Allar aðgerðir miðast við inngöngu í ESB

Þráhyggja Sandfylkingarinnar í Evrópusambandsmálunum ætlar að verða þjóðarbúinu dýrkeypt.  Nú miðast allar aðgerðir ríkisstjórnarinnar við það að við göngum í ESB.  Ekki er hægt að ganga frá endurskoðun peningamála, nema að nokkru leiti, þar sem stefnan hefur verið tekin á ESB. 

Á mbl.is er haft eftir Helga Hjörvar: "...Tók Helgi það fram að peningamálastefnan myndi væntanlega taka mið af því hverjar lyktir verða í ESB-málinu, þó svo að á leiðinni þangað, eins og hann orðaði það, yrði hægt að vinna að mörgum úrbótum".  Samkvæmt framansögðu er ekki hægt að vinna að því af festu og ákveðni að ganga frá peningamálastefnu ríkisins, vegna þrákeldni Sandfylkingarinnar.

Icesave er gott dæmi um þrákeldni Sandfylkingarinnar, en fylkingin óttast að okkur verði hafnað af ESB ef við fellum Iceslave-"samningana" [lesist, þvinganana].

Jóhanna, Steingrímur, Gylfi og restin af liðinu virðast bera hag Evrópusambandsins í brjósti fram yfir hag íslensku þjóðarinnar.  Að halda því fram að við missum "vini" ef við samþykjum ekki Iceslave, þá spyr ég: hvaða vini ?  Hverjir eru vinir okkar núna, utan Færeyinga sem hafa sýnt sanna vináttu.  Ég held að það sé ekki úr háum söðli að detta í þeim efnum.  Við erum vinalaus, "vinir" okkar eru kúgarar okkar.  Með slíka vini, hver þarfnast þá óvina ?  Eigum við bara að beigja okkur í duftið og sleikja skó þeirra ? ég held nú ekki.  Steingrímur og Gylfi meiga það ef þeir vilja, en ekki ætlast til að öll þjóðin api það eftir þeim.

 

Peningamálin í endurskoðun

Bretar og Hollendingar sýna okkur sömu hörku og þeir sýndu nýlendum sínum áður fyrr

Ljóst er að nýlenduherrarnir, Bretar og Hollendingar hafa ekkert lært af nýlendustefnu þeirri er þeir framfylgdu fyrr á tímum.  Nú halda þessar þjóðir að þær geti haldið áfram á sömu braut og knésett "vinaþjóðir" sínar ef þeim dettur svo í hug.

Ég verð að viðurkenna að ég er orðinn hundleiður á ráða- og dugleysi þeirra sem hafa verið við völd frá því s.l. haust, er allt fór fjandans til.  Menn eru svo uppteknir af því að brjóta ekki á glæpamönnunum sem komu okkur í þessa stöðu að ekkert virðist vera gert til að koma lögum á þá.  Í stað þess að láta þessa aðila bera ábyrgð gerða sinna, þá er þjóðin, ég og þú, látin bera ábyrgðina fyrir þá.  Hvernig má þetta vera ?  hvað er að þessu liði ?  Gylfa Magnússyni finnst ekkert að því að við tökum þetta á okkur, hann getur talað fyrir sjálfan sig, en ég kæri mig ekki um að borga fyrir skuldir óreiðumanna.  Davíð Oddsson hafði lög að mæla er hann sagði í Kastljósi í haust að við ættum ekki að borga skuldir óreiðumanna, hann var mikið gagnrýndur fyrir þessi orð, en hann hafði rétt fyrir sér, eins og svo oft áður.

Dugleysi stjórnmálamanna var algert í haust og þrátt fyrir nýafstaðnar kosningar og fjölda nýrra þingmanna hefur ekkert breyst.  Jafnvel þó að ný ríkisstjórn hafi tekið við af duglausri ríkisstjórn í vetur, þá hefur ekkert breyst, nema hvað hefur hægt á því litla sem gert hefur verið. 

Svokallaðar aðgerðir ríkisstjórnarinnar eru ekki að hjálpa neinum, ekki einu sinni ríkisvaldinu, þær herða aðeins á vandanum.  Að halda því fram að það sé ekkert mál fyrir okkur að borga Icesave, þá er eins og ráðherrarnir haldi að það sé okkar eini vandi.  Hvað á að gera við bankana ? hvað á að setja mörg hundruð milljarða í þá ? hvaðan á sá peningur að koma ? hvernig á að borga fyrirhugaðar skuldir við norðurlandaþjóðirnar ?  Hversu lengi halda menn að þessi klafi muni hvíla á þjóðinni ? í hve marga ættliði ?  Hvenær verða Bretar og/eða Hollendingar komnir með öll völd hér á landi, völd yfir auðæfum okkar ? hvað verður þá um afkomendur okkar ?

Bretar og Hollendingar sýna hörku, við eigum að sýna hörku á móti.  Ríkisvald þessara þjóða er ekki alsaklaust í Icesave málinu.  Það er óréttlátt að láta íslendinga bera þessar birgðar, birgðar sem þeir myndu aldrei ætla sínum þjóðfélagsþegnum að bera.

 

Bretar sýndu hörku þar til yfir lauk í viðræðunum

Skelfileg reynsla Skota af fiskveiðistefnu ESB

Ótrúlegt er að hlusta á menn og konur tala um það að við þurfum að láta á reyna og sjá hvað við fáum út úr samningum við Evrópusambandið.  Hvað heldur fólk eiginlega að ESB sé ?  Það væri eins og ég gerði samning við ríkisstjórn Íslands um eitthvað allt annað en aðrir íslendingar eru bundnir af.  Ef ESB semur um eitthvað við okkur íslendinga annað en þeir hafa samið við aðrar þjóðir sem hafa gengið þeim á hönd, þá yrðu það bara tímabundnir samningar, samningar sem myndu renna úr gildi fáum árum eftir að samið er.  Mér er sama þótt slíkar undanþágur, eins og menn tala um, giltu í tvo eða þrjá áratugi, slíkt væri gjörsamlega óásættanlegt í mínum huga.

Bretar náðu ekki að semja um fiskveiðar þeir gengu samt inn í ESB og súpa nú seiðið af því.  Norðmenn náðu heldur ekki að semja um fiskveiðar, en þeir voru skinsamir og felldu samningana, ekki bara einu sinni heldur tvisvar.

Ef til er skinsamt fólk í ríkisstjórnarflokkunum þá mun það koma í veg fyrir að haldið verði í þá vegferð að semja við ESB.  Við eigum ekki láta plata okkur inn í apparatið ógurlega, skrímslið sem allt og alla vill gleypa.

Sandfylkingunni er vorkunn, þeir hafa einhverja innanbúðar hagsmuna að gæta, eitthvað sem ég átta mig ekki á nema ef vera kynni einhverjir bitlingar fyrir útvalda í fylkingunni.

Eyðum ekki dýrmætum tíma eða fjármunum í þessa vitleysu, en snúum okkur að því sem skiptir þjóðina máli í dag, að bjarga þjóðinni þ.e. heimilum, fyrirtækjum og sálarheill okkar allra.

 

Skelfileg reynsla Skota af fiskveiðistefnu ESB

Íslenska ríkis strandar á Icesave-skerinu

Steingrímur, Jóhanna og þeirra kumpánar eru iðin við að lýsa hörmungunum sem yfir okkur munu dynja ef Icesave verði ekki að Iceslave með samþykki Alþingis.  Þau fjalla lítið um hvaða hörmungar þau eru að leggja á þjóðina með þeim gjörningum.  Að halda því fram við fullorðið fólk að ef við samþykkjum ekki þessa "samninga" sem þvingaðir voru upp á okkur þá munum við missa alla okkar vini, við verða útskúfuð úr alþjóðasamfélaginu, við hvergi geta fengið lán og lánshæfimat þjóðarinnar verða verra en það er [það getur ekki versnað mikið frá því sem það er nú þegar].  Þetta er eins og að segja við óþæga krakka: "ef þið hlýðið ekki þá mun ljóti karlinn koma og taka ykkur".

Ef þessir þvinguðu samningar verða samþykktir af Alþingi, þá mun lánshæfimat okkar lækka enn frekar og engin lán fást í mörg ár þar sem við verðum engir borgunarmenn um áratugi.  Við verðum bara eins og nýlendur þessara þjóða, útskúfuð og arðrænd.  Ef við sleppum því að borga verðum við borgunarmenn, eins og hingað til og íslenska ríkið og landsvirkjun verða eftirsóttir lántakendur eftir örfá ár.

Ef Icesave þvingunin verður samþykkt á Alþingi þá er endanlega búið að sigla þjóðarskútunni í strand og ekki verður hægt að bjarga henni af strandstað í marga áratugi.  Það strand mun skrifast á Steingrím J. og Jóhönnu Sig., verkstjóra.

 

Strandi Icesave, strandar allt

Verðbólga í boði ríkisstjórnar og Seðlabanka

Það er komið á daginn, athafnir ríkisstjórnarinnar í skattamálum og Seðlabankans með háu stýrivextina eru að valda nýju verðbólguskoti.  Aðeins hluti skattahækkana ríkisstjórnarinnar eru nú að koma fram í vísitöluútreikningnum.  Mesta hækkun vísitölunnar er tilkomin vegna hækkunar á eldsneyti, áfengi og tóbaki.  Eldsneytishækkunin nú er vegna hækkunar á heimsmarkaðsverði og lágs gengis krónunnar, en lágt gengi krónunnar skýrist að nokkru leiti af vaxtastefnu Seðlabankans.  Lán heimilanna munu hækka um marga milljarða þegar vísitalan tekur gildi um þarnæstu mánaðarmót vegna þessarar hækkunar vísitölunnar. 

Næst þegar vísitalan verður reiknuð, seinnipartinn í júlí, verður nýr skattur ríkisins kominn inn í eldsneytisverðið og boðaðar hækkanir virðisaukaskatts á ýmissar vörutegundir.  Munu þessar hækkanir hafa enn frekari áhrif til hækkunar vísitölunnar.  Sú hækkun mun koma lánþegum illa um mánaðamótin ágúst/september, einhverjir milljarðar til viðbótar þeim sem að framan er getið munu bætast ofan á lánin.

Ég veit ekki hvort var verra, aðgerðarleysið sem einkenndi ríkisstjórnina fyrstu fjóra mánuðina eða aðgerðir þeirra nú.

Aðgerðir ríkisstjórnarinnar eiga eftir að koma þjóðinni á vonarvöl.  Í haust alveg framundir áramót á atvinnuleysi eftir að aukast verulega, þúsundir heimila munu verða komin í verulega greiðsluerfiðleika, fyrirtækjum mun fækka hraðar en s.l. vetur og vor og fjöldi ungs fólks mun flytjast búferlum til útlanda og setjast þar að til frambúðar.  Draumur Árna Páls Árnasonar, félagsmálaráðherra, um að unga fólkið muni koma aftur síðar meir, er bara draumur.  Þegar unga fólkið verður búið að koma sér vel fyrir í útlöndum og afkomendum þeirra líður vel í nýjum heimkynnum, þá sér það ekki ástæðu til að koma aftur til Íslands þaðan sem það var hrakið af ríkisstjórn sem ekkert vildi gera til þess að halda í það.

Nú, þegar lánþegar sjá greiðslubirgði sína aukast hröðum skrefum og skatta hækka, bæði á tekjur og í formi vöruverðs, þá mun fólk hreinlega gefast upp á að borga af lánum sínum, mun sá skellur lenda á bönkunum og íbúðarlánasjóði.  Hvernig ætlar ríkisstjórnin þá að afla meiri tekna hjá fólki sem ekki getur greitt ?

Úrræðaleysi og lánleysi ríkisstjórnarinnar er algert.  Mér segir svo hugur að verið sé að undirbúa sölu Íslands í hendurnar á ESB-möppudýranna í Brussel.  Með aðferðarfræði ríkisstjórnarinnar sé ég ekki að við komumst út úr vandanum að sjálfsdáðum og allavega ekki með hjálp AGS.

 

Þjóðin fær ekki að ráða

Það má reikna Jóhönnu Sigurðardóttur, forsætisráðherra, það til tekna að hún kemur grímulaust fram í umræðum um Evrópusambandsmálið.  Í gær svaraði hún Bjarna Benediktssyni, formanni Sjálfstæðisflokksins, því til að þjóðaratkvæðisgreiðsla, er varðar væntanlegan samning Íslands við Evrópusambandið um hugsanlega aðild Íslands að ESB, verði ráðgjafandi.  Með öðrum orðum er Jóhanna að segja það að ef henni líkar ekki útkoman úr þjóðaratkvæðagreiðslunni þá tekur hún ekki tillit til hennar.  Jóhanna ætlar okkur í ESB hvað sem það kostar.

Ég hefði ekki trúað því að Jóhanna ætti til slíka einræðistilburði sem byrtust í svari hennar til Bjarna Ben. en smám saman hefur þetta verið að koma fram hjá henni síðan hún tók við sem forsætisráðherra í febrúar byrjun.

 

Ríkisstjórn fólksins ?

Ríkisstjórnin sem ætlaði að slá skjaldborg um heimilin og bjarga fyrirtækjunum er á góðri leið með að leggja heimilin og fyrirtækin í rúst.

En þarf ekki að auka tekjur ríkisins og draga úr kostnaði ?

Jú vissulega, en aðferðarfræði ríkisstjórnarinnar eru undarlegar.  Ríkisstjórnin hefur neitað að hlusta á ráð annarra en einblína á eigin ófæru aðferðir.  Í stað þess að færa niður verðtryggð lán annaðhvort um ákveðna prósentu eins og talað hefur verið fyrir um eða með því að færa lánin niður miðað við verðtryggingu á tilteknum degi og leiðrétta myntkörfulánin og láta gömlu bankana og íbúðarlánasjóð taka skellinn, þá er það almenningur, lántakendur sem taka allan skellinn.  Lánastofnanirnar eru varðar af ríkinu, en almenningur verður að borga. 

Það er ekki nóg með að fólk þurfi að borga uppreiknaðar eigin skuldir, heldur þarf almenningur að taka á sig sukk útrásarvíkinganna meðan þeir ganga um frjálsir menn og eyða þeim verðmætum sem þeir hafa komið undan.

Icesave-skuldbindingin er stórkostlega íþyngjandi fyrir þjóðina, en þær skuldbindingar eru ekki þær einu sem við þurfum að borga.  Ríkissjóður er að taka lán hjá hinum norðurlöndunum, Rússum og jafnvel víðar, auk þess sem aðrar skuldir en Icesave-Landsbankans gætu eftir að bætast við.

Ætli þetta sé það sem Jóhanna meinti er hún talaði um að slá skjaldborg um heimilin ?  Er það að bjarga fyrirtækjum að láta þau fara yfir um eitt af öðru ?  eða að yfirtaka fyrirtæki, fyrirtæki í samkeppni við annað/önnur á sama sviði og þrýsta þeim út af markaðnum ?

Bjargráð og hjálp ríkisstjórnarinnar eru engin, en á sama tíma eru uppi áætlanir stjórnarinnar að selja land og þjóð í hendur möppudýra í útlöndum.

Hvað á að gera við svona fólk ? 

 

Enginn hefur sýnt fram á...

...að samningurinn um Icesave stofni Íslandi og stöðu Íslendinga ekki í hættu, land og þjóð á að njóta vafans.

Enginn sýnt fram á að samningurinn stofni Íslandi í hættu

Svandís Svavarsdóttir varð fyrir höfuðhöggi

Vonandi að það hafi orðið til að rétta kúrsinn hjá henni, að hún hafi loks séð ljósið og taki upp á því að taka skinsamar ákvarðanir héðan í frá

 

Svandís: Heppnari en ég á skilið

Gjaldþol ríkisins ekki í hættu

Á mbl.is má lesa eftirfarandi undir ofangreindri fyrirsögn:

„Ef það væri einhver minnsta hætta á að við værum að stefna þjóðinni í gjaldþrot eða veita aðgang að innlendum eigum ríkisins þá myndi ég ekki styðja slíkan samning, það er alveg ljóst," sagði Jóhanna þegar hún svaraði fyrirspurnum á Alþingi í dag. Hún bætti við, að ef eitthvað slíkt kæmi í ljós myndi hún ekki styðja væntanlegt frumvarp um ríkisábyrgð vegna samkomulagsins.

Af framangreindu má draga þá ályktun að Jóhanna viti ekki hvað í samningnum stendur.  Draga má þá ályktun að hún hafi ekki lesið samninginn og/eða hún illa upplýst um hvað í honum felst.

Svo vill hún að við treystum henni til að taka ákvarðanir sem væru þjóðinni til heilla ! ! !

Hvers á Íslenska þjóðin að gjalda ? ? ?

Íslenska þjóðin er ekki leiksoppur sem hægt er að fara með hvernig sem mönnum dettur í hug.

 

Gjaldþol ríkisins ekki í hættu