Þeir sem hæst hafa!!!

Ungbarnadauði var mikill hér á landi alveg framundir þarsíðustu aldamót. Slæmur aðbúnaður, léleg heimkynni og farsóttir voru helstu ástæður þess hversu mörg börn dóu í bernsku. Nú á tímum er aðbúnaður mun betri og farsóttir hafa ekki verið að hrella ungviðið í sama mæli og áður fyrr.

Stærsta ógn sem blasir við ungviði okkar í dag erum við, mannfólkið, þar sem yfir eittþúsund börn deyja árlega af manna völdum, fyrir hendi þeirra sem eiga að verja þau og hlúa að þeim. Fósturmorð er hið mesta böl sem blasir við yfir þúsund einstaklingum á ári hverju.

Margir sem eru í fararbroddi þeirra sem berja sér á brjóst yfir bágindum barna erlendis og þeim hörmulegu skilyrðum sem þau búa við, vegna stríðs og af öðrum orsökum, eru þeir hinir sömu sem tala hvað hæst fyrir því að börnin okkar séu tekin af lífi í móðurkviði.

Ungbörn fjórðungur þeirra í garðinum

Athugasemdir

[Einar L Benediktsson, 19.11.2018 kl. 17:14]

  Ég er persónulega ekki á móti fóstureyðingum ef rík ástæða krefst þess. En að hafa 22 vikur til að taka um það ákvörðun er út í  hött. Gera menn sér grein fyrir því að þetta er rúmlega helmingur meðgöngutímans sem er 40 vikur. Komin 5 mánuði á leið ákveður að granda lífi. Eg held að svona gjörningur hljóti að hafa hrikalegar sálrænar afleiðingar.Hafið þið séð 5 mánaða dáið fóstur? Það  hefi eg séð og gleymi aldrei.  ELB

[Tómas Ibsen Halldórsson, 19.11.2018 kl. 19:38]

Þegar kona er ólétt, á hún ekki von á barni, hún er þá þegar með barn.
Hún er ekki að verða móðir, hún er þá þegar orðin móðir.
Barnið er ekki á leiðinni, barnið er þá þegar til.
Ef við ætlum að breyta því hvernig þjóðfélagið kemur fram við ófædd börn, verðum við að breyta orðræðu okkar um þau. -Frank Pavone, 7/7/12

Við getnað verður barn til, það þarf ekki að bíða í tvo til þrjá mánuði þar til hið augljósa kemur í ljós. Þá þegar eru komin mynd af barninu með hendur, fætur, tær og fingur svo eitthvað sé nefnt. Hver getur fullyrt að barnið finni ekki til þegar það er sundurlimað í móðurkviði??? Enginn ekki einu sinni vísindamenn geta fullyrt um slíkt. En til er sá sem allt veit, allt sér og þekkir allar okkar hugsanir, Hann segir: "Þú skalt ekki morð fremja". Það er Hann sem gefur lífið og það er ekki okkar að eyða því eða deyða.

[Erla Magna Alexandersdóttir, 19.11.2018 kl. 19:50]

Þetta er skelfilegt.

 Ástæður eru margar,- spjótin beinast að móðir sem ekki hefur aðstæður til að sjá fyrir barni.

 Feðurnir- hvar eru þeir og eru þeir að hjálpa til að konur standist með hjálp að komast  í gegnum að sjá barni farborða ?

[Tómas Ibsen Halldórsson, 19.11.2018 kl. 21:23]

Nákvæmlega Erla,

Velferðarþjóðfélag sem okkar á að vera vel í stakk búið til að standa með fjölskyldum, hvort heldur hjón/par með börn eða einstætt foreldri með barn/börn. Við eigum að hlúa að ungviði okkar og sjá til þess að þau komist á legg. Við sem þjóð eigum að standa saman að uppbyggingu þjóðfélagsins, það verður ekki gert á barnanna.