Blessaður öðlingurinn

31.5.2010 | 13:23

Eftir alvarlega ígrundun hefur Hjálmar Sveinsson frambjóðandi Samfylkingarinnar í fjórða sæti tekið um það þá ákvörðun að vera áfram í því sæti og fara hvergi.

Hann var greinilega ekki búinn að gera ráð fyrir þeim möguleika að hann næði ekki inn í borgarstjórn. Hann hélt líklega að Hann, af því að hann væri hann, þ.e. Hjálmar Sveinsson sjálfur, þá hlyti hann að komast í borgarstjórn og væri þá fær um að bjarga málum þar á bæ. En síðan kom þáttur kjósenda, þeir sögðu nei við Hjálmari Sveinssyni, kannski vegna þess að þeir þekktu ekkert til mannsins, var það greinilega mikið sjokk fyrir blessaðan manninn.

Hjálmar virðist hafa gleymt að spyrjast fyrir um væntanleg laun og þá einkanlega laun varaborgarfulltrúa. Hann gleymdi að segja kjósendum sínum að hann væri að sækjast eftir starfinu launanna vegna, en það gerði Jón Gnarr ekki, hann lét alla vita strax í upphafi að hann væri að sækjast eftir góðu starfi og góðum launum.

Hver skildi svo vera ástæðan fyrir því að hann ætlar að vera kyrr. Er verið að bola Degi út úr stjórnmálum og rýma þar með fyrir Hjálmari ??? er búið að lofa Hjálmari því að hann komist að í staðin fyrir Dag og fengi þar með betri laun en laun varaborgarfylltrúa ???

Kæmi það nokkrum á óvart að Dagur verði flæmdur í burtu af sínu eigin fólki ??? Ég yrði alla vega ekki hissa.

Annað hvort hlýtur Samfylkingin að fara í alvarlega naflaskoðun á forystu flokksins og skipta út allri forystusveitinni, ellegar líður fylkingin undir lok.