Þeir sem hæst hafa!!!

Ungbarnadauði var mikill hér á landi alveg framundir þarsíðustu aldamót. Slæmur aðbúnaður, léleg heimkynni og farsóttir voru helstu ástæður þess hversu mörg börn dóu í bernsku. Nú á tímum er aðbúnaður mun betri og farsóttir hafa ekki verið að hrella ungviðið í sama mæli og áður fyrr.

Stærsta ógn sem blasir við ungviði okkar í dag erum við, mannfólkið, þar sem yfir eittþúsund börn deyja árlega af manna völdum, fyrir hendi þeirra sem eiga að verja þau og hlúa að þeim. Fósturmorð er hið mesta böl sem blasir við yfir þúsund einstaklingum á ári hverju.

Margir sem eru í fararbroddi þeirra sem berja sér á brjóst yfir bágindum barna erlendis og þeim hörmulegu skilyrðum sem þau búa við, vegna stríðs og af öðrum orsökum, eru þeir hinir sömu sem tala hvað hæst fyrir því að börnin okkar séu tekin af lífi í móðurkviði.

Ungbörn fjórðungur þeirra í garðinum

Auglýsing frá Soda Stream

Í tilefni af frétt á mbl.is  Mengunin hverfur með „Soda Stream“

Mengunin hverfur með „Soda Stream“

Þórdís Kolbrún vill teygja lopann í von um að geta komið orkupakkanum í gegn síðar, svo lítið beri á.

Var Þórdís Kolbrún ráðherra ekki búin að ráðfæra sig við sérfræðinga áður en ákveðið var að leggja orkupakka 3 fyrir Alþingi í febrúar næstkomandi???? Hvaða sérfræðinga á nú að leita til???? Er bara verið að teygja málið vegna harðrar andstöðu við það og koma því svo snögglega í gegn þegar minnst varir????

Það á bara algerlega að eyða þessu frumvarpi í fæðingu, eins og Svandís vill gera við börn í móðurkviði og notast við meðgöngu rof [þ.e. á frumvarpið um orkupakkann].

Stjórnmálamenn og annað fólk sem er að þiggja mútur úr hendi ESB til að vinna að innlimun okkar í ESB þarf að svara til saka og taka út sinn dóm í réttarkerfinu, sé nokkuð "réttar"kerfi eftir í landi okkar.

Ég fullyrði að ESB hefur mokað fé í stjórnmálamenn og ýmsa aðra til að kaupa sér velvild og aðgang að íslensku þjóðinni. Þetta þarf að upplýsa og draga þá til ábyrgðar sem hlut eiga að máli, þ.e. mútuþega.

Útilokar ekki frekari frestun orkupakka

Börn eru blessun, tökum vel á móti þeim, þeirra eru framtíðin, þau eru framtíð þjóðar okkar.

Börn eru framtíð þjóða. Þegar fæðingum barna fækkar og verða færri en sem nemur dauðsföllum, þá fækkar fólki. Þegar börn eru óvelkomin og þau deydd í móðurkviði og slíkt athæfi samþykkt af yfirvöldum eru yfirvöld og þjóðfélagið allt að kveða upp eigin dauðadóm.

Þjóðfélög þar sem fósturmorð eru samþykkt og talin eðlileg eiga ekki rétt á að kallast þjóðfélög, þau tortíma sjálfu sér, við getum kallað það þjóðfélagslegt sjálfsmorð.

Til að viðhalda mannkyninu þurfa börn að fæðast og þau boðin velkomin í þennan heim. Börnin þurfa á elsku, hlýju, alúð, aga og umvöndun að halda.

Sjálfur ólst ég upp við það að mamma var heima og annaðist um okkur systkinin og þannig var það á flestum heimilum þeirra sem eru á mínu reki og eldri.

Síðan fóru mæður í auknum mæli að vinna úti, bæta fjárhagsstöðu heimilisins. Eftir því sem fólk hafði meira handa á milli jókst græðgin og mikill vill meira. Þetta kom niður á heimilishaldi fólks, en fólk varð ekkert hamingjusamara við það, heldur fór að bera á því að börnin fóru að vera fyrir, þau voru farin að vera vandamál foreldra sinna þar sem þau voru að keppast við að eignast sífellt meira og meira af veraldlegum hlutum.

Börnin eru hluti af samfélaginu og fjöldi barna er blessun en ekki öfugt. Vilji þjóðfélagið eiga framtíð þurfa börn að fæðast, einstaklingar sem taka við af okkur og viðhalda þjóðinni með fleiri fæðingum barna sem tekið er á móti fagnandi og þau elskuð.

Snúum af braut sjálfstortímingar og fögnum og umvefjum hvern þann einstakling sem fær að fæðast inn í þennan heim. Vermdum lífið, tortímum því ekki. Elskum lífið og elskum GUÐ sem gaf okkur líf.

Börn eru blessun, tökum vel á móti þeim, þeirra eru framtíðin, þau eru framtíð þjóðar okkar. Án barna er ekkert þjóðfélag, engin framtíð.

Makalaus fækkun fæðinga

Hvað er til ráða þegar við höfum gleymt drengjunum og stúlkum okkar.

Vandi drengjanna okkar og stúlkna er vandi þjóðarinnar allrar.

Hér áður fyrr léku börn sér úti, meir en nú er gert, mörg fóru snemma að vinna t.d. í fiski, sum voru í sveit á sumrin, þau höfðu ýmislegt til að dunda sér við og þá helst úti við.

Í dag eru börn á unga aldri sett framan við sjónvarpið, síðan kemur tölvan, svo koma allskonar óæskilegar bíómyndir og tónlist sem er krefjandi á að hlusta.

Fæst börn eru uppfrædd í Guðs Orði, kenndar bænir eða farið með þau í kirkju og sunnudagaskóla. Biblíusögur og kristinfræði hafa verið fjarlægð úr skólunum, ekki má gefa skólabörnum Nýja Testamentið, en hinsegin fólki hleypt í skólana þess í stað með sinn heilaþvott og áróður á börnin.

Upplausn heimila og hjónaskilnaðir hafa vissulega áhrif á börnin og í mörgum tilfellum mjög djúpstæð áhrif.

Allt þetta hefur áhrif á stöðu fólksins í landinu og þó einkum ungviðis okkar. Þegar Guð er tekinn út úr samfélaginu er ekki von á góðu. Þegar sá sem gefur frið er tekinn út og sá sem fyllir fólk ófriði, stressi og streitu, óhemjuskap og græðgi fær yfirhöndina, þá uppsker þjóðfélagið það sem til er sáð.

Alþingi getur ekki breytt þjóðfélaginu, en þingmenn geta sett fordæmi með sínum eigin gjörðum og verið fyrirmynd fyrir samfélagið allt.

Leitum fyrst Guðs ríkis og Hans réttlætis, þá munum við njóta blessana Hans.

Höfum við gleymt drengjunum okkar?

Falskar skoðanakannanir hjá fölskum fréttamiðlum.

Tvö ár eru síðan forsetakosningarnar voru í Bandaríkjunum, þegar "fréttahaukarnir" hjá stóru "fréttamiðlunum" mættu spenntir í verin, búnir að kalla til sín fullt af "sérfræðingum" til að fjalla um kosningarnar.

Allir biðu þeir spenntir eftir því að geta tilnefnt Hillary Clinton forseta Bandaríkjanna, jú allar skoðanakannanir sýndu sem ekki væri um villst að hún myndi ná kjöri. Smám saman minnkaði brosið á "fréttahaukunum", sigur Hillary yrði ekki eins stór og þeir áttu von á. Að lokum urðu þessir sjálftilnefndir sérfræðingar vandræðalega að játa að Hillary hafði alls ekki unnið, heldur Donald Trump sem var svo óvinsæll að engin myndi kjósa.

En hvað gerðist?? hvað fór úrskeiðis????

Þessir sömu "fréttahaukar" hjá þessum sömu "fréttastöðvum" eru enn við sama heygarðshornið, þeir hafa ekkert lært. Nú eiga Demókratar, samkvæmt útreikningum "fréttahaukanna" að vinna stórt og ná yfirhöndinni í fulltrúadeildinni.

Ég er hræddur um að þessir sömu "fréttahaukar" ásamt Demókrataflokknum eigi eftir að þurfa að horfast í augu við þeirra eigið getuleysi við að rembast við að telja Bandaríkjamönnum trú um að þeir verði að kjósa Demókrata og þeir verði sjálfum sér til skammar.

Ég spái því að það verða Repúblikanar sem munu vinna stórt og halda velli í fulltrúadeildinni og jafnvel bæta við sig þar.

Bandarískur almenningur er farinn að sjá í gegnum Demókrataflokkinn á sama tíma og þeir eru að upplifa betri tíð með Trump sem forseta en Obama, Bush feðga og Clinton. Fólk finnur það á eigin buddu og sér hversu Trump hefur og er að standa við loforð sín. Hann hefur nú þegar, á tveggja ára valda tíma sínum, áorkað meira ein Obama á þeim átta árum sem hann var í Hvíta húsinu.

Þjóðaratkvæði um störf Trumps

Þær lifðu af, dauðinn varð að gefa eftir.

Mikið er talað um sjálfsákvörðunarrétt kvenna og að þær ráði yfir eigin líkama, réttindi kvenna þurfi að hafa í heiðri, en hvað um réttindi þeirra kvenna sem deyddar eru í móðurlífi? Konan hefur þann rétt að hafna því að hafa mök við einhvern af hinu kynin, það er hennar réttur, hún gæti orðið ólétt, þau konan og maðurinn ættu að hafa það í huga. Konan hefur ekki rétt til að ákveða að líf annarrar persónu sé ekki þess virði að leyfa þeim einstaklingi að lifa. Barn sem verður til í móður kviði er ekki konan sjálf, barnið er sjálfstæður einstaklingur sem hefur lífsgöngu sína í kviði móður sinnar.

Fóstureyðingar eru á sama plani og útburður barna var hér á öldum fyrr, eða þegar sveinbörn átti að myrða á þeim tíma þegar Móses fæddist, eða þau börn sem myrt voru á hrottalegan hátt um það leiti sem Jesús Kristur fæddist. Getur verið að fóstureyðingar á okkar tímum segi okkur eitthvað um þann tíma sem við nú lifum? Erum við sem einstaklingar tilbúnir að vera þátttakendur í þeim hildarleik sem fóstur víg eru? erum við tilbúin að vera sett á sama stall og Hitler, Stalín og Maó??????????

Fósturmorðin eru ljótur og hræðilegur atburður sem ekki ætti að eiga sér stað í "siðuðu" þjóðfélagi.

Bæn mín til Guðs almáttugs er sú að augu Svandísar Svavarsdóttur og allra þeirra sem taka undir með henni opnist og þau sjái hversu illar þessar aðgerðir eru.

Hér fyrir neðan eru myndvönd er fjalla um tvær konur sem lifðu fóstureyðingu af. Það sem þær hafa að segja ættu allir að heyra.

Fyrsta myndbandið sýnir er Gianna Jessen talar fyrir bandarískri þingnefnd og síðasta myndbandið er einnig með Gianna þar sem rætt er við hana og hún segir sína sögu.

Annað myndbandið er viðtal við Melissa Ohden, en móðir hennar vissi ekki að hún hafði lifað fóstureyðinguna af, þær hittust árum síðar.

Sjálfsákvörðunarréttur kvenna sé skýr

Kaldhæðni örlagana

Yfirlæknir á spítalanum, Jeffrey Cohen, þar sem Bowers fékk aðhlynningu var sá sem fór fyrir teyminu sem hlúði að honum. Læknirinn er gyðingur og meðlimur Tree of Life safnaðarins þar sem ódæðið átti sér stað. Bowers fékk bestu aðhlynningu sem völ var á og það úr hendi eins þeirra sem hann hefði hugsanlega drepið, hefði hann ekki staðið vaktina á sjúkrahúsinu þegar glæpurinn átti sér stað.

Kaldhæðnislegt!?!?!

Jesús sagði: "Elskið óvini yðar, biðjið fyrir þeim sem ofsækja yður".

Neitar sök í skotárás í bænahúsi

Hryllingurinn sem við höfum öll lokað augum okkar fyrir

Margt fólk, konur og karlar, hafa tekið þátt í að eyða börnum í móðurlífi. Augu sumra þessara einstaklinga hafa opnast fyrir hryllingnum sem þau hafa tekið þátt í, en aðrir eru kaldlindir og sjá ekkert rangt við það sem það er að gera, jafnvel þegar börnin koma lifandi út og hægt væri að bjarga þeim, þá eru þau bara látin deyja eða þau tekin af lífi strax í fæðingunni.

Þetta er hryllingur sem verður að stöðva. Sorglegt er að margir þeirra sem hugsa með hryllingi til glæpa sem eiga sér stað í stríðsátökum og eru sannarlega hryllilegir, sjá ekkert athugavert við morðin sem framin eru í skjóli laga og "heilbrigðiskerfis".

Myndböndin hér fyrir neðan segja sína sögu, þau eru öll á ensku. Mörg önnur myndbönd eru til sem fjalla um þann hrylling sem fóstureyðingar eru og sum þeirra treysti ég mér ekki til að birta á bloggi mínu.

 

 

 

 

Nokkuð sem íslensk stjórnvöld þurfa að leiða hugann að

Það hlýtur að vera akkur íslenskra stjórnvalda að dregið verði verulega úr alþjóðlegu ráðstefnuhaldi hér á landi. Á alþjóðaráðstefnur kemur fólk víða að og flestir ef ekki allir koma fljúgandi, ýmist með farþegaflugi en allmargir á einkaþotum.

Með komu alls þessa fólks hingað til lands á ráðstefnur sem skila margar hverjar engu eða litlu fyrir heimsbyggðina, en þeim mun meir af CO2 í andrúmsloftið, sem okkur er talið trú um að sé stórhættulegt.

Eins held ég að Sameinuðu þjóðirnar hljóti að draga verulega úr ráðstefnum á sínum vegum sem haldnar eru víðsvegar um heiminn af sömu ástæðu. Það má þakka fyrir ef fólk kemst lifandi á og frá þessum ráðstefnum, því sú vá sem er fyrir dyrum er svo alvarleg.

Að sama skapi geri ég ráð fyrir að Al Gore leggi einkaþotu sinni sem hann hefur farið vítt og breitt um heimskringluna, til að segja öllum hversu hættulegt það er fyrir andrúmsloftið að notast við loftför á ferðalögum og hann skilið eftir sig koltvísýringsspor út um allt.

Best væri ef allir sætu bara heima og létu lítið fyrir sér fara og gæta þess í leiðinni að losa ekki loft því jú einnig það er CO2 sem fer út í andrúmsloftið.

Hér fyrir neðan eru myndir af húsunum sem Al Gores á.

Fyrst er það húsið í Nashville, Tennessee. Áætlað er að fasteignin sé rúmir 3000fm og orkan sem hann notar á ársgrundvelli meiri en 21 venjulegt heimili í Bandaríkjunum notar.

 

 

 

Hitt húsið sem Al Gore á er í Montecito, Kaliforníu. Þetta hús notar orku á við 20 venjuleg heimili í Bandaríkjunum. Engir smá orkureikningar sem hann þarf að borga.

 

Losun CO2 frá flugi eykst mikið