Skildu Þjóðverjar ekki vita að þeir eru í ESB ?

Ný spá hefur verið gerð fyrir þýska efnahagsráðuneitið.  Næsta spá á undan þeirri sem gerð var opinber í dag hljóðaði upp á 0,2% hagvöxt á þessu ári, en nýja spáin gerir ráð fyrir 6% samdrætti á þessu ári og enn frekari samdrætti á því næst, árið 2010.

Þjóðverjar eru meta útflutningsþjóð heim, en spáin gerir ráð fyrir 22,6% samdrætti í útflutningi.  Atvinnuleysi, sem ekki er talið mikið mál í ESB, mun verða 10% í Þýskalandi, samvkæmt spánni, en atvinnuleysi hefur verið með því minnsta í ESB meðan atvinnuleysi í öðrum ESB löndum hefur verið viðloðandi 7 - 10% í góðæri.

Getur verið að Þjóðverjar hafi ekki áttað sig á því að þeir eru í ESB ?

6% samdráttur í þýska hagkerfinu

Er Noregur að taka yfir Ísland ?

Það er ekki nóg með það að norðmenn eru farnir að stjórna peningamála-stefnu Íslands í gegnum Seðlabankann, heldur ráða þeir yfir utanríkismálum okkar líka.  Það er alveg dæmalaust að við skulum hanga í buxnafaldi þeirra fíra.  Við erum þjóð sem getur tekið eigin ákvarðanir og eigum ekki að leita til þeirra um samþykki um eitt eða neitt.

Það er hneisa að íslensk sendinefnd skuli sitja undir kynþáttafordómum Íransforseta meðan hann eys úr skálum síns sauruga þankagangs og það á ráðstefnu Sameinuðu þjóðanna um kynþáttafordóma, þar sem menn ætluðu að reyna að leggja klæði á kynþáttafordómavopnin.

 

Íslendingar gengu ekki út

Stóri bróðir í ESB

Stóri bróðir herðir tökin á almenningi í ESB löndum.  Nú er ekki hægt að hringja úr einum síma í annan, eiga netsímtal eða senda tölvupóst án þess að yfirvöld geti verið með puttana í hlutunum.

Ófreskjan ESB heldur áfram að dafna.

 

Geyma upplýsingar um netsamskipti

Neitum samningaviðræðum við Breta

Á meðan Íslenska þjóðin er beitt hryðjuverkalögum af Bresku ríkisstjórninni eigum við að neita að semja við Breta eða stilla okkur upp til myndatöku við hlið þeirra.  Ekki eigum við aðeins að neita að ræða við þá um IceSave heldur eigum við að neita að borga.  Nú höfum við gott tilefni til að sýna þeim klærnar, ástkær Darling virðist ekki skilja enska tungu og misskildi því Árna Matt. sem talaði skýrri röddu á skýru máli á þeirri tungu sem allir héldu að væri móðurmál Darling's.

Gefum ekkert eftir, látum þá koma fram fyrir alla helstu fjölmiðla heims, eins og þeir gerðu þegar þeir lítillækkuðu íslensku þjóðina, biðjast afsökunar og segja: "Belive it or not but we made a mistake, Icelanders are no terrorists".

Össur: Samningaviðræður í góðum farvegi

Tímamótasamkomulag G20

Mikil ánægja ríkir með samkomulagið sem náðst hefur á ráðstefnu G20, samkomulag um baráttuna gegn kreppunni.  Það sem er hvað athyglisverðast, en þó ekkert nýtt, er það að allir líta til BNA sem drifkraftinn til að koma efnahag heimsins í gang á ný.

Prentsmiðja Seðlabanka BNA hefur ekki undan við að prenta seðla, seðla sem nota á til að koma hjólunum til að snúast á nýjan leik.  Bandaríkjastjórn hefur nú þegar lagt ótölulegar upphæðir til að bjarga bönkum, tryggingafyrirtækjum og bílaiðnaðinum, en það hefur dugað skammt. 

Eftir að Obama lýsti því yfir að samkomulagið markaði tímamót í baráttunni gegn kreppunni, var eins og allir fylltust bjartsýni, hlutabréfavísitölur tóku kipp og hækkuðu verulega á öllum mörkuðum.  En hversu lengi mun sú bjartsýni vara ?  Gallinn er sá að Bandaríska ríkið er þegar orðið svo skuldsett að það mun taka marga mannsaldra fyrir Bandarísku þjóðina að borga þær skuldir, jafnvel þó þeir gerðu ekkert annað.

Það merkilega er að þjóðir heims hafa svo mikla trú á BNA að þær ætla að bíða eftir að molar falli af borðum þeirra svo þær gætu neitt þeirra.  Jafnvel þjóðir sem fyrirlíta BNA bíða í ofvæni eftir molum af borðum BNA. 

Hvað gerist ef hjólin í BNA ná ekki að komast í gang ?  Það er nefnilega ekki útséð með að það takist, jafnvel þó svo að sala á íbúðum hafi aukist á ný og almenn neysla hefur aukist, þá hefur atvinnuleysi einnig aukist og er komið í 8,5%.  Atvinnuleysi í BNA var meira en á Íslandi um s.l. mánaðarmót. 

Vandamálið í BNA er nefnilega það að atvinnuvegirnir eru komnir að fótum fram, eins og hér á landi.  Stjórnvöld eru ekki að aðstoða atvinnuvegina, nema nokkra útvalda s.s. bankana, sem þora ekki að lána, tryggingafélag eitt, sem var búið að sólunda öllum sjóðum sínum í tóma vitleysu og bílaframleiðendur, sem ekki geta sett fram neinar raunhæfar rekstraráætlanir.

Á meðan fara fyrirtækin, eitt af öðru, á hausinn og æ fleiri verða atvinnulausir.  Hverjir verða þá eftir til að borga skatta svo hægt verði að borga lánin sem hafa vaxið þjóðinni til höfuðs ?

Það sorglega við þetta er að þetta er ekki bara að gerast vestur í BNA, þetta er líka að gerast í Evrópu og þetta er að gerast hér.  Ráðamenn eru ráðþrota, þeir vita ekki hvað þeir eiga að gera og ef einhverjir koma með snjalla hugmynd, þá er ekki hlustað, vegna þess að hugmyndirnar koma ekki frá "réttum" aðila þ.e. þeim sem er stjórnvöldum samboðið.  Þetta sýnir okkur að stjórnvöld eru vanhæf.

Ótti minn er hinsvegar sá að þegar almenningur verður búinn að fá nóg af biðinni eftir aðgerðum og raunhæfum úrræðum, muni þeir taka til sinna ráða og þá er hætt við að illa fari.  Guð forði okkur frá að þurfa að horfa upp á slíkt.

Ég vona að ég hafi rangt fyrir mér, en ég verð að viðurkenna að ég óttast hið versta.

Fagnar tímamótasamkomulagi

Barack Obama, Bandaríkjaforseti, og frú komu til Lundúna í kvöld.

Eftir að hafa heilsað móttökunefndinni sagði forsetinn "Come on darling" og fjármálaráðherra Breta hélt í humátt á eftir honum.

 

Með eigin þotu, þyrlu, bíl, lækna og kokka

Hryðjuverkaógn í Bretlandi

Gordon Brown sér hryðjuverkamenn í hverju horni.  Það gæti orðið hættulegt fyrir okkur íslendinga að ferðast til Bretlands, við erum jú stimplaðir sem hryðjuverkamenn af Brown.

Manni hefur fundist BNA vera parenojaðir yfir hugsanlegum hryðjuverkamönnum, en ég held að Bretar séu í þann veginn að slá þeim við í þeim efnum.

Fá almenning með gegn hryðjuverkum

Eftirlaunamál hrella bresku ríkisstjórnina

Skildu þeir Brown og Darling nota hryðjuverkalögin á blessaðan manninn?

Eftirlaunamál hrella bresku ríkisstjórnina