Niðurlæging Akureyrarbæjar heldur áfram

Það er gott að Akureyrarbær skuli áfrýja dómi Héraðsdóms Norðurlands eystra í skaðabótamáli Snorra Óskarssonar. Fram að þessu hefur bærinn tapað máli sínu gagnvart Snorra á öllum stigum, fyrst fyrir ráðuneytinu síðan fyrir Héraði og Hæstarétti hvað lögmæti uppsagnar hans varðar, nú fyrir Héraði í skaðabótamáli Snorra gagnvart bænum.

Bæturnar sem Snorra voru dæmdar voru hinsvegar fáránlegar í besta falli, en honum voru dæmdar 6,5milljónir auk vaxta. Snorra var vikið úr starfi 2012 og allt gert til að koma í veg fyrir að hann fengi ráðningu annarsstaðar. Þessa tölu ætti að margfalda með fimm hið minnsta eða öllu heldur að veita honum sömu laun, frá því hann var rekinn til dómsdags og sá aðili sem átti kvað stærstan þátt í að hann ver rekinn er með í dag, þá á ég við heildarlaun. Mánaðarlaunin yrðu því þingfararkaup auk álags fyrir formennsku í flokki sínum og uppbót vegna heimilisfestu úti á landi.

Akureyrarbær hefur orðið sér til háborinnar skammar með framferði sínu og ég tala nú ekki um formann Samfylkingarinnar sem gekk í fararbroddi í aðförinni að Snorra. Í stað þess að ganga til samninga við Snorra og veita honum sanngjarnar bætur hefur Akureyrarbær þráast við þrátt fyrir hvern dóminn á fætur öðrum. Akureyrarbær er ekki yfir lög hafinn og nú þarf Hæstiréttur að ganga svo frá málum að réttlæti nái fram að ganga, en það mun vissulega verða bænum dýrkeypt.

Akureyrarbær áfrýjar dómnum