Ætlar Steingrímur Joð að borga úr eigin vasa

Steingrímur Joð sagði á Alþingi í dag að hann væri tilbúinn að bera ábyrgð á Icesave-samningnum einn, ef stjórnarandstaðan aðeins leifði stjórnarflokkunum að klára málið með atkvæðagreiðslu, þá væri hann tilbúinn að axla þá ábyrgð ef Icesave-frumvarpið færi í gegn.

Það var nefnilega það.  Ætlar Steingrímur Joð að borga brúsann úr eigin vasa ?  Þvílíkt og annað eins kjaftæði og manninum til háborinnar skammar.  Heldur hann virkilega að fólkið í landinu trúi því að hann komi til með að axla þá ábyrgð, ég held nú ekki.  Það verður fólkið í landinu, þú og ég og börnin okkar og barnabörnin okkar sem munu þurfa að axla þá ábyrgð, Steingrímur Joð verður væntanlega löngu kominn undir græna torfu þegar og ef þær greiðslur taka nokkurn tíman enda.

Ótrúverðugleiki Steingríms og annarra stjórnarliða er orðin þvílíkur að það má leita til þriðja heims landa á borð við Zimbabwe, Norður Kóreu og önnur álíka lönd til að finna annað eins.

Norræna velferðarstjórnin veldur æ meiri vonbrigðum eftir því sem dagarnir líða.  Hvenær megum við vænta þess að þessi stjórn fari frá.  Máltækið segir: "lengi getur vont versnað" en ég held að það sé ekki hægt að fara neðar en þetta.  Engin stjórn getur orðið eins slæm og sú sem við búum við í dag.  Það verður að fara að koma þessu fólki frá, þetta gengur ekki lengur.

 

Ekki vissi ég að tilboð hafi verið í boði

Steingrímur J. er svo ánægður með vaxtakjörin sem okkur bjóðast ef við tökum lán hjá Bretum og Hollendingum.  Málið er bara það að við þurfum ekki að taka lán hjá þeim.  Þetta minnir einna helst á hvernig bankarnir tældu fólk í "góðærinu" til að taka himinhá lán og hvað gerðist ?  Allt fór á annan endann og margir að missa aleigu sína.  Er það það sem Steingrímur J. vill ? er það það sem hann stefnir að.

Hvað lánshæfimat ónýtra matsfyrirtækja varðar, þá skipta þau okkur ekki neinu máli.  Þessi sömu fyrirtæki sögðu korter fyrir hrun að allt væri í besta lagi hjá bönkunum hér á landi.  Eigum við svo að fara að taka mark á þeim núna.  Til hvers þurfum við lánshæfimat frá þeim, við eigum að forðast að taka lán, en vinna okkur öllu heldur út úr vandanum með því að framleiða vörur og selja úr landi.  Erum við ekki búin að brenna okkur á sífeldum nýjum lántökum.

Við erum ekki að taka lán til að þóknast Hollendingum eða Bretum, þeir geta ávaxtað pund sitt og evru annarsstaðar.

 

Hagstæðustu kjör sem fást

Er þetta ekki nokkuð skírt

Það er sem sagt ekki hægt að keyra Icesave málið í gegn um þingið bara sisvona.  Ljóst er að miklar líkur eru á því að um stjórnarskrárbrot gæti verið að ræða og skapast þá tilefni til ákæru á hendur stjórnvalda og á hendur ráðherra forsætis og fjármála persónulega og jafnvel allra annarra persóna í ráðherrastólum. 

Ég er hræddur um að ríkisstjórnin verði að fara að athuga sinn gang og ég tala nú ekki um einstaka þingmenn stjórnarflokkanna, vilji þeir ekki eiga á hættu að verða sakfeldir fyrir landráð.

 

Segja Icesave-lög geta verið brot á stjórnarskrá

Því verður ekki trúað

Eftirfarandi er tekið af mbl.is undir fyrirsögninni: Komumst ekki lengra en þar er vísað til fullyrðinga Jóhönnu og Steingríms við Bloomberg fréttastofuna og er neðanritað tekið úr viðtali Bloomberg við þau.

„Við getum ekki náð lengra í samningum," segir Steingrímur við Bloomberg en haft er eftir honum, að Ísland muni ekki reyna að fá fram breytingar á þeim samningi, sem gerður var í október.   

„Ég er enn bjartsýnn á að frumvarpið verði samþykkt löngu fyrir jól," segir Steingrímur. Samkomulagið er háð því að Alþingi samþykki ríkisábyrgð á lán, sem Tryggingasjóður innistæðueigenda tekur hjá breskum og hollenskum stjórnvöldum.

Jóhanna Sigurðardóttir segir, að Ísland muni lenda í miklum vandræðum takist stjórnvöldum ekki að leiða samningana við Breta og Hollendinga til lykta.  

„Ég er sannfærður um að sá samningur, sem nú liggur fyrir, er sá besti sem við gátum náð fram," segir Jóhanna. „Komi það í ljós síðar að Ísland var ekki skuldbundið samkvæmt lögum að ábyrgjast þessar innistæður munum við herma það upp á Breta og Hollendinga að taka málið upp að nýju."

Bretar og Hollendingar vita að við erum að gera allt sem í okkar valdi stendur til að fá þetta frumvarp samþykkt eins hratt og unnt er," segir Jóhanna við Bloomberg.

Þau geta reynt að blekkja Bloomberg, en þau blekkja ekki Íslendinga.  Við erum búin að vera að fylgjast með störfum þeirra og framkomu allri og það er ekkert sem bendir til þess að þau hafi verið heiðarleg í samskiptum sínum, hvorki við þing eða þjóð.  Það er á valdi stjórnvalda og Alþingis að segja hingað og ekki lengra við Bresk og Hollensk stjórnvöld.

Það er dapurlegt, en þjóðin trúir ekki eða treystir þessu fólki lengur.  Þjóðin skilur ekki hvað þeim gengur til.

Látið hefur verið í það skína að ef við samþykkjum ekki Icesave lendi ríkissjóður í ruslflokki greiningardeilda matsfyrirtækja.  SO WHAT !!!  Hvað með það !!!  Þessi matsfyritæki eru ekki upphaf eða endir alls.  Hingað til hafa þau gert hver mistökin á fætur öðrum og eru ekki traustsins verð.  Auk þess eigum við að forðast eins og heitan eldinn að taka erlend lán, ekki nema brínasta nauðsin kalli eftir slíku.

 

Komumst ekki lengra

Góð og rökrétt ákvörðun hjá Finni

Það er góð og rökrétt ákvörðun hjá Finni Sveinbjörnssyni að sækja ekki um áframhaldandi stöðu bankastjóra hjá Arion banka.  Finni hefur ekki tekist að bæta eða verja ímynd bankans, en þvert á móti hefur henni (ímynd bankans) hrakað verulega í bankastjóra tíð hans.  Trúverðugleiki Arion banka, sem og annarra banka hefur beðið skaða og hefur síður en svo lagast eftir að skilanefndir voru settar og nýir bankar settir á stofn. 

Helst er að sjá að bankarnir séu enn í 2007 gírnum, nema hvað ekki stendur til að hjálpa fólki, hvort sem það er í neyð eða ekki.  Allt er gert til að hugsa um hag bankanna á kostnað annarra, þ.e. fólks og fyrirtækja.

Óskandi er að nýir eigendur og nýr bankastjóri taki mannúðlegar á málum en gert hefur verið hingað til.

 

Finnur Sveinbjörnsson hættir

Steingrímur viðurkennir leynimakkið

Það verður að klára Ice-slave samninginn, sama hvað það kostar, en þing og þjóð fær ekki að vita hvers vegna.  Við, þjóðin, eigum bara að gleypa orð Steingríms J. Sigfússonar hrá og trúa og treysta honum.  Hvað hefur hann til unnið að við ættum að treysta honum ?  Hann hefur ítrekað farið með ósannindi á þingi um Icesave og margt annað frá því hann komst í ylvolgan stól fjármálaráðherra.

Nei takk Steingrímur, ég trúi þér ekki og ég treysti þér ekki !!!! 

Svo einfalt er það.

 

Verður að klára Icesave af ótilgreindum ástæðum

Afstaða Samfylkingar skír, en afstaða Vinstri grænna ekki

Ég get skilið afstöðu Samfylkingarinnar til Icesave-nauðasamningana, þeir eru jú allir haldnir "undirgefni við erlenda harðstjórnar syndrúminu", en sennilega eru VG haldnir "undirgefni til að halda í stjórnartauma syndrúminu".  Hvorutveggja eru þetta mjög alvarleg afbrigði og illlæknanleg, bóluefni hafa ekki fundist.  Í tilfellinu hinu fyrra hafa þjóðir komið mjög illa út úr því afbrigði og munu ekki ná sér að sögn lækna, skaðinn er varanlegur. 

Því votta ég öllu Samfylkingarfólki samúð mína.

 

Hvað sagði amma um Icesave?

Hverjir halda hverjum í gíslingu ?

Stjórnarandstaðan heldur þinginu í gíslingu.

Ríkisstjórnin og stjórnarmeirihlutinn heldur þjóðinni allri í gíslingu.

 

 

Þinginu haldið í gíslingu málþófs

Daniel Gross stendur fyrir sínu, það sama verður ekki sagt um ráðherra ríkisstjórnarinnar

Samfylkingarþingmaðurinn Valgerður Bjarnadóttir og Samfylkingarráðherrann Gylfi Magnússon virðast hafa áhyggjur af kostnaði við setu Daniel Gross í bankaráði Seðlabankans.  Ég held að þau ættu að hafa meiri áhyggjur af kostnaði sem til fellur vegna umsóknar Íslands að Evrópusambandinu sem þjóðin hefur ekki áhuga á, en kostar okkur reiðinnar ósköp.  Gross hefur þó verið að vinna vinnuna sína og það með hagsmuni Íslands að leiðarljósi, ekki verður hið sama sagt um ráðherra eða þingmenn stjórnarflokkanna.

 

Gros kostar Seðlabanka 5 milljónir á ári

Ærandi þögn stjórnarflokkanna þegar mest reynir á að Alþingi standi með okkur, þjóðinni

Ég var að fylgjast með umræðum á Alþingi í gærkveldi.  Ærandi fannst mér sú þögn og sú lítilsvirðing sem ríkisstjórnarflokkarnir sýndu ekki aðeins Alþingi heldur þjóðinni.  Lítilsvirðing gagnvart þjóðinni felst í því að þeir leggja ekkert á sig til að vernda hag hennar.  Þjóðin, fólkið í landinu, má bara blæða, þeim er svo gjörsamlega sama um okkur. 

Sú var tíð að maður var stoltur af því að vera Íslendingur, en nú orðið skammast maður sín fyrir þjóðerni sitt, ekki aðeins vegna víkinganna heldur vegna þeirra sem fara með völdin í landinu. 

Hvílík niðurlæging