Það sem Katrín Jakobsdóttir ljáði ekki máls á þegar hún var í ríkisstjórn, krefst hún nú af núverandi ríkisstjórn.

Katrín Jakobsdóttir vill þjóðaratkvæðagreiðslu um afdrif ESB-umsóknar Íslands.  Þessi sama Katrín Jakobsdóttir vildi ekki þjóðaratkvæðagreiðslu þegar hún var í þeirri stöðu að geta ráðið einhverju til um það, þegar kallað var eftir slíkir þjóðaratkvæðagreiðslu.

Rétt er að minna Katrínu Jakobsdóttur á að þjóðaratkvæðagreiðsla fór fram í apríl 2013 þar sem flokki hennar var hafnað af kjósendum vegna svika og getuleysis í ríkisstjórn Jóhönnu Sigurðardóttur.

Að ætlast til að núverandi ríkisstjórn geri eitthvað sem Vinstri grænir treystu sér ekki til að gera er kaldhæðni.  Ég held að VG ættu að láta sem minnst fara fyrir sér þegar kemur að umræðunni um að afturkalla aðildarumsókn okkar að ESB.

 

Vilja enn þjóðaratkvæði um aðildarumsókn

Athugasemdir

[Jóhann Elíasson, 15.1.2015 kl. 16:51]

Ég held að afstaða hennar einkennist meira af "popúlisma" og að hún vilji kannski frekar halda einhverri fyrirfram ákveðinni "línu" sem stjórnarandstaðan hefur markað. Við megum ekki gleyma því að Björn Valur var "settur" henni til höfuðs, sem einarður ESB maður og átti að "passa" að hún gerði ekkert sem væri Gunnarsstaða Móra á móti skapi, í ESB málum.....

[Tómas Ibsen Halldórsson, 15.1.2015 kl. 21:23]

Þakka þér Jóhann, skarplega athugað hjá þér.