Er fækkun fæðinga hér á landi af völdum þess að frjósemi hafi dregist saman eða er önnur ástæða fyrir því?

Er það í raun frjósemi sem dregist hefur saman á Íslandi eða er það sú staðreynd að hinar skelfilegu fósturdeyðingar sem valda því að færri börn fæðast hér á landi.

Ef heldur áfram sem horfir á fækkun fæðinga eftir að hafa skelfileg áhrif hér á landi og reyndar víðar. Frá því að lög um fóstureyðingar tóku gildi 1975 er talið að um 40.000 einstaklingum hafi verið eytt í móðurlífi. Ef við gefum okkur það að þeir einstaklingar hefðu fengið að lifa og getið af sér önnur afkvæmi ca. 10.000 til 20.000 má gera ráð fyrir að í þjóðfélag okkar vantar á bilinu 50.000 til 60.000 einstaklinga sem væru gegnir og gildir þjóðfélagsþegnar í dag.

Með áframhaldandi deyðingu barna, einstaklinga, persóna í móðurlífi má búast við fólksfækkun í landinu á næstu áratugum. Þjóðin mun eldast hratt, færri verða til að halda þjóðfélaginu, þ.e. velferð, hjúkrun, atvinnustarfsemi gangandi, svo eitthvað sé nefnt. Svo vilja menn og konur auka möguleika á fósturdeyðingum. Það væri nær að draga úr þeirri sorgarsögu og helst af öllu að banna þær alfarið, því það er ljótur blettur á samfélagi okkar og í hinum vestræna heimi og víðar.

Guð fyrirgefi okkur þetta ranglæti sem hefur viðgengist á meðal okkar og veiti okkur náð til að snúa af þessari vondu braut dauðans og umfaðma lífið þess í stað.

Frjósemi dregst saman á Íslandi