Umfjöllun BBC um ofbeldi Hamas á Gaza

Merkilegt er að BBC skuli fjalla um mótmæli almennings á Gaza gegn Hamas og viðbrögðum Hamasliða gegn eigin fólki. Staðreyndin er sú að Hamas er alveg sama um hag hins almenna borgara, reyndar hafa þeir talið það sér til tekna í baráttu sinni við að koma höggi á Ísrael að almennir borgarar á Gaza hafi það sem verst. Á sama tíma lifa forystumenn Hamas í vellystingum og reyndar einnig forystumenn Fatah.

Almennir borgarar eru búnir að fá sig fullsadda af yfirgangi Hamas og Fatah, fólkið vill frið og geta lifað í sátt og samlyndi við náunga sinn.

Málið er að almenningur fær engu ráðið á Gaza eða Vesturbakkanum, þeir verða bara að lúta vilja þeirra sem halda í völdin og eira engum. Ef fólkið fengi að kjósa sér leiðtoga gæti hugsast að friður kæmist á þar sem hryðjuverk yrðu flautuð af og íbúarnir fengju að lifa í sátt við nágrana sína, Ísrael. Því miður er ekki von á friði meðan Hamas og Fatah stjórna öllu með harðri hendi og ofbeldi ekki eingöngu í garð Ísraela heldur síns eigin fólks.

Því fagna ég því að BBC skuli loks fjalla um ástandið á Gaza með þeim hætti sem þeir gera nú, en sanngjarna umfjöllun hefur skort hjá BBC eins og RUV.

 

Palestínsk­ur maður geng­ur fram hjá vegg­mynd í bæn­um Rafah á Gaza-strönd­inni. Ham­as-liðar eru sakaðir um harðræði gegn mót­mæl­end­um und­an­farna daga. AFP

 

 

Hamas mótmælt á Gaza-ströndinni