Hvar ætli Portúgalar hafi fengið lán . . .

. . . til að lána AGS ?  Ætli AGS hafi lánað þeim ? og það á hærri vöxtum en lán Portúgala til AGS ?  Eða ætli Bretar og Hollendingar hafi lánað þeim út á væntanlegar greiðslur frá Íslandi vegna Icesave ? 

Ég á allavega ekki von á því að eitt fátækasta þjóð í ESB sé aflögufært ein og sér.

 

Portúgal lánar AGS 1,06 milljarða

Hver verður fyrsti FORSETI Evrópusambandsins, ef ekki Tony Blair ?

Í frétt á mbl.is segir: "Frjálsir demókratar, annar stjórnarflokkanna í Þýskalandi, eru lítt hrifnir af því Tony Blair, fyrrverandi forsætisráðherra Bretlands, verði kjörinn forseti ráðherraráðs Evrópusambandsins.....Formaður þingflokks Frjálsra demókrata, segir að þingmenn flokksins vilji frekar að stjórnmálamaður frá litlu landi verði fyrir valinu "

Var ekki búið að lofa Össuri þessum bitlingi ? 

 

Vilja frekar mann frá smáríki

Öfga- . . . ! ? ! ?

Öfga-vinstrisinnaði innanríkisráðherra Breta kom í veg fyrir að öfga-hægrisinnaður Hollenskur þingmaður kæmist inn í landið (England) 12. febrúar s.l.  Öfga-hægrimaðurinn var stöðvaður af innflytjendaeftirlitinu á Heathrow að tilstuðlan öfga-vinstrisinnaða innanríkisráðherrans.

Nú mega öfga-hitt og þetta vara sig á öfga-hinu og þessu, þó sérstaklega öfga-vinstrimönnum í ríkisstjórn Breska Samveldisins (UK).  Það voru einmitt öfga-vinstrimennirnir Brown og Dalring sem settu öfga-hryðjuverkalög á öfga-fullu íslensku þjóðina.

Það er aldrei að vita hvað öfga-vinstrimönnunum dettur í hug næst

 

Wilders fær að fara til Bretlands

Aðild Ítalíu að ESB

Ítölsk stjórnvöld hafa augljóslega ekki gert sér grein fyrir því að með því að sækja um aðild að Evrópusambandinu færi allt á betri veg fyrir þá. 

Ríkisstjórn Íslands ætti að hafa samband við Ítölsku ríkisstjórnina og upplýsa þá um hvað allt er orðið miklu betra á Íslandi eftir að sótt var um aðila að ESB.  Vextir snarlækkað, gengið styrkst, skuldir nær horfið, næg atvinna fyrir alla, himnaríki ESB hefur hellst yfir land og þjóð og allir í sæluvímu, bara við það að sækja um aðild að ESB. 

Verst að Ítalir hafa ekki áttað sig á þessu, þrátt fyrir að þeir séu aðilar að ESB.  Opinberar skuldir Ítala hækka um 400 milljónir Evra á viku, fjárlagahallinn er um og yfir 5%, en samkvæmt reglum ESB má fjárlagahallinn ekki fara yfir 3% af landsframleiðslu.

ESB gerir kröfur til smærri ríkja ESB um að halda sér innan 3ja prósenta markið í fjárlagahalla, á meðan að stóru ríkin í sambandinu geta ekki staðið við þær kröfur sem settar voru af þeim sjálfum.

Með tilliti til skuldsetningar Ítalska ríkisins ætti að vera búið að víkja Ítölum úr sambandinu, en það myndi stríða gegn raunverulegum áætlunum ESB sem er að ríkja yfir allri Evrópu.  Raunveruleg ástæða fyrir tilurð ESB er að fáir geti ríkt og drottnað yfir álfunni Evrópu og síðar meir eru frekari landvinningar í bígerð.

 

Opinberar skuldir vaxa hratt á Ítalíu

Munu Írar kjósa aftur að ári ?

Segir Íra hafa samþykkt sáttmálann

Hversu oft ætli þurfi að kjósa ?

Þingmenn á Evrópuþinginu munu kjósa á morgun um hvort Jose Manuel Barroso gegni áfram embætti forseta framkvæmdastjórnar ESB. 

Ætli ein umferð dugi, eða gæti þurft að kjósa oft um manninn til þess að fá hann samþykktan af þinginu ?  Það skyldi þó ekki vera að það fari fyrir kjöri hans eins og um kosningar Íra um stjórnarskrá ESB (afsakið Lisabon-sáttmálan).

 

Kosið um Barroso á morgun

Varað við of mikilli bjartsýni Evrópulanda

Jean-Claude Trichet, bankastjóri evrópska seðlabankans varar við of mikilli bjartsýni um að efnahagur Evrópuríkja hjarni við í byrjun næsta árs.  Sjálfur segist hann telja að spár um jákvæðan viðsnúning efnahagsmála á fyrri hluta næsta árs muni standast, en setur þó varnagla og gefur til kynna að þær spár gætu brugðist.

Með þessari yfirlýsingu sýnist mér bankastjórinn vera að draga úr væntingum og undirbúa fólk undir hið gagnstæða þ.e. að ástandið verði ekki svo gott sem spár geri ráð fyrir.  Ef lesið er á milli línanna í því sem Trichet segir má gera ráð fyrir því að efnahagskreppan í Evrópu mun dragast á langinn.

 

Varar við of miklum væntingum

Uppreisnarástand í Íran

Úrslit forsetakosninganna í Íran virðast koma Írönsku þjóðinni á óvart, almenningur virðist hafa átt von á sigri Mir Hossein Mousavi.  Telja stuðningsmenn Mousavi að um kosningasvik sé að ræða.  Ekki kæmi mér á óvart að um kosningasvik væri að ræða, það væri eftir öllu þarna austurfrá.

Í múslimalöndum er ekki spurt um almennt réttlæti eða sanngirni, því réttlæti og sanngirni islam og klerkanna í Íran er allt annað en það sem viðgengst á vesturlöndum.

 

Khamenei fagnar sigrinum

Ólíkt bregðast þeir við, Gordon hinn Brúni og David Cameron.

Á meðan David Cameron, leiðtogi breska Íhaldsflokksins, bregst öskureiður við þeim upplýsingum um að þingmenn Íhaldsflokksins hafi fengið af almannafé endurgreiddan kostnað sem þeir hefðu átt að bera sjálfir, þá bregst Gordon Brúni öskureiður við því að Daily Telegraph skuli hafa komist yfir upplýsingar og síðan birt upplýsingarnar um endurgreiðslur af almanna fé til þingmanna Verkamannaflokksins (bresku Sandfylkingarinnar), þar af margra ráðherra og krafðist rannsóknar á því hvernig þeir komust yfir þessar upplýsingar.

Hr. Brúnn sá að sér og baðst afsökunar er hann sá hvernig Hr. Cameron brást við, hann ætti að taka hann sér til fyrirmyndar á fleiri sviðum.

 

Þingmenn Íhaldsflokksins endurgreiði kostnað

Bretland og ESB

Meðfylgjandi link er myndband sem margir hafa eflaust séð.  Það fjallar um það hvernig ESB hefur farið með Breta.  Flestir Bretar töldu að þeir hafi verið að ganga í fríverslunarsamband þegar þeir gengu í Efnahagsbandalag Evrópu á sínum tíma.  Margt í þessu myndbandi vekur athygli og spurningar nú þegar hluti Íslendinga vill ganga ófreskjunni á vald.

http://video.google.com/videoplay?docid=62612529763293088&hl=is