Seðlabankinn rústar stöðugleikasáttmálanum

Það virðist ekki vera neinn vilji, hvorki af hálfu Seðlabankans eða ríkisstjórnarinnar, að virða eða viðhalda stöðugleikasáttmálanum sem undirritaður var snemma sumars með pompi og prakt.  Í sjónvarpsfréttum í gærkveldi mátti sjá greinilegan meiningarmun á milli ríkisstjórnar-innar og formanns ASÍ hvað umræddan sáttmála varðar.  Forsætisráðherra lýsti mikilli ánægju með hvað þau eru að gera góða hluti, á meðan Gylfi Arnbjörnsson var mjög varfærinn í yfirlýsingum sínum, en greina mátti mikil vonbrigði hjá honum með gang mála hjá ríkisstjórninni, stjórninni sem þó var honum að skapi er hún var mynduð.

Staðreyndin er sú að ríkisstjórnin er ekki að gera neitt, alla vega ekki neitt af viti.  Vonbrigði fólks verður æ meiri með hverjum deginum og blasir uppgjöf við víða.

Svo kemur Seðlabankinn og stráir salti í sárin með því að gera ekki neitt í vaxtamálum.  Stýrivaxtastefna Seðlabankans er úrelt og úr sér gengin, hún gerir ekkert gagn en mikið ógagn.  Ekki kæmi mér á óvart ef mörg fyrirtæki gefist hreinlega upp nú um mánaðamótin og fjöldi uppsagna líti dagsins ljós.  Ábyrgðin skrifist á ríkisstjórnina og Seðlabankann.

 

ÁFRAM ÍSLAND - EKKERT ESB

ÁFRAM ÍSLAND - BURT MEÐ ICESAVE

ÁFRAM ÍSLAND - BURT MEÐ AGS

Stýrivextir áfram 12%