Ekki skrifa undir Steingrímur

Íslenska þjóðin á ekki, getur ekki og vill ekki taka á sig skuldir óreiðumanna. 

Er Steingrímur og Jóhanna tilbúin að greiða skuldir mínar og tel ég mig ekki vera óreiðumann ?  ég held ekki.  Hví skyldum við taka á okkur að greiða skuldir sem koma okkur ekkert við ?  best væri, eins og Þór Saari sagði í Kastljósi í gærkveldi að fara til Breta, semja við þá um að þeir hjálpuðu okkur að hafa uppá þeim peningum sem óreiðumenn komu undan og þeir fengju þá peninga.  Flestir þessara peninga eru hvort sem er innan Breskrar lögsögu.

Þjóðin er ekki tilbúin að greiða þetta og ætlast til þess af ráðamönnum að þeir hafi þann skilning á málunum að við borgum ekki.  Ef Steingrímur, Jóhanna og Sandfylkingin vilja borga, þá verði þeim að góðu, en við hin ætlum ekki að borga.  Við látum ekki bjóða okkur upp á svona lagað.  Ríkisstjórnin getur þá alveg eins farið að pakka föggum sínum saman því þeim verður ekki sætt í Stjórnarráðinu.

 

Erfitt að skrifa undir

Þjóðinni fórnað til að komast í ESB

Sandfylkingin er tilbúin að kosta öllu til til að komast í ESB.  Jóhanna Sigurðardóttir segir 640.000.000.000 [sexhundruð og fjörutíu milljarða] skuld vera ásættanlega fyrir Íslensku þjóðina að taka á sig með 5,5% vöxtum til þess að draumur Sandfylkingarinnar megi rætast þ.e. að komast í Evrópusambandið.

Vextir sem falla á Íslensku þjóðina árlega af þessari upphæð nemur um 35.200.000.000 [þrjátíu og fimm milljarðar og tvöhundruð milljónir].

Svo er fólk hneykslað á því að ég skuli kalla fylkinguna Sandfylkingu !

Nei, Sandfylkingin er ekkert annað en sandfylking, hópur af fólki sem á ekki að koma nálægt stjórnmálum, því þetta fólk er tilbúið að fórna Íslensku þjóðinni til að ná sínum hégómlegu markmiðum.  Stjórnmál  Sandfylkingarinnar eru engin, stjórnmál eru þeim framandi, það eina sem kemst að hjá þessu liði er ESB og ekkert annað.

Síðan beitir Sandfylkingin Steingrími VG fyrir sig til þess að geta fríað sig af samningunum og Steingrímur og VG bíta á agnið og láta teyma sig á asnaeyrunum til að binda þjóðina í þvílíkan klafa og festa hana inni í ófreskjunni sem kallast ESB.  Var það ekki þessi sami Steingrímur sem ætlaði aldrei, aldrei að gangast að þeim ofurkostum sem Bretar með IceSave, ESB vegna Breta og Hollendinga og AGS með þvinganir sínar vegna vináttu þeirra við Breta, Hollendinga og annarra ESB-landa.

Ljóst er að AGS hefur allt of mikil ítök í ríkisstjórninni, jafnvel þó svo að íslenska þjóðin hefur aldrei kosið þá til valda. 

ESB ætlar auðsjáanlega að taka völdin á Íslandi og eru leynt og ljóst að vinna að því með hjálp AGS og Sandfylkingarinnar.  Sandfylkingin er að verða andstæðingur íslensku þjóðarinnar númer eitt með ESB-þráhyggju sinni.

Nú þarf Íslenska þjóðin að rísa upp og taka til sinna ráða.  Taka ráðin af Jóhönnu og co. og færa Íslendingum völdin, en búsáhaldabyltingunni mistókst það ætlunarverk sitt, með aðstoð Borgarahreyfingarinnar, Gylfa Magnússonar, Harðar Torfasonar o.fl.

 

Steingrímur fær fullt umboð

Vaxtalækkun hvað ?

Mér sýnist snigillinn vera farinn að þreytast.  Vextir lækkuðu fyrir mánuði síðan um heil 2,5% og höfðu vextir þá lækkað á hraða snigilsins frá því þeir fóru að þokast niður á við.  Nú bregður svo við að vextirnir lækka um 1% stig og segir það mér að snigillinn sé orðinn úrvinda af þreytu.

Það er hrein háðung að peningastefnunefnd Seðlabankans skuli láta AGS kúga sig og þeir þora ekki að taka sjálfstæða ákvörðun og stærri skref.  Vextir ættu að vera komnir niður í 3% að minnsta kosti.  Peningastefnunefndin virðist líta svo á að það sé betra að beygja sig fyrir AGS heldur en að koma Íslensku þjóðinni til bjargar.  Heimilin og fyrirtækin mega eiga sig, þau eru hvort eð er gjaldþrota, en hinn heilagi AGS hefur tökin á Seðlabankanum og ríkisstjórninni.

Eigum við að vera þakklát fyrir AGS ? eigum við að vera þakklát fyrir hinn norska Sandfylkingar Seðlabankastjóra sem er hér á vegum AGS ? eigum við að vera þakklát fyrir ríkisstjórnina sem er að keyra þjóðarbúið í enn meiri kreppu ?    Svarið er:  NEI og aftur NEI.

Hér á greinilega að sigla öllu í strand, þjóðarskútan á að sökkva og almenningur að flýja land.  Þá getur ESB komið og haft hlutina eftir eigin hentugleikum, tekið völd á miðunum með fiskinn í sjónum, vatnsföllin sem hægt er að virkja út í eitt, hitan í jörðinni sem hægt er að virkja út í eitt og olíu, ef hún skildi finnast, án þess að við Íslendingar værum að þvælast fyrir þeim.

Er ekki kominn tími til að losa okkur við þetta lið, AGS, sem er hér með einhverja tilraunarstarfsemi í gangi ?  Þeir ætla okkur Íslendingum að takast á við hluti sem þeir voga sér ekki að ætlast til af stóru ríkjunum s.s. Bandaríkjunum, Bretum, Þjóðverjum eða Frökkum.

Er ekki líka kominn tími til að losa okkur við Seðlabankastjórann og ríkisstjórnina alla ?  sem lætur hagsmuni íslensks almennings sitja á hakanum.

 

Vextir lækkaðir í 12%

Skilningsleysi ríkisstjórnarinnar algert

Aðgerðir og aðgerðarleysi ríkisstjórnarinnar er á góðri leið við að koma þjóðfélaginu í aðra kollsteypu.  Aðgerðirnar sem farið hefur verið í auka á vandann en leysa hann ekki.  Aðgerðarleysið, á ég þar við þann skort á raunhæfum aðgerðum, er á góðri leið við að koma þjóðfélaginu í aðra kollsteypu.

Það liggur nokkuð ljóst fyrir að ríkisstjórnin tók þá ákvörðun strax í upphafi, þ.e. í febrúar byrjun, að hlusta ekki á neinar tillögur sem ekki koma frá ríkisstjórninni sjálfri.  Allar raunhæfar tillögur sem menn hafa lagt fram af góðum hug og með góðum vilja er ítt til hliðar og afgreiddar sem vanhugsaðar og vitlausar.  Svo eftir að fólk hefur beðið og beðið og vænst og vonað að eitthvað gott kæmi frá blessaðri ríkisstjórninni, kemur loks einhver óskapnaður sem gerir bara illt verra.

Það er ekki skrítið að þingmenn ríkisstjórnarflokkanna reyni að láta fara lítið fyrir sér.  Þeir þegja þunnu hljóði og láta ekkert eftir sér hafa.  Kannski er það vegna þess að þeir átta sig ekki á því hvert ríkisstjórnin stefnir, eða að þeir hreinlega skammast sín fyrir ríkisstjórnina sem þeir bera ábyrgð á.

Lilja Mósesdóttir virtist ætla að byrja vel á þingi er hún var ekki tilbúin að kyngja hverju því sem frá ríkisstjórninni kemur, en hún var sennilega töluð til af forystu flokks síns og ekki þorað annað en að hlíða. 

Í dag segja þau skötuhjú, Jóhanna og Steingrímur, að staðan sé mun verri en þau hafi haldið í upphafi.  Þau tala í hálfkveðnum vísum þau segja okkur ekkert um það hver staðan í raun og veru sé, bara að hún sé slæm.  Hvernig væri nú að tala til þjóðarinnar og segja okkur hver staða sé ? ekki bara að hún sé slæm, heldur hver er staðan.  Hvað er slæmt ? er það veðrið ? er það ráðherrabíllinn ?  Nákvæmlega hvað er slæmt og hvernig er það slæmt ?  Hver er staðan í IceSave málinu ?  Hvað þurfum við að taka á okkur ?  Hver er staða bankanna ?  Hver er staða ríkissjóðs ?  Hvað er það sem AGS leggur svona hart að Íslenska ríkinu ?  Hverjar eru kröfur ESB-"vina" okkar ?  Hverjar eru kröfur Breta ?

Við vitum svo lítið um hvað ráðherrarnir eru að tala vegna þess að þeir uppýsa okkur ekki um neitt, þrátt fyrir að hafa talað um að allt ætti að vera uppi á borðum.  Það er bara ekkert að marka þetta fólk, akkúrat ekki neitt.

Jóhanna og Steingrímur hafa haldið vikulega blaðamannafundi til að "upplýsa" þjóðina, en það kemur ekkert út úr þessum fundum.  Þjóðin er jafn nær, upplýsingarnar eru engar.

Það á eftir að fara fyrir þessari ríkisstjórn eins og er að fara fyrir þeirri Bresku.  Það verður flótti og þingmenn munu yfirgefa flokkana.  Lítilsvirðing ríkisstjórnarinnar verður alger.

 

Niðurfelling þýðir kollsteypu

Skuldavandinn minni segir Jóhanna Sigurðardóttir

og því er hægt að halda áfram að þjarma að heimilunum.  Jóhanna er með þessum orðum að undirbúa enn frekari aðför að heimilum landsins, það er ljóst.

Velferðarríkisstjórn, velferðarbrú, skjaldborg um heimilin og björgun fyrirtækjanna er farið út í veður og vind, ekkert stendur eftir af þessum hugtökum, nema í gömlum fréttum og gömlum loforðum sem eru löngu gleymd, sérstaklega Sandfylkingarfólki, en almenningur er ekki búinn að gleyma og gleymir ekki svo glatt, ekki núna, því að aðgerðir eða aðgerðarleysi ríkisstjórnarinnar kemur við alla.

Það finna allir fyrir síðustu aðgerðum ríkisstjórnarinnar og fólk á enn um langa hríð eftir að finna fyrir afleiðingum þeirra.

 

Skuldavandinn minni en talið var

Davíð lét AGS heyra það

Hefði ekki verið nær að hlusta á Davíð og þiggja ráð hans fremur en að flæma hann úr Seðlabankanum.  Við fengum allavega ekkert betra í staðin, nema síður sé.

Og hvað uppsker ríkisstjórnin hennar Jóhönnu sem hataðist svo út í Davíð að engu tali tekur ?  Nú uppsker Jóhanna meiri óvild fólksins í landinu en Davíð nokkurn tímann.

Jóhanna grefur sína eigin gröf og öll ríkisstjórnin með henni.

 

Davíð lét AGS heyra það

Þyngri róður Jóhönnu og Steingríms

Velferðarríkisstjórn Jóhönnu Sigurðardóttur með velferðarbrú, skjaldborg um heimilin, björgun fyrirtækjanna og allt gagnsæið, umræðustjórnmál og ég veit ekki hvað, er gersamlega búin að klúðra öllu sem hægt er að klúðra.  Nú kvartar Jóhanna yfir því að róðurinn sé þyngri en áætlað hafði verið.  Hvernig skildi nú standa á því ? 

Aðgerðir ríkisstjórnarinnar eru ekki til þess fallnar að leysa neinn vanda heldur að dýpka kreppuna svo um munar.  Í stað þess að slá skjaldborg um heimilin er verið að gera heimilunum enn erfiðara fyrir en nokkur ríkisstjórn hefur nokkru sinni gert hér á landi fyrr og síðar.  Velferðin er ekki handa fjölskyldum landsins eða fyrirtækjunum, hún virðist helst vera fyrir sjálfa útrásarvíkingana sem spóka sig í útlandinu með dýran gjaldeyrir sem þeir komu undan frá Íslandi og almenningur á nú að borga fyrir. 

Fyrirtækjum heldur áfram að fækka þrátt fyrir björgunaraðgerðir ríkisstjórnarinnar sem hvergi er til nema á pappírssnepli einhversstaðar undir pappírshrúgu á skrifborði Jóhönnu, hún er sennilega búin að gleyma honum.

Gagnsæi er svo algert að það sést í gegnum það, þannig að enginn sér neitt fyrir gagnsæinu.  Umræðustjórnmál sem Ingibjörg Gísladóttir hafði í hávegum við hátíðleg tækifæri er eitthvað sem Sandfylkingin er búin að gleyma og man ekki lengur eftir.  Sandfylkingarfólk talar ekki um vandann, eina úrræði þeirra er ESB.  ESB-trúin á að bjarga heiminum og ég tala nú ekki um Íslensku þjóðinni sem er upp á náð og miskunn ESB-trúarinnar komin.

Sandfylkingin hrópar á götum úti: ESB mun bjarga ykkur frá illu, trúið á ESB-guðinn.

Jóhanna tók þann óvænta pól í hæðina í dag og talaði við örfáa fréttamenn, hún gaf til kynna að næsta útspil ríkisstjórnarinnar yrði alvarlegra en það sem tilkynnt var og komið í gegnum þingið fyrir helgi.

Þá vitum við það, það er ekki von á góðu. 

Ætli ríkisstjórnin eigi von á góðu frá fólkinu í landinu ?  ég á ekki von á því.

 

Þyngri róður en áætlað var

Hvað er þetta fólk að hugsa ?

Nú eru þau Jóhanna og Steingrímur búin að sýna það og sanna, svo ekki verði um villst, að þau eru vanhæfir ráðherrar.  Þau hefðu aldrei átt að taka þátt í stjórnmálum.  Þau halda að þau séu að bjarga ríkissjóði, en gera sér ekki grein fyrir þeim vanda sem þau eru að skapa, ekki bara heimilum og fyrirtækjum landsins heldur einnig ríkissjóði.  Hver skyldi vera afstaða Gylfa Magnússonar til þessara aðgerða ?

Þessar álögur eiga ekki eftir að skila ríkissjóði þeim tekjum sem þau ætla, en álögurnar eiga bara eftir að auka útgjöld ríkissjóðs.  Draga mun úr notkun bifreiða, heimilin geta ekki endalaust tekið á sig hækkun eldsneytisverðs.  Vonandi mun fólk hætta að reykja og draga verulega úr drykkju áfengis, það mun draga úr tekjum ríkissjóðs.  Vandi ríkissjóðs verður ekki hvað minnstur þegar heimilin og fyrirtækin hætta í enn ríkara mæli að geta staðið undir álögum vegna hækkunar á vísitölu neysluverðs.

Hækkun á vísitölu neysluverðs vegna þessara aðgerða mun kalla á hærri stýrivexti, þar af leiðandi munu margar fjölskyldur lenda í þrot og það mun kalla á aðgerðir almennings álíka eða verri en þær sem áttu sér stað í vetur.

 

Áfengi og eldsneyti hækka

Í Bretlandi er aukin andstaða við ESB

Bretar eru búnir að fá nóg á Evrópusambandinu.  Segir það ekki sína sögu ?  En þeir eru fastir inni í kerfinu sem þeir eru andsnúnir, þeir eiga ekki auðvelda undankomuleið.

Við höfum enn val um að lenda ekki inni í kerfinu sem við myndum vilja vera laus við eftir 10 ár, ef við tækjum það óheilla skref að ganga þar inn.

Verum skynsöm og segjum því nei núna svo við þurfum ekki að lenda í sömu stöðu og Bretar, Írar o.fl. þjóðir sem sambandið er að gera út af við.

 

Aukin andstaða við ESB

Þorgerður Katrín vill sækja um aðild að Evrópusambandinu ! ? !

Steingrímur J. sagði að svo virðist sem ríkulegur þingmeirihluti væri fyrir að fara í viðræður (leggja inn umsókn) við Evrópusambandið.  En hver er vilji þjóðarinnar, eða kemur þjóðinni þetta mál ekkert við. 

Hvar er lýðræðið þingmenn ?  haldið þið að þið séuð einir þess umkomnir að taka svo stóra ákvörðun fyrir Íslands hönd án þess að hafa fengið beint umboð til þess frá þjóðinni ?

Munið og hafið hugfast í hverra umboði þið eru á hinu háa Alþingi.  Ef þið standið ekki vörð um fullveldi Íslensku þjóðarinnar, þá mun Íslenska þjóðin ekki standa vörð um ykkur og tími ykkar á Alþingi mun senn líða undir lok.

 

Vill sækja um ESB-aðild