Já menn Össurar skipaðir...

...í samninganefnd Íslands í aðildarviðræðum við Evrópusambandið, það er sem sagt ekki von til þess að efasemdarmenn fái að koma að málum. 

Kemur svo sem ekki á óvart.

Það verður allt lagt í sölurnar til að halda efasemdamönnum og reyndar þjóðinni allri fjarri samningaferlinu.

 

Samninganefnd vegna ESB skipuð

Jón Bjarnason og ESB

Hafa þeir það ekki í hendi sér, Jón Bjarna og aðrir VG-ingar, að stöðva ESB-umsóknarferlið ? eða er honum og öðrum VG-ingum stólarnir svona kærir að þeir telji betra að halda í þá um stund og láta ESB-skrímslið yfir sig ganga ?

Enn ein birtingarmynd þess hversu ríkisstjórn Íslands er mynduð af fólki sem við getum ekki lagt traust okkar á.  Allt fyrir völdin.

 

ESB-umsóknin þungbær

Svo er ætlast til að við treystum þessu fólki í blindni

Flan Flanagans er ótrúverðugt, honum og Alþjóðagjaldeyrissjóðnum er greinilega ekkert umhugað um stöðu Íslensku þjóðarinnar.  Svona snakk gerir hann berskjaldaðan og sýnir svo ekki verði um villst að hann er ekki hæfur til að fara með málendi okkar. 

AGS ætlar bara að kúga Íslensku þjóðina og ríkisstjórnin kyssir vöndinn.

Er von að vonleysi ríki meðal þjóðarinnar með svona fólk í brúnni ?

 

Skuldirnar ekki óviðráðanlegar

Kunnuglegar yfirlýsingar

Þær hljóma kunnuglega yfirlýsingar Murilo Portugal, aðstoðarframkvæmdastjóra Alþjóða-gjaldeyrissjóðsins, "batinn kemur eftir svo og svo langan tíma, endurskoða á efnahagsáætlun eftir svo og svo langan tíma", en ekkert gerist fyrr en eftir dúk og disk.

Það sem ég rek augun í í yfirlýsingu Murilo er það sem kemur fram í lokin, en þar segir: "Tryggja verði jafnræði milli kröfuhafa en jafnframt sé mikilvægt, að íslenska ríkið yfirtaki ekki meiri skuldir frá einkaaðilum".

Með öðrum orðum sýnist mér hann vera að segja þetta (mín eigin túlkun): "Nú hefur okkur tekist að þvinga Íslendinga til að taka á sig skuldbindingar gagnvart Bretum og Hollendingum, skuldbindingar sem eru tilkomnar vegna gjörða einstaklinga og passa verður uppá að þeir borgi þær skuldbindingar, aðrir mega eiga sig, ekki síst Íslendingar sjálfir, þó þeir hafi ekkert til saka unnið".

Í annarri frétt í morgun kom fram að lánin sem íslenska ríkið er að fá þessa dagana og átti að liggja á bók óhreift í þeim tilgangi að vera bakstuðningur við gjaldeyrisforðann og þar með styrkja krónuna, eigi að nota og eyða þeim peningum þvert á fyrri yfirlýsingar ríkisstjórnarinnar. Er það í takt við allar yfirlýsingar og gjörðir ríkisstjórnarinnar fram að þessu, þ.e. orð og efndir fara ekki saman.  Þegar farið verður að nota þessa fjármuni eru þeir ekki lengur til staðar til að styðja við krónuna, á þá að taka ný lán í þeim tilgangi ?

Þetta er orðið þvílíkt rugl að ég efast um að þeir sem eru að höndla með þessi mál skilji hvað þeir eru að gera.  Ég stór efast um að Jóhanna eða Steingrímur skilji hvað þau eru að gera, þau taka bara við fyrirmælum frá AGS, ESB, Bretum og Hollendingum og segja: "Já og Amen" við öllu sem að þeim er rétt, burtséð frá hagsmunum þjóðarinnar. 

Málið er að þau virðast orðin svo föst í neti blekkinganna að þau þora ekki að losa sig, en það myndu þau gera með því að játa yfirsjónir sínar og þá blekkingu sem þau hafa verið beitt og þá blekkingu sem þau hafa beitt gagnvart þjóðinni.  Ég er hræddur um að þau verði ekki ánægð með þau eftirmæli sem þau munu hljóta fari þau ekki að snú við blaðinu.

 

Bati í augsýn um mitt ár 2010

Ætla Vinstri grænir að fara með Samfylkingunni á methraða inn í ESB ?

Ætlar ríkisstjórnin með Samfylkinguna í broddi fylkingar að hundsa og lítilsvirða Íslensku þjóðina í Evrópumálunum eins og þau hafa gert í öllum öðrum málum er snerta þjóðarheill ? 

Eru VG virkilega búnir að kokgleypa ESB-áróður Jóhönnu og Össurar ? eða er bara búið að heilaþvo VG-liðið ?  Er þetta fólk virkilega að bíða eftir blóðugri byltingu. 

Ríkisstjórnin gengur svo gjörsamlega fram af fólki að leitun er að öðru eins.  Ekki skrítið að okkur er líkt við Zimbabwe

 

Á methraða inn í ESB?

ASÍ og SA skera ríkisstjórnina niður úr snörunni

Ríkisstjórnin fær lengri tíma til að níðast á eigin þjóð.  Er ekki nóg komið ?

 

Fagnar framhaldi kjarasamninga

Tólf mánaða verðbólga tæð 10% ? ? ?

Það má vel vera að verðbólga síðustu tólf mánaða reiknist tæp 10%, en ef verðbólgan milli september og október er framreiknuð í tólf mánuði er hún nær 14%.  Hvaða viðmið ætli Seðlabankinn noti svo við vaxtaákvörðun þann 5.nóvember næstkomandi ?  Ætli þeir komi til með að notast við afturreiknaða útreikninga, eins og gert hefur verið nú þegar verðbólgan var á niðurleið, eða verður nú litið til þeirra áhrifa sem síðustu útreikningar Hagstofunnar gefa til kynna þar sem hækkun milli mánaða er 1,144%, framreiknað tæp 14% ?  Mun "Peningastefnu-nefnd" bankans sjá ástæðu til að hækka stýrivexti vegna hærri verðbólgu milli síðustu tveggja mánaða ? eða mun nefndin horfa til þróunarinnar síðustu tólf mánuði og lækka stýrivextina niður fyrir 10% markið ?

Í heilt ár hefur þjóðfélagið allt, jafnt atvinnuvegir sem heimili landsins, hrópað eftir vaxtalækkun, en Seðlabankinn hefur daufheyrst við því neyðarópi.  Ég verð að viðurkenna að ég er ekkert allt of bjartsýnn á vaxtalækkun, alla vega meðan AGS er með puttana í málefnum okkar.

Það er orðið löngu tímabært að segja skilið við AGS, ekki bara að afþakka "aðstoð" þeirra, heldur segja skilið við þá alfarið.  AGS hefur ekki verið til gagns hér á landi frekar en annarsstaðar þar sem þeir hafa komið að málum.  Það er enginn akkur fyrir okkur að vera viðriðin slíka stofnun sem notar þvinganir og hótanir gegn ríkjum sem eiga í erfiðleikum og kemur fram eins og nýlenduherrar gagnvart þeim. 

Nú er mál að menn standi í lappirnar, lækki vexti verulega, niður í 4,5%, leggi af allar hindranir er halda aftur af atvinnusköpun og framförum í landinu og ryðja þeim stjórnmálamönnum úr vegi sem eru til trafala.

 

Tólf mánaða verðbólga tæp 10%

Fagrar yfirlýsingar og góður vilji er ekki nóg

Þegar ríkisstjórn Jóhönnu Sigurðardóttur var mynduð voru margar fagrar yfirlýsingar viðhafðar af forsætisráðherra, ég er sannfærður um að viljinn var góður og einlægur.  Það sem gerðis síðan virðist vera þetta.  Eins og strúturinn, gróf hver ráðherra sína gröf, nægilega stóra og nægilega djúpa til að geta stungið hausnum í.  Með lokuð augun og bundið fyrir þau þar að auki stakk svo hver ráðherrann á fætur öðrum hausnum í sína holu, forsætisráðherra fyrst, síðan fjármálaráðherra og svo koll af kolli.

Fögru yfirlýsingarnar og góði viljinn dugar skammt þegar athafnir fara ekki saman við það sem lofað var í upphafi. 

Einhvern tímann heyrði ég að Kínverskt máltæki hljóðaði einhvernvegin svona: "Verk þín tala svo hátt að ég heyri ekki hvað þú segir".  Þetta máltæki á vel við ríkisstjórn Íslands í dag.  Loforðin, fyrirheitin og góði viljinn fer engan veginn saman við verkin sem hrópa á hverju götuhorni og er að æra þjóðina.

Það væri heiðarlegra, betra fyrir þjóðina og betra fyrir ráðherrana sjálfa að viðurkenna að þau ráða ekki við þann vanda sem við er að glíma og láta aðra, hæfari einstaklinga, um að takast á við erfiðleikana.  Ég er því miður ekki viss um að slíkir einstaklingar séu til á þingi, en þeir eru til í þjóðfélaginu, hæfir, heiðarlegir og áræðnir einstaklingar sem væru til í að koma að málum, þjóðarinnar vegna.

Við höfum ekki efni á "stjórnmálamönnum", sem þeim er skipa ríkisstjórn Íslands í dag, við höfum ekki heldur efni á "stjórnmálamönnum" sem skipa marga flokkana á þingi í dag og þá sérstaklega stjórnarflokkana.

Í gegnum tíðina hafa margir talið sig sjá heiðarlegan stjórnmálamann í Jóhönnu Sigurðardóttur, en hafa nú orðið fyrir vonbrigðum.  Jóhanna hefur brugðist vonum þeirra sem litu til hennar sem heiðarlegan stjórnmálamann er berjast myndi fyrir þeim sem minna mega sín.  Jóhanna hefur þess í stað tekið að sér að berjast fyrir hagsmunum annarra en Íslendinga og gefið eftir fyrir ofríki, frekju og yfirgangi Breta, Hollendinga, AGS og ESB.  Hagsmunir Íslands eru fyrir borð bornir á öllum sviðum og er sárara en svo að tárum taki að fylgjast með ofbeldi því sem alþýða manna á Íslandi er beitt af eigin stjórnvöldum.

 

Ekkert bólar á yfirlýsingu

Guðfríður Lilja hefur verið beygð

Hún er búin að gefa eftir í Icesave-málinu.  En hvað með Ögmund, Lilju Mósesdóttur, Ásmund Einar Daðason og Atla Gísla, er búið að beygja þau ? eða liggur von þjóðarinnar í afstöðu þeirra ?

 

Heillavænlegast að ljúka Icesave-málinu nú

Þau ættu að hlusta á Lilju

Það má telja á fingri annarra handar þann þingmann stjórnarflokkanna sem mér finnst bera af, nafn þess þingmanns er Lilja Mósesdóttir.  Ég get ekki með nokkru móti skilið af hverju hún var ekki gerð að fjármálaráðherra, eða fengin til ráðgjafar í þeim erfiðu málum sem stjórnin hefur verið að glíma við. 

Þegar Lilja hefur stungið niður penna (sest við tölvuna til skrifta) og fjallað um efnahagsmál án þess að Steingrímur hafi komist í tæri við skoðanir hennar og spillt fyrir henni, hefur hún komið með mjög svo skinsamar ályktanir.  Grein Lilju í Morgunblaðinu í dag ber þess vitni að hún hefur skarpa sýn á stöðu mála, aðkomu AGS og hversu illa hann er undirbúinn til að koma Íslandi til hjálpar eða þá að hann er svo illa innrættur að hann geri hvað sem er til að koma þjóð okkar á hausinn.

AGS hefur reynst innheimtustofnun fjármagnseigenda fremur en hjálparhella þjóða í vanda, það sést greinilega í afstöðu AGS til Icesave-samkomulagsins.  Nú verður fróðlegt að fylgjast með framvindu mála og afgreiðslu sjóðsins til Íslands annars vegar og afgreiðslu þingmanna Vinstri grænna á nýju frumvarpi ríkisstjórnarinnar, hins vegar, vegna nýju breytinganna á samkomulagi (þvingunum) Hollendinga og Breta  við Ísland.  Fróðlegt verður að sjá hver afstaða Lilju verður til þess, mun Steingrímur króa hana út í horn eins og hann gerði fyrr á þessu ári og þvinga hana til að fara að hans vilja og gegn eigin samvisku ?

Vonandi mun Lilja ásamt fleirri þingmönnum VG standa í lappirnar og standa þar með með Íslandi gegn þvingunum AGS, Breta, Hollendinga, ESB og Samfylkingarinnar.

Ísland þarf á hugrökku, einlægu og framsýnu fólki að halda á Alþingi, fólki sem er annt um land og þjóð og er ekki tilbúið að selja það í hendur AGS og ESB fyrir svikagull (Fools gold), eins og Samfylkingin hefur gert.

 

Gera þarf róttæka breytingu á efnahagsáætlun AGS