Hversu lengi er hægt að skera niður ?

Gerðar eru, og gerðar hafa verið, kröfur um niðurskurð í heilbrigðisgeiranum sem og víða annarsstaðar hjá ríkisstofnunum.  Landspítalinn er búinn að vera að hagræða, skera niður og spara á öllum vígstöðum svo lengi sem ég hef fylgst með fréttum.  Einhvernvegin sýnist mér spítalinn iðulega fara meira fram úr heimildum fjárlaga en sem nemur þeirri upphæð sem þeim er ætlað að spara hverju sinni.  Á næsta ári þarf LSH að spara sem nemur 6 milljörðum til að brúa þann yfirdrátt af fjárlögum þessa árs og því sem þeim er ætlað að skera niður um á næsta ári miðað við fjárlög þessa árs.

Spurningin er: hversu mörgum deildum þarf að loka ? hversu mörgu starfsfólki þ.e. læknum, hjúkrunarfræðingum, sjúkraliðum, ræstingarfólki og öðrum þarf að segja upp til þess að ná fram þeim sparnaði sem til er ætlast ?

Fjárveitingavaldinu virðist vera lagið að setja stofnunum ríkisins þröngar skorður í fjárlögum, krefjast aðhalds og sparnaðar, án þess að koma með neinar beinar tillögur um hvar spara megi eða hvar hægt væri að hagræða enn frekar en þegar hefur verið gert. 

Þetta sama fjárveitingarvald virðist á hinn bóginn ekki geta sett framkvæmdarvaldinu skorður um fjárútlát ráðherra þegar kemur að dekurverkefnum þeirra eða fjárframlaga einstaka ráðherra til að afla sér vinsælda. 

Einstaka gæluverkefni virðast ekki mega missa sín s.s. "listamannalaun" og annar óþarfi.  Ég veit ekki til þess að verkamenn eða aðrir launþegar sem greitt hafa sína skatta og skyldur til ríkisins hafi getað fengið úthlutað úr ríkissjóði fyrir vel unnin störf, en svo koma einhverjir "listamenn" sem ekki geta lifað af iðju sinni og þeim er hampað fram og til baka.  Verkamaðurinn sem var búinn að borga sína skatta og skyldur í mörg ár, missir síðan vinnu sína og verður að fara á atvinnuleysisbætur, á hann er litið sem einhvern þurfaling.  Það er skömm af þessu.  Sá sem  alla tíð hefur greitt sínar skyldur til ríkisins er sá sem ætti að fá hærri greiðslur og honum hampað frekar en "listamönnum" sem fáir hafa dálæti á.  Svo ætla menn að skerða tekjur sjómanna með því að taka af þeim sjómannaafsláttinn, en án þeirra værum við sem þjóð mun verr á vegi stödd en við erum í dag.

 

Hagræðing gengur hægt

Athugasemdir

[Andri Geir Arinbjarnarson, 15.12.2009 kl. 15:57]

6 ma kr niðurskurður þýðir að 580 ársverk hverfa!

[Tómas Ibsen Halldórsson, 15.12.2009 kl. 16:57]

Það er nefnilega það.       Hvað ætli margir vinni á Landspítalanum ?

[Andri Geir Arinbjarnarson, 15.12.2009 kl. 17:42]

um 5000 manns í um 3900 ársverkum

[Ólafur Ingi Hrólfsson, 15.12.2009 kl. 18:07]

gengur hægar EN REIKNAÐ VAR MEÐ -

er ekki rétt að reikna aftur og reikna þá rétt

[Sóldís Fjóla Karlsdóttir, 15.12.2009 kl. 18:15]

Takk fyrir bloggvináttuna.

[Tómas Ibsen Halldórsson, 15.12.2009 kl. 23:17]

Þakka þér fyrir upplýsingarnar Andri Geir.

Sóldís, takk sömuleiðis.

[Einar Björn Bjarnason, 16.12.2009 kl. 00:54]

Flatur niðurskurður, er mjög slæm aðferð.

Þ.s. þarf að gera, er að fara í hreinar lokanir á stofnunum, og síðan - að skilgreina hvaða þjónustu, ríkið ætlar hið minnsta tímabundið ekki lengur að inna af hend.

Þarf, sennilega í heildina að spara e-h í kringum 70-80 milljarða.

------------------------

En, mér sýnist að við séum hreinlega nauðbeygð, til að skilgreina þröngt hvað það er, sem við viljum halda eftir.

Allt, þ.s. við getum komist af án, eigi að leggja niður. Þá, á ég ekki við, að leggja niður ónauðsynlega hluti, heldur hluti sem hægt er að lifa án.

---------------------------

Fólk þarf að skilja, að gjaldþrot ríkisins er fullkomlega óumflýjanlegt, miðað við núverandi skuldastöðu.

Einungis spurning um tíma.

Kv.