Þola ekki lýðræði og stunda hreinsanir

Í umræðum á Alþingi í morgun kom greinilega fram í máli Össurar Skarphéðinssonar að hann ásamt Sandfylkingunni allri þola ekki lýðræðislegar umræður í öðrum flokkum.

Sandfylkingin sem gerir sig breiða og talar um íbúalýðræði vill ekki einu sinni gefa þjóðinni kost á að kjósa um hvort við eigum yfir höfuð að ganga til aðildarviðræna við ESB. Það var þeim líkt.

Á AMX má lesa frétt um það að heilög Jóhanna hafi brotið stjórnsýslulög þegar hún gegndi embætti félagsmálaráðherra, þegar hún vék Sigurjóni Erni Þórssyni úr starfi formanns stjórnarnefndar um málefni fatlaðra. Sigurjón hafði verið ráðinn samkvæmt skipunarbréfi til 16.apríl 2011 af forvera Jóhönnu í embætti félagsmálaráðherra. Hljómar þetta eitthvað kunnuglega????

Heilög Jóhanna hefur alltaf komið fram á viljað að aðrir líti á hana sem réttláta og sanna gagnvart öllum. En það á víst bara við gagnvart þeim sem eru hennar megin og henni líkar vel við, aðra má bara trampa á með skítugum skónum.

Ég held að Jóa ætti að fara að hugsa sinn gang, hennar tími er að renna henni úr greipum.

Lýðræði og lýðræðisást Sandfylkingarinnar minnir helst á það sem gerðist austan járntjalds þar sem hreinsanir voru tíðar.

Tvö hænufet og tvíhöfða þurs

Lífeyrissjóðir og bankar

Nú þegar erfiðlega gengur að koma alvöru bankastarfsemi í gang fer maður að hugsa um hvaða leiðir séu færar til að koma hlutunum í lag.

Í landinu eru enn til nokkrir lífeyrissjóðir. Ég myndi vilja sjá alla lífeyrissjóði sameinast í einn stóran sjóð. Einn sjóður sem allir landsmenn hafa aðgang að.

Þessi nýi, stóri sjóður tæki síðan yfir tvo ríkisbankana, segjum Glitni og Landsbankann og ræki hér alvöru banka, banka sem þjónar landsmönnum fyrst og fremst innanlands, en stæði ekki í því að fjárfesta erlendis, hvorki fyrir sjálfan sig eða aðra.

Með þessu móti væri hægt að byggja upp öflugan banka til framtíðar fyrir íslensku þjóðina.

Það mætti hugsa sér að í bankaráð væri kosið almennri kosningu þar sem allir þeir sem greiða í lífeyrissjóð og lífeyrisþegar væru kjörgengir.

Þetta eru þær hugleiðingar mínar um lífeyrissjóði og banka í stuttu máli, en mætti vissulega útfæra á ýmsa vegu, en bara að það væri öllum til heilla.