Steingrímur J. tekur Sigurð Líndal í kennslustund

Í hádegisfréttum RUV í dag kom fram að Sigurður Líndal lagaprófessor teldi það brot á stjórnarskránni að setja útlending í embætti á vegur ríkisins og vitnar Sigurður til greinar í stjórnarskránni máli sínu til stuðnings.  Síðan var talað við Steingrím J. Sigfússon, taldi hann að það ákvæði stjórnarskrárinnar ætti ekki við í þessu tilfelli.

Hvor ætli sé betur til þess fallinn að túlka stjórnarskrána, lagaprófessorinn eða jarðfræðingurinn?

Jóhanna Sigurðardóttir og Steingrímur J. Sigfússon virðast telja sig og ríkisstjórnina yfir lög og stjórnarskrá hafin.  Þau virðast halda að lög og stjórnarskrá eigi ekki við þau.

Það virðist vera í lagi að brjóta stjórnarskrána núna því þau ætla hvort sem er að breyta henni þeim í hag.

Athugasemdir

[Aðalheiður Ámundadóttir, 27.2.2009 kl. 16:39]

Stjórnarskráin virðist hafa verið algert aukatriði frá því í haust og þvælist bara fyrir. Spurning um að fella hana bara endanlega úr gildi...

[Tómas Ibsen Halldórsson, 27.2.2009 kl. 16:44]

Er það bara ekki málið?  Ef ekki á að fara eftir henni, ef hún er bara að þvælast fyrir ríkisvaldinu, þá er hreinlegast að fella hana úr gildi.