Ofsatrúarfélagið Vantrú afhjúpað

Ofsatrúarfélagið Vantrú hefur farið hamförum gegn Bjarna Randveri Sigurvinssyni, stundakennara í guðfræði- og trúarbragðafræðideild HÍ.  Vantrú virðist hafa haft ótakmarkaðan aðgang að svokallaðri siðanefnd Háskóla Íslands og umrædd siðanefnd farið langt út fyrir sínar eigin siðareglur og siðareglur HÍ.

Það er hreint ótrúlegt að þessi öfgahópur skuli hafa komist eins langt innan HÍ og raun ber vitni og HÍ til háborinnar skammar hvernig tekið hefur verið á málum Bjarna Randvers.

En lesa má fréttaskýringu sem nefnt er: Heilagt stríð Vantrúarhér á mbl.is og blogg þetta er tengt við, þar kemur margt athyglisvert fram sem allir hefðu gott af að kynna sér, en þar afhjúpast siðleysi og illgirni Vantrúar.

Megi algóður Guð opna augu þessa fólks og leiða það til þekkingar á kærleika sínum og að þeirri fyrirgefningu sem allir hafa aðgang að fyrir trúna og samfélagið við Hann.

 

Heilagt stríð Vantrúar

Athugasemdir

[Ingólfur, 4.12.2011 kl. 22:07]

Bíddu aðeins,

Voru þeir ekki að kæra Bjarna vegna þess að þeim fannst hann vera að vega að þeim.

Flestum væri ekki sama um það ef þeir fréttu af því að í fyrirlestrum í HÍ væri verið að saka þá um að kynda undir kynþáttahatri og ofbeldi. Var það ekki þeirra réttur að leggja fram kæru, og er ekki skiljanlegt að menn taki það kannski persónulega og verði illir?

[Jón Steinar Ragnarsson, 4.12.2011 kl. 22:15]

Kynntu þér málið Tómas Ibsen áður en þú verður þér frekar til minnkunar.

[Guðmundur St Ragnarsson, 4.12.2011 kl. 22:57]

Nákvæmlega Tómas.

[Tómas Ibsen Halldórsson, 5.12.2011 kl. 09:53]

Ef að "Vantrúarmenn" halda að þeir séu einir um að ekki megi fjalla um þá, hvort heldur er í HÍ eða annarsstaðar, þá verða þeir að gera sér grein fyrir því að þeir eru ekkert öðruvísi en annað fólk.  "Vantrú" leyfir sér að fjalla um menn og málefni án þess að spyrja kóng eða prest.  Ekki var Bjarni Randver að fjalla um "Vantrú" á óviðurkvæmilegan hátt, heldur á mjög svo hlutlægan hátt eins og allt annað sem hann fjallaði um í sínum fyrirlestrum. 

Jón Steinar kynntu þér málið sjálfur.  "Vantrú" hefur orðið sér til minnkunar og skammar og opinberað sitt rétta eðli sem lesa má í umræddri fréttatilkynningu sem er vönduð og upplýsandi fyrir þá sem ekkert þekktu til málsins.

"Vantrú" er ekkert annað en ofsa- og sértrúarhópur.

[Hjalti Rúnar Ómarsson, 5.12.2011 kl. 10:43]

Ekki var Bjarni Randver að fjalla um "Vantrú" á óviðurkvæmilegan hátt, heldur á mjög svo hlutlægan hátt eins og allt annað sem hann fjallaði um í sínum fyrirlestrum. 

Tómas, fyrst þú hefur kynnt þér málið svona vel, gætirðu þá svarað mér því hvort að þér finnist hlandspekindsdæmið sem Bjarni tók fyrir í kennslu sinni hafi verið verjanlegt?

[Tómas Ibsen Halldórsson, 5.12.2011 kl. 12:01]

Nú held ég að þið ættuð að fara varlega í yfirlýsingum ykkar kæri Hjalti, það er búið að afhjúpa "Vantrú" og eðli þeirra samtaka.  Ég þarf ekki að svara þér neinu um hvert einasta orð eða orðalag sem kann að hafa fallið hjá Bjarna Randver eða nokkrum öðrum, ég held að þið í trúfélaginu "Vantrú" ættuð að huga að ykkar eigin orðavali.

Ykkur væri nær að snúa ykkur til Drottins og leita ásjár í faðmi frelsarans fremur en að leggja ykkur fram um að níða skóinn af þeim sem Honum tilheyra og þjóna.

Ég veit að Drottinn Guð býður með faðminn opinn til að taka við ykkur, en þið verðið að vilja.  Drottinn þráir ekkert heitar en að mæta ykkur og leiða inn á veg sannleikans.

[Gunnar Th. Gunnarsson, 5.12.2011 kl. 12:19]

Innra spjallsvæði vantrúarmanna segir allt sem segja þarf um um þetta fólk og "taktík" þess og herferð gegn kristni.

[Ingi Valur Grétarsson, 5.12.2011 kl. 14:21]

Mér hefur alltaf fundist fólk með ímyndaða vini soldið skrítið....

segðu mér eitt Tómas, hvenær heyrðir þú síðast í þessum "góðvini" þínum og hvað hafði hann skemmtilegt að segja þér? :D

[Tómas Ibsen Halldórsson, 5.12.2011 kl. 15:06]

Kæri Ingi, ég tala við Hann daglega og okkur er vel til vina.  Okkar spjall er okkar í milli.  Var það ekki akkúrat þannig sem "vináttusamband" "Vantrúarmanna" átti að vera á innranetinu???  En á milli mín og Drottins þá óskum við öllum mönnum blessunar og er það aðalinntak okkar samtals.

[Jón Ríkharðsson, 5.12.2011 kl. 18:28]

Ég get vel haft húmor fyrir Vantrúarmönnum.

Einstaklingar úr þeirra hópi eru strax mættir í athugasemdakerfi bloggheima um leið og einhver nefnir Drottinn á nafn. Þeir eru skemmtilega argir og pirraðir, en upplifa sig sem ósakplega jákvæða einstaklinga og gott ef þeim finnst þeir ekki nokkuð glaðlyndir líka.

Sama má segja um vinstri menn, þeir eru líka stundum skemmtilega argir og reiðir, en upplifa sig sem ógurlega jákvæða einstaklinga.

Þetta eru hópar með önnur viðmið en margir aðrir, en erfitt er að segja til um hvað er rétt og hvað er rangt.

Hins vegar þykir mér mjög miður þegar minnihlutahópar eins og meðlimir vinstri flokkanna og Vantrúar eru farnir að hafa of mikil áhrif á kostnað meirihlutans.

Það skásta sem við höfum er einmitt meirihlutaræðið, þótt það sé nú ekki fullkomið frekar en önnur mannanna verk.