Leggja ætti sérstakan aukaskatt á bankana til að greiða fyrir Icesave og viðhalda velferðarkerfinu hér á landi.

Ég legg til að 10milljarða aukaskattur verði lagður á bankana, þ.e. hvern banka fyrir sig, næstu fimm árin, hið minnsta.  Upphæðin verði verðtryggð og bundin vísitölu neysluverðs.  Bönkunum verði óheimilt að fjármagna þessa skatta með auknum álögum á viðskiptavini sína t.d. með auknum vaxtamun eða með því að hækka þjónustugjöld eða leggja á ný gjöld.  Þessir milljarðar verði hreinlega teknir af arðsemi bankanna og kæmi því minna í hlut hluthafa þessi fimm árin.

Sparisjóðirnir og önnur fjármálafyrirtæki auk tryggingafélög verði látin greiða samskonar aukaskatt þó kannski eitthvað lægri upphæð.

Skattur þessi verði lagður á eftir að reiknaður hefur verið hefðbundinn skattur á þessi fyrirtæki og hann hafi ekki áhrif á hefðbundnar skattgreiðslur þeirra.

Með þessu væri hægt að viðhalda velferðarkerfinu og gera þær leiðréttingar sem nauðsynlegar eru til að rétta hlut þeirra sem hafa orðið útundan í þjóðfélaginu, s.s. öryrkjar og ellilífeyrisþegar.  Þar að auki væri hægt að borga niður skuldir þjóðabúsins, lækka skatta og koma atvinnuvegunum í gang.

Þar að auki þarf að fara að sækja þá fjármuni sem víkingarnir stálu og komu úr landi.

 

Segir samþykkt Icesave muni marka tímamót

Steingrímur J. í líki Bjarna Ben. í Kastljósi kvöldsins

Gerði lítið úr samþykktum landsfundar Sjálfstæðisflokksins, var mjög svo ótrúverðugur.  Hann er á góðri leið með að rústa flokknum.

 

Sjái þeir um það sjálfir

Vilji Viðskiptaráð Íslands og/eða Samtök atvinnulífsins ljúka Icesave-málinu, þá geta þeir gert það sjálfir, á eigin kostnað, látið okkur skattgreiðendur bara í friði við höfum nóg með okkur, Steingrímur sér til þess.

 

Leysi Icesave hratt og örugglega

Allt samkvæmt áætlun ???

Hvenær er að marka það sem Jóhanna segir???  Hvenær segir hún sannleikann???  Hvenær er hún ekki að ljúga???

Það verður þjóðhátíð á Íslandi þegar mark verður á henni takandi.

 

„Allt samkvæmt áætlun“

Formaður Sjálfstæðisflokksins lýsir því yfir að hann ætli að svíkja íslensku þjóðina

Það veldum mér miklum vonbrigðum að formaður Sjálfstæðisflokksins skuli hvetja til þess að þingheimur svíki þjóð sína.  Ég hélt í einfeldni minni að það væri eðlismunur á Sjálfstæðisflokknum annars vegar og Samfylkingunni og Vinstri grænum hinsvegar, en það er öðru nær.  Bjarni formaður er búinn að sýna okkur, svo ekki verði um villst, að svo er ekki.  Nú er greinilega eitthvað leyniplott í gangi milli Bjarna Ben. og hinna svikarana sem sitja í ríkisstjórn. 

Ég hef skömm á þeim óheilindum sem íslensku þjóðinni er sýnd af þeim flokkum sem sitja á þingi.

Er sá tími að koma að Íslendingar verði að taka til sinna ráða eins og Egyptar og Túnisbúar hafa gert???  Þurfum við að hvetja til allsherjarverkfalls og fjölda mótmæla og hrekja þetta lið af þingi og ríkisstjórn frá völdum???

Ég held það hljóti að koma að því fyrr en seinna að almenningur í landinu, þjóðarviljinn (ekki Jóhönnu viljinn), taki til sinna ráða.  Svona lagað gengur ekki lengur.

Það er ekki hægt að traðka á okkur, Íslendingum, endalaust.  Við erum búin að fá nóg.

 

Hvaða hrossakaup eru í gangi Sjálfstæðismenn??

Hvaða hrossakaup eru í gangi Sjálfstæðismenn??  Hverju hefur ykkur verið lofað?? 

Að samþykkja Icesave eru svik við þjóðina.  Þið skuluð muna það þegar að kosningum kemur, sem munu verða fyrr en seinna.

Kjósendur munu ekki gleyma því samþykki þið Icesave-vitleysuna, fylgið mun hrynja af ykkur.

Bjarni Ben. er á góðri leið með að eyðileggja flokkinn.

 

Þjónar hagsmunum að ljúka Icesave

Steingrímur virðist hafa ótakmarkað fé til að dæla í gjaldþrota tryggingarfélög og sparisjóði og ólögvarðar frekjukröfur Breta og Hollendinga.

Það mætti halda að fjármálaráðherra hefði næga peninga milli handanna þegar kemur að öllu öðru en að viðhalda félags-, heilbrigðis- og menntakerfinu eða til að halda uppi löggæslu í landinu.  Ríkisstjórnin kappkostar að skuldbinda þjóðina til að greiða ólögvarðar Icesave skuldir, skuldir sem aðrir en íslenska þjóðin á að greiða.  Það má vel vera að einhverjir Íslendingar ættu að greiða þessa skuld og mjög líklegt að svo sé.  En það ætti þá að ná í þá og láta þá borga, í stað þess að leyfa þeim að halda sama leiknum áfram eins og þeir virðast vera að gera.

Það er deginum ljósara að við höfum ekki efni á slíkri ríkisstjórn eins og nú situr að völdum, eða ráðherrum sem eru í forsvari ríkisstjórnarinnar.  Það er komin tími til að þau víki og reyndar þingheimur allur og nýtt fólk verði kosið til að vinda ofan af allri vitleysunni sem hefur viðgengist undanfarin ár.

 

Ríkið greiði 26 milljarða vegna Icesave í ár

Hún er skrítin tík, þessi pólitík !!!

Það er ekki að furða að virðing Alþingis setji niður, þegar við höfum flokka á þingi eins og þá sem þar eru í dag, með fólk sem hagar sér eins og það sé í sandkassaleik, gildir þá einu hvaða flokk þingmenn tilheyra.

Það er kominn tími til að skipta öllu liðinu út og fá heiðarlegt fólk, fólk sem er sanngjarnt, stundar sannleika og er heilsteypt.  Við þurfum fólk sem hugsar um hag þjóðarinnar umfram sinn eigin hag eða hag þess stjórnmálaflokks sem það tilheyrir.  Við þurfum fólk sem er ekki í hagsmunapoti fyrir einn hóp umfram þjóðarheildina.  Við þurfum fólk sem þorir að taka á málum og þorir að leiðrétta alla þá vitleysu sem lögð hefur verið á þjóðina með allskonar ólögum sem gerir ekkert annað en að hygla einum hóp manna umfram aðra, en allir flokkar eru brennimerktir af slíkum óheilindum.

Við þurfum ekki Ögmund eða Ólínu, Steingrím eða Jóhönnu og svona mætti lengi telja, við þurfum hinsvegar nýtt fólk með nýjar áherslur og nýja sýn.  Við þurfum fólk sem lætur orð og efndir fara saman.  Við þurfum ekki orðaflaum eða orðagjálfur, við þurfum að heyra það sem byggir upp, gefur von og verk sem fylgja þeim orðum og staðfesta það sem sagt er.

Ég kæri mig ekki um fólk á Alþingi sem er þar til að blása sjálft sig upp, til að vera séð af öðrum og gerir mikið úr sjálfu sér.  Við þurfum fyrst og fremst heiðarlegt fólk, fólk sem er fullt auðmýktar, laust við hroka og eigingirni, en er til staðar fyrir þjóðina og til að verja hagsmuni hennar og hefur reisn einstaklingsins í huga í þeim tilgangi að hver og einn fái að njóta sín.

Ekkert af þessu sé ég í fari þeirra sem stjórna landinu í dag, hvort sem það eru þeir sem eru í ríkisstjórn eða eru "bara" Alþingismenn.

Ég vil sjá nýtt Ísland leitt áfram af nýju fólki, sem blæs landi og þjóð von í brjóst.  Við þurfum að fara að líta upp og fram á við.  Við þurfum að líta til Hans sem gaf okkur þetta land, til Hans sem gefur okkur líf.

Við þurfum að líta til Guð vors lands og lands vors Guðs, Hann einn er fær um að gefa okkur bjarta framtíð.

 

Orð látin vaða eins og púðurskot

Hefur Jóhönnu tekist að temja villiköttinn Ögmund Jónasson?

Það verður ekki annað séð en að Ögmundur Jónasson hafi snúið frá fyrri andstöðu við Icesave og þeirri "réttlætiskennd" að leyfa þjóðinni hafa síðasta orðið í því máli.  Það er engu líkara en að Jóhanna og Steingrímur séu búin að temja villiköttinn í Ögmundi.  Ef hann ætlar að fá að vera með, þá er eins gott fyrir hann að hlíða yfirvaldinu, nokkuð sem Jóhanna kunni aldrei þegar hún sat í ríkisstjórn undir forystu annarra.

Hverjir voru það sem töluðu um spillta stjórnmálamenn sem hugsuðu bara um að sitja sem lengst í ráðherrastóli sama hvað það kostaði???  Það er víst ekki sama hvort maður er vinstri grænn eða séra (lesist ráðherra) vinstri grænn.

 

„Samþykktum að málið færi til þingsins“

ICESAVE fyrst, svo kemur . . . eftir hálfa öld.

Samkvæmt kokkabókum "Norrænu velferðarstjórnarinnar"gengur Icesave fyrir, síðan koma gæluverkefni, s.s. tónlistarhús, listamenn, aðrir "fjöllistamenn" og laun til einkavina í "sér verkefni".  En öryrkjar s.s. þeir sem búið hafa að Sólheimum í Grímsnesi, ellilífeyrisþegar, atvinnulausir, skuldugir íbúðaeigendur með yfirveðsettar eignir, fólk með tekjur langt undir fátæktarmörkum og atvinnuvegir sem berjast í bökkum, eru aukaatriði og mæta því afgangi hjá ríkisstjórn Jóhönnu Sigurðardóttur. 

Þessi sama Jóhanna var eins og villtur köttur þegar hún sat í ríkisstjórn undir forystu annarra, hún þurfti alltaf að fara sínar eigin leiðir, því að hún fór eftir sannfæringu sinni.  En kettirnir í samstarfsflokknum hennar eru húðskammaðir af þessari sömu Jóhönnu fyrir að fara eftir eigin sannfæringu.

Það er eins og sagt er, það er ekki sama Jón og séra Jón þegar að Samfylkingunni kemur.

En varðandi Sólheima, þá setur ekki aðeins ríkisstjórnin og Alþingi niður við að svelta þá starfsemi sem þar fer fram, heldur er það þjóðfélaginu í heild til háborinnar skammar og niðurlægingar, verði ákvarðanir Alþingis þess valdandi að Sólheimar verði lagðir af.

 

 

Verður rekstri Sólheima hætt?