Ef ég gengi með hatt tæki ég ofan fyrir Steingrími

Ég er ánægður með ákvörðun Steingríms J. með að leyfa hvalveiðar.  Auðvitað hefði ég viljað að hann léti alla ákvörðun forvera síns standa, en þetta er þó í áttina.  Næsti sjávarútvegsráðherra verður að taka á því.  Það er vissulega óþægilegt fyrir þá sem stunda hvalveiðarnar að hafa ekki vissu fyrir framhaldið, en ég trúi ekki öðru en að leyfi muni fást fyrir áframhaldandi veiðar næstu árin.

Hvað hvalaskoðun varðar þá líst mér vel á að þeir fá sitt afmarkaða svæði þar sem hvalveiðibátar mega ekki stunda síða iðju og hvalaskoðendur haldi sig utan svæði hvalveiðiskipa.

Varðandi slæm áhrif á ferðaþjónustu og minnkandi ferðahópa í hvalaskoðun þá er því til að svara að öll ferðaþjónusta mun og er að dragast saman um allan heim.  Fólk er að hætta við ferðalög einfaldlega vegna þess að það hefur ekki efni á ferðalögum.  Það er að skella á heimskreppa, já hún er ekki bara á Íslandi og það segir sig sjálft að fólk er síður á faraldsfæti.  Það er þegar farið að draga úr ferðalögum.  Öll flugfélög kvarta undan samdrætti.  Þetta mun einnig hafa áhrif hér hvort sem við veiðum hval eða ekki.  Hvalveiðar er ekki sá áhrifavaldur sem menn vilja vera láta!!!

Lýsir yfir miklum vonbrigðum

Athugasemdir

[Kristinn Ásgrímsson, 18.2.2009 kl. 23:00]

Sæll Tommi og gaman að finna síðuna þína. Endilega ekki fá þér hatt.

En ég get glatt þig með því að það er talsvert mikið bókað til landisins næsta sumar og þar virðist krónan okkar hjálpa til.

[Tómas Ibsen Halldórsson, 18.2.2009 kl. 23:53]

Já sæll Kiddi, ég get lofað þér því að ég ætla ekki að kaupa hatt af þessu tilefni.

En það er gott að heyra að fólk ætlar ekki alveg að hætta að ferðast til Íslands, það getur örugglega séð hvali ásamt ýmsu öðru og það mun örugglega hjálpa til.