Þjóðin hefur ekkert vit á málinu, er bara ofdekruð og heimtufrek

Þess vegna fær hún ekkert um málið að segja frekar en í ESB-málinu.  Við eigum bara að treysta Jóhönnu og Steingrími, þau hafa vitið og viljann til að selja íslenska þjóð í þrældóm.

Þetta minnir mig á leikritið um Oliver Twist, þegar litli drengurinn (Oliver) fékk það hlutverk að fara og biðja um meiri mat og elítan varð ekki lítið hneyksluð á tilætlunarsemi litla drengsins og þeirri ósvífni að dirfast að biðja um meira, á sama tíma og elítan úðaði í sig dýrindis kræsingum, en drengirnir sem unnu þrælastörf fengu aðeins eina skál af hafragraut.

 

Valtur meirihluti í Icesave

Athugasemdir

[GH, 9.6.2009 kl. 19:32]

Hvernig fellur OT sagan að þessu máli? Hver er þessi "elíta" sem er að "úða í sig kræsingum"? Ert þú að meina að Jóhanna og Steingrímur græði einhver ósköp á þessum samningum? Að samkomulagið leiði til þess að þau éti nautasteik á meðan þú étur hafragraut? Það voru ekki JS og SJS (og alveg örugglega ekki hinn síðarnefndi) sem seldu "íslenska þjóð í þrældóm". Ef IceSafe samkomulagið leiðir þjóðina í þrældóm (sem er afskaplega ólíklegt NB) þá er það þeim stjórnvöldum að kenna sem seldu bankana til þeirra sem leiddu þá í þessa vitleysu og réðu því að Seðlabanki og FME gerðu ekkert í því að vinna gegn vexti bankanna -- eða þeim stjórnmálamönnum sem fannst svo óskaplega sniðugt að lána fólki enn meira til húsnæðiskaupa. Láttu reiði þína bitna á þeim frekar en að þeim sem vinna það vanþakkláta starf að reyna að hreinsa upp skítinn eftir 17 ára óstjórn Davíðs Oddssonar!

[Tómas Ibsen Halldórsson, 9.6.2009 kl. 23:09]

Hverjir hafa haft stórfé af íslensku þjóðinni og komið því undan í skattaskjól erlendis, eru það ekki útrásarvíkingarnir ? þeir lifa einhversstaðar í vellystingum meðan íslenska þjóðin þarf að taka á sig að greiða fyrir sukkið þeirra.