigurðardóttur er fundin.  

Eftir mikla leit og eftirgrennslan er skjaldborgin loks fundin. 

Talið var að hún hafi orðið úti, en svo var ekki, hún hafði komið sér vel fyrir í bönkunum. 

Skjaldborgin tók sig til við að bjarga bönkunum á kostnað heimila og fyrirtækja (þ.e. annarra en útrásarfyrirtækja), lifir hún (Skjaldborgin) góðu lífi í bönkunum þar sem ríkisstjórnin hefur séð um að fóðra hana á kostnað okkar hinna.

Lánin færð yfir á hálfvirði

Ríkisstjórnin virðist ætla að viðhalda stjórnarkreppunni sem hófst haustið 2008 og varir enn

Útkoman í þjóðaratkvæðagreiðslunni segir, okkur svo ekki verði um villst, að þjóðin hefur hafnað þeim vinnubrögðum sem viðhöfð hafa verið í tíð þessarar ríkisstjórnar.

Forustumönnum ríkisstjórnarinnar hefur ekki tekist að ná viðunandi samkomulagi við Breta og Hollendinga og þrátt fyrir allar þær yfirlýsingar og hótanir í garð þjóðarinnar þess efnis að ef ekki yrði farið eftir þeirra ráðleggingum þá færi allt í bál og brand og við yrðum ekki lengur hluti af alþjóða samfélaginu, þá hefur þjóðin nú lýst því yfir að hún treystir ráðamönnunum ekki lengur og því síður að þau Steingrímur og Jóhanna haldi áfram með þetta mjög svo viðkvæma mál. 

Ríkisstjórn Jóhönnu Sigurðardóttur hefur ekki komið neinu í verk og má því með sanni segja að hér hafi verið viðloðandi stjórnarkreppa allan þann tíma sem þau hafa verið við völd.  Það má einnig segja að stjórnarkreppan hafi byrjað haustið 2008, þegar Samfylkingin hljópst undan merkjum. 

Hvað ætli Samfylkingin geri nú ?  Ábyrgð þeirra er mikil, en við vitum líka að Fylkingin sú arna er þekkt fyrir það að varpa ábyrgðinni á alla aðra, en fría sjálfa sig og nú þegar harðnar á dalnum hjá ríkisstjórninni munum við sjá í enn ríkara mæli vonbrigði Fylkingarinnar með VG og einkum Steingrím J. þar sem honum hefur ekki tekist að hafa taumhald á sínu fólki, mun Fylkingin því varpa allri ábyrgðinni á VG þegar ríkisstjórnin getur ekki lengur kennt fyrri stjórnvöldum um hvernig núverandi ríkisstjórn hefur klúðrað hverju málinu á fætur öðru. 

 

Björn Valur: Gæti leitt til stjórnarkreppu

Á morgun kjósum við um hagsmuni afkomenda okkar

Á morgun kjósum við um hagsmuni afkomenda okkar en ekki til að þóknast einhverjum flokkspólitískum duttlungum. 

Hagsmunir afkomenda minna eru mér meira virði en pólitík. 

Ég ætla að mæta á kjörstað afkomenda minna vegna.

Kosningarnar á morgun snúast ekki um að vera með einum stjórnmálaflokki og á móti öðrum, þær snúast um það hvort lífvænlegt verður á þessu landi eða ekki, hvort afkomendur okkar verða í fjötrum skuldaklafa um langa framtíð eður ei.

Það hlýtur að vera skilda hvers Íslendings að taka þátt í að móta þá afstöðu sem eru þjóðinni fyrir bestu.  Að sitja heima og gera ekki neitt er ekki kostur, heldur er það að gefa skít í þá sem eiga efir að byggja Ísland eftir okkar daga.

 

Kostnaðarsamar kosningar ?

Það var athyglisvert að heyra Steingrím J. tala um það í fréttum í gær að það að halda þjóðaratkvæðagreiðslu væri mjög kostnaðarsamt og rétt væri að finna leið til að komast hjá kosningunum, ekki síst kostnaðarins vegna.  Sami Steingrímur, sem fer með fjármál ríkisins, segist vera á móti inngöngu Íslands í ESB gerir engar athugasemdir við allan þann kostnað sem lagður er í umsóknaraðildina að því sama apparati sem hann vill ekki ganga í, sem þó er miklu mun meiri en kostnaðurinn við lýðræðið sem við erum svo stolt af, sérstaklega á tillidögum !!!!!!

Já, það er margt skrítið í kýrhausnum 

 

Gríska velferðarstjórnin

Norræna velferðarstjórnin í ESB-Grikklandi er farin að taka til hendinni í velferðarmálunum þar syðra.

Grikkir í ESB eru mun verr staddir en Ísland utan ESB.  Hvernig skildi standa á því ?????  Á ekki að vera svo gott að vera í ESB ?  felast ekki svo miklar lausnir í því að vera í ESB ?  ég tala nú ekki um þar sem þeir hafa tekið upp velferðarstjórn að norrænni mynd ? 

 

Lífeyrisgreiðslur frystar og skattar hækkaðir

Góð staða fyrir Íslendinga

Nú er um að gera fyrir ríkisstjórn Íslands og Alþingi að fara að snúa sér að málum sem skipta okkur meira máli en Icesave.  Heimilin og fyrirtækin bíða í ofvæni eftir því að ríkisvaldið fari að snúa sér að alvöru lausnum fyrir heimilin.  Handapatið sem viðgengst hefur í félagsmálaráðuneytinu er engum til gagns, alvöru lausnir verða að fara að líta dagsins ljós.

Ég átta mig ekki á því af hverju ríkisstjórnarflokkarnir sýna Íslandi og þjóðinni sem byggir landið svona mikla óvild, það er eins og það sé þeim kappsmál að leggja land og þjóð í rúst.  Meira að segja Vinstri grænir vilja framselja fullveldi þjóðarinnar í hendur Þjóðverja, Breta, Frakka og annarra ESB-þjóða.

Ég er ánægður með að samninganefndin skuli vera á heimleið og nú er best að leggja Icesave til hliðar og gleyma honum.

 

Icesave: Staðan er engum í hag

Össur tekur að sér að gefa söguskýringum annarra einkunnir

Ég held að Össur ætti að fara varlega í að útskíra eða burtskíra orð annarra.  Þegar Össur talar má öllum vera ljóst að hann fer iðulega í kring um málefnin eins og köttur í kring um heitan graut, samt tekst honum ævinlega að klúðra því sem hann segir og ekkert mark er á honum takandi.  Ekki þekki ég til bandaríska sendifulltrúans Sam Watson, en einhvernvegin segir mér svo hugur að meira mark sé á honum takandi en utanríkisráðherra Íslands, sem er vanur að blaðra út um allar áttir og gera málstað Íslands ótrúverðugan hvert sem hann fer.

 

Söguskýring bandaríska sendifulltrúans röng

Nú er ekki um neitt að semja

Ljóst er að Hollendingar eru búnir að hafna frekari samningum við Íslendinga, nema á þeirra eigin forsendum og því er ljóst að um ekkert er að semja.  Því er kominn tími til að menn fari að spara okkur þann kostnað sem allt þetta mál hefur valdið okkur og hætta að eyða tíma í það, en fari að snúa sér að öðrum og mikilvægari málefnum s.s. að bjarga heimilunum og fyrirtækjunum í landinu.

Ef Hollendingar og Bretar telja að við skuldum þeim eitthvað, þá skulu þeir sækja það fyrir dómstólum og leggja fram sönnunargögn er sýna ótvírætt að við skuldum þeim einhvern pening sem við höfum ekki tekið að láni hjá þeim.

Ríkisstjórnin er búin að þjarka allt of lengi um þetta mál og varið hagsmuni annarra en okkar Íslendinga, það er búið að vera dýrkeypt.  Ef AGS ætlar enn að draga lappirnar gagnvart okkur þegar kemur að endurskoðun efnahagsáætlunarinnar, þá eigum við að segja skilið við þann sjóð og vera ófeimin við að láta alla, sem það vilja vita að Hollendingar og Bretar hafa notað sjóðinn til að kúga okkur.

Veðurfar í þessum löndum ásamt norðurlöndunum og víðar mun ekki skána fyrr en þeir hafa fallið frá öllum kröfum á hendur Íslensku þjóðinni.

 

Ísland fallist á forsendurnar

Össur segir þingið ráða för í ESB ferlinu

Er þá ekki ráð fyrir þingmenn að koma sér saman um að leggja fram þingsályktunartillögu þar sem kveðið verði á um að hætt verði við umsóknarferlið að ESB og umsóknin dregin til baka ????? 

Kannski Ásmundur Daði og fleiri úr VG myndu styðja slíka tillögu eða ræðst afstaða Ásmundar Daða af því hvar hann er staddur hverju sinni, ef hann er staddur á Alþingi þá styður hann ESB umsóknina, en þegar hann er á fundi hjá Heimssýn þá er hann andvígur umsókn að ESB.  Er von að maður spyrji ???

 

Væri ráð að draga umsókn til baka?

Á hröðu undanhaldi

Samfylkingin, einn af hrunflokkunum, er komin á sprett, á harða hlaupum út úr samstarfinu við Vinstri græna.  Fylkingin ætlar að skilja VG eftir með Icesave-klúðrið og þykjast ekki eiga neinn þátt í því, fremur en nokkuð annað sem Fylkingin hefur komið nálægt.

Fylkingin er loks farin að átta sig á því að hún er í vonlausri stöðu.  Ekki einu sinni Icesave mun hjálpa til við að innmúra okkur inn í ESB, allt glamúrið, öll dýrðin er að hrynja fyrir augum þeirra, þá er best að taka til fótanna.  Þetta er það sem Samfylkingin kann best, taka til fótanna og skilja samstarfsflokkinn eftir og kenna þeim um allar ófarirnar.  Vissulega eiga VG stóran þátt í því klúðri sem Icesave er, en SF skal ekki láta sér detta það í hug að þjóðin sé blind á ábyrgð þeirra í málinu alveg frá upphafi.

Það er deginum ljósara að Samfylkingin er óstjórntækur flokkur og ein mestu mistök Geirs Haarde á sínum tíma var að leiða þann flokk til valda.

 

Biðla til Framsóknarmanna