Nei Þorgerður Katrín, svona gerir maður ekki.

Þorgerður Katrín vill leggja fyrir þjóðina tvær spurningar, en fá eitt svar við þeim báðum.  Þetta eru ótrúleg klækjabrögð Evrópusambandssinna.  Ef ég segi nei við slíkri spurningu verður svar mitt túlkað þannig að ég vilji ekki kjósa um "aðildarsamning" verði tillagan um að klára "samninginn" ofaná.

Vilji Þorgerður Katrín hafa báðar spurningarnar á kjörseðlinum verðum við að geta kosið um báðar spurningarnar, sitt í hvoru lagi.  Ég mundi vilja segja NEI við fyrri spurningunni en JÁ við þeirri síðari. 

Margir þeirra er vilja segja NEI við fyrri spurningunni myndu segja JÁ til þess að missa ekki þann möguleika að kjósa um "samning" ef hann yrði kláraður.

Þetta eru típísk klækjabrögð þeirra sem eru komin út í horn með sinn vonda málstað.

 

Kosið verði um ESB 27. apríl

Að einfalda skattkerfið

Með einföldun skattkerfis væri hægt að ná fram þeim markmiðum að auka ráðstöfunartekjur þeirra sem minna mega sín á kostnað þeirra sem mest hafa launin.

Til dæmis með 50% skatti og kr. 100.000 í persónuafslátt.

Ég ætla ekkert að fullyrða um að þetta væri besta leiðin, að hún myndi koma í veg fyrir undanskot.  Sennilega myndi þessi leið ekki draga úr undanskotum, en með henni væri dregið úr því flækjustigi sem núverandi skattkerfi veldur og ráðstöfunartekjur þeirra sem hafa lægri laun myndu aukast.

Ég set hér upp dæmi um hvernig þetta gæti litið út.  Fremri dálkurinn sýnir hvernig 50% skattlagning með 100.000 króna persónuafslætti liti út og síðari dálkurinn hvernig þetta er í dag.  Ég er hér ekki með afslátt vegna lífeyrissjóðsgreiðslna, enda er ég bara að velta upp hugmyndum um hvernig breytingar í þessa veru litu út.

 

Nýtt skattkerfi með 50% skatti				Núverandi skattkerfi
og persónuafslátt kr. 100.000
Laun		200.000		Laun		200.000
Skattur	50%	100.000		Skattur	37,32%	74.640
Persónuafsláttur		100.000		Persónuafsláttur		48.485
Útborguð laun		200.000				173.845
Laun		500.000		Laun		500.000
Skattur	50%	250.000		Skattur	37,32%	90.118
Persónuafsláttur		100.000		Skattur	40,22%	103.979
Útborguð laun		350.000		Persónuafsláttur		48.485
						354.388
Laun		600.000		Laun		600.000
Skattur	50%	300.000		Skattur	37,32%	90.118
Persónuafsláttur		100.000		Skattur	40,22%	144.199
Útborguð laun		400.000		Persónuafsláttur		48.485
						414.168
Laun		700.000		Laun		700.000
Skattur	50%	350.000		Skattur	37,32%	90.118
Persónuafsláttur		100.000		Skattur	40,22%	184.419
Útborguð laun		450.000		Persónuafsláttur		48.485
						473.948
Laun		1.000.000		Laun		1.000.000
Skattur	50%	500.000		Skattur	37,32%	90.118
Persónuafsláttur		100.000		Skattur	40,22%	200.309
Útborguð laun		600.000		Skattur	46,22%	120.399
				Persónuafsláttur		48.485
						637.658

 

 

Skattkerfið orðið að sérstöku vandamáli

Hvaða gildi ræður för hjá þingheimi???

Umræðan innan og utan Sjálfstæðisflokksins um kristin gildi í lagasetningu er ótrúleg.  Þegar þingmenn, hvort sem þeir heita Birgitta Jónsdóttir, Þorgerður Katrín Gunnarsdóttir eða einhverjir aðrir þingmenn fjalla um tillögur að lögum og taka afstöðu til þeirra tillagna, hvaða gildi ræður þá afstöðu þingmannsins??? er ekki eitthvað innra með þingmanninum sem ræður afstöðu hans??? er það pólitískur þrístingur??? sér þingmaðurinn einhverja hagnaðarvon eða von um bitlinga sem ræður för??? eða eru einhver gildi, hugsjón eða skoðun sem knýr þingmanninn til að taka þá afstöðu sem hann tekur.  Hugsjón og skoðun er hluti þeirra gilda sem með manninum býr.

Ég verð að segja að ég gef ekki mikið fyrir gildi flestra þeirra þingmanna sem sitja á Alþingi og ég gef ekki mikið fyrir þau gildi Sjálfstæðismanna sem vilja ýta Kristi út af borðinu en standa að gildum heims andans, sem stendur gegn gildum Skaparans.

Væri ekki nær að íslenska þjóðin sneri sér að Skapara sínum og leituðust við að taka upp og lifa þeim gildum sem Hann hefur sett okkur.  Þá væri hægt að leiðrétta öll þau ólög sem sett hafa verið á undanförnum árum og áratugum, lög sem eru ekki til lífs heldur hafa valdið hnignum og dauða í þjóðfélagi okkar.

 

Skammast sín ekki fyrir trúarumræður

Ætli ESB-sinnar viti af þessu???

Eru þeir (ESB-sinnarnir) enn áfjáðir í að flytja inn í brennandi húsið, sem er nærri að hruni komið.  Það má segja að um brunarústir einar sé að ræða.

Í fréttum RUV kom fram að gert sé ráð fyrir að milljónir manna muni missa vinnuna og þar með bætast við þann fjölda sem þegar eru án atvinnu.

Frakkland er á hraðri leið með að feta í fótspor Spánar og veikleikamerki eru farið að gæta í Þýskalandi.

Reiði magnast í Grikklandi, á Spáni og í Portúgal meðal almennings, þeirra sem hafa verið sviptir viðurværi sínu og eygja ekki von um betri tíð.

Þetta er virkilega sorglegt og það er enn sorglegra að á Íslandi skuli vera til þeir sem sækjast eftir því að fara sömu leið.

 

Viðvarandi samdráttur á ESB-svæðinu

Enn eitt áfall "Norrænu velferðarstjórnarinnar"

Ríkisstjórn Jóhönnu Sigurðardóttur og stjórnlaganefnd fengu ekki þá gæðavottun sem vænst var af hendi Feneyjanefndarinnar, þvert á móti er þeim gefin falleinkunn.

Enn eitt áfall ríkisstjórnarinnar blasir við samt sem áður þrjóskast stjórnarflokkarnir við og ætla með yfirgangi að valta yfir þjóðarvilja, en hann er að leggja þetta, stjórnarskrármál, ásamt ESB aðlögun til hliðar.

Guð forði okkur frá því að fá aðra eins ríkisstjórn eftir næstu kosningar.

 

Álit Feneyjanefndarinnar opinberað

Hvar er innanríkisráðherra núna???

Hér á landi er maður að nafni Timo Summa, hann er sagður vera sendiherra yfirþjóðlegs valdakerfis sem kallast Evrópusambandið.  Timo þessi ríður um héruð og flytur áróður Evrópusambandsins og vill þar með hafa áhrif á afstöðu almennings til aðlögunar Íslands að sambandinu. 

Mér er spurn.  Hvaða leyfi hefur þessi maður fengið hjá íslenskum stjórnvöldum til að boða einhliða áróður fyrir hönd ESB???  Af hverju er innanríkisráðherra ekki búinn að láta til sín taka, eins og honum einum er lagið og láta reka þennan mann úr landi???

Það ætti að kæra framgöngu þessa mans fyrir að skipta sér af innanríkismálum okkar og slíta stjórnmálasambandi við ESB.

 

ESB boðar til lokaðs fundar

Miljarðar hafa farið í súginn hjá ríkinu og því ekki hægt að reka mannsæmandi heilbrigðisþjónustu

Ríkið ætlar að lána 7-9 milljarða í gerð Vaðlaheiðaganga, peninga sem fjármálaráðherra segir að séu ekki til.  Þá hafa tugir milljarða farið í Hörpu, heilbrigðiskerfið hefur þurft að standa straum að því þar sem engir peningar eru til til að reka sjúkrahús og/eða heilsugæslustöðvar vegna þess að Harpan þurfti að hafa forgang.  Svo hafa miljarðar á miljarða ofan farið í aðlögunarferli að Evrópusambandinu, sem þjóðin vill ekki gerast aðili að.  Síðan á að fara að byggja hátækni sjúkrahús, sem mun kosta marga tugi milljarða, en sú stofnun mun væntanlega standa tóm og safna ryki og myglusveppum, meðan ríkið reynir að finna grundvöll til að reka þá stofnun.

Mikla snillinga eigum við sem ráðamenn  gætum við ekki leigt nokkra til ESB, þeir gætu örugglega þegið ráðleggingar frá Jóhönnu, Steingrími, Guðbjarti og fleirrum, þeir allavega virðast ekki ráða við eigin vanda.  Við gætum væntanlega haft góðar tekjur af því að leigja þeim þetta góða fólk.

 

Fjóra milljarða ber í milli

Er ESB til fyrir aðildarríkin? eða er því öfugt farið?

Það er deginum ljósara að Evrópusambandið er ekki til fyrir aðildarríkin.  Aðildarríkin eru til fyrir Evrópusambandið. 

Allt lýtur að því sama, það verða allir að beygja sig undir vald og yfirráð valdaklíkunnar í Brussel, það skal endinn komast upp með neitt múður gegn þeim. 

Írar sem hafa orðið illilega fyrir barðinu á ESB eru svínbeygðir fyrir möppudýrunum í Brussel.

Er það virkilega þetta sem aðildarsinnar vilja íslensku þjóðinni????

Ég segi:  NEI takk

 

„Geta ekki valið það besta úr ESB“

Svona "grín" er dauðans alvara

Ábyrgð áströlsku útvarpsmannanna er mikil.  Menn geta ekki bara leikið sér svona með fólk og haldið að það sé allt í lagi.  Þeir gera sér ekki grein fyrir þeim sálarkvölum sem fólk verður fyrir þegar það verður fyrir áreiti sem hjúkrunarfræðingur hertogaynjunnar af Cambridge þurfti að þola af þeirra hálfu. 

Meðan á "viðtalinu" stóð gat hjúkrunarfræðingurinn ekki vitað að um hrekk var að ræða, en þegar málið er upplýst og öllum gert heyrinkunnugt hrinur heimur þess sem verður fyrir slíku einelti og allt verður svart og skömmin tekur yfir, sem síðan leiðir til þess að viðkomandi getur ekki horft framan í heiminn og tekur því sitt eigið líf.

Umræddir útvarpsmenn ættu að sjálfsögðu að svara til saka fyrir athæfi sitt.  Hrekkur þeirra kom mest niður á þeim sem síst skildi í þessu tilfelli, þ.e. hjúkrunarfræðingnum, þeir gátu ekki verið vissir um að hjúkrunarfræðingurinn myndi geta höndlað slíkar aðfarir.

Skömm þeirra er mikil og uppátæki sem þetta er dauðans alvara.

 

Hjúkrunarfræðingur Katrínar látinn

Hin hræðilegu lífskjör sem fólk á Gaza neyðist til að búa við á

Sjáið myndbandið, aðbúnaðinn, skortinn, fátæktina, þetta er ömurlegt.  Hvernig er hægt að ætlast til að fólk þurfi að búa við þetta???

The REAL Gaza The Media Will Never Show You

Ég vona að þú verðir ekki fyrir áfalli við að horfa á myndbandið.

Finnið þið ekki til með blessuðu fólkinu???

Og hér er svo annar hryllingur frá Gaza.