Þegar ógn alheims veiru hangir yfir þjóðum eins og við upplyfum er nú á þessum tímum, er gott að hugleiða orð Heilagrar Ritningar.

Ógn og skelfing er það versta sem getur hent hverja þjóð. Sálmur 91 er hér fyrir neðan, mætti hann vera lesendum til uppörfunar.

Sálmarnir kafli 91

1 Sæll er sá, er situr í skjóli Hins hæsta, sá er gistir í skugga Hins almáttka,

² sá er segir við Drottin: "Hæli mitt og háborg, Guð minn, er ég trúi á!"

³ Hann frelsar þig úr snöru fuglarans, frá drepsótt glötunarinnar,

⁴ hann skýlir þér með fjöðrum sínum, undir vængjum hans mátt þú hælis leita, trúfesti hans er skjöldur og verja.

⁵ Eigi þarft þú að óttast ógnir næturinnar, eða örina, sem flýgur um daga,

⁶ drepsóttina, er reikar um í dimmunni, eða sýkina, er geisar um hádegið.

⁷ Þótt þúsund falli þér við hlið og tíu þúsund þér til hægri handar, þá nær það ekki til þín.

⁸ Þú horfir aðeins á með augunum, sér hversu óguðlegum er endurgoldið.

⁹ Þitt hæli er Drottinn, þú hefir gjört Hinn hæsta að athvarfi þínu.

¹⁰ Engin ógæfa hendir þig, og engin plága nálgast tjald þitt.

¹¹ Því að þín vegna býður hann út englum sínum til þess að gæta þín á öllum vegum þínum.

¹² Þeir munu bera þig á höndum sér, til þess að þú steytir ekki fót þinn við steini.

¹³ Þú skalt stíga ofan á höggorma og nöðrur, troða fótum ljón og dreka.

¹⁴ "Af því að hann leggur ást á mig, mun ég frelsa hann, ég bjarga honum, af því að hann þekkir nafn mitt.

¹⁵ Ákalli hann mig, mun ég bænheyra hann, ég er hjá honum í neyðinni, ég frelsa hann og gjöri hann vegsamlegan.

¹⁶ Ég metta hann með fjöld lífdaga og læt hann sjá hjálpræði mitt."

Skimun ÍE bendir til að 1% landsmanna beri veiruna

Hvernig framtíð viljum við búa börnum okkar?????

"Umönn­un barna fyrstu árin, allt frá getnaði, hef­ur áhrif á allt þeirra líf og gagn­reynd­ar rann­sókn­ir sýna að tím­inn frá getnaði til tveggja ára ald­urs er af­ger­andi fyr­ir þroska og vel­ferð barna." Svona hljóðar fyrsta setning í viðtengdri frétt. Hér kemur fram að ALLT FRÁ GETNAÐI skiptir máli hvernig umönnun barna hefur áhrif á allt líf einstaklingsins. Hvernig má það þá vera að börn eru ekki talin börn langt fram í meðgöngu?????

Að tala fallega við barn strax í móðurkviði, spila fallega tónlist svo það heyri hefur mikil áhrif á barnið og nýtur þess á lífsleiðinni.

Það er með ólíkindum að börn eru ekki talin einstaklingar í hugum sumra jafnvel allt fram í fæðingu, en hér sjáum við að strax við getnað getur umönnun eða skortur á umönnun haft áhrif til góðs eða ills fyrir barnið, einstaklinginn til frambúðar.

Hlúum að börnunum og það strax í byrjun meðgöngu, elskum þau, leyfum þeim að vita og finna hversu dýrmæt þau eru, þau eru framtíðin. Það er í okkar höndum hversu vel þeim einstaklingum vegnar andlega og sálarlega í lífinu, okkar atlæti í þeirra garð hefur þar mikið að segja.

Hvernig framtíð viljum við búa börnum okkar?????

Afgerandi áhrif á þroska og velferð

Góður drengur fallinn frá

Ég votta börnum Jóns Vals og öllum þeim sem stóðu honum næst samúð mína og bið góðan Guð að blessa minningu hans.

Andlát: Jón Valur Jensson

Abby Johnson frá dauða til lífs.

Sjámyndbandið

Falskar fréttir, CNN og íslenskir "fréttamiðlar".

Það er ekkert skrítið að allt sem Trump gerir, hvort heldur það sé gott eða slæmt, þá verður hann fyrir ótrúlegum árásum pólitískra andstæðinga sinna, hvort heldur þeir séu Demókratar eða Repúblikanar, því þeir geta með engu móti sætt sig við að hann hafi verið kosinn forseti Bandaríkjanna.

Þegar menn hafa engar áþreifanlegar ásakanir gegn honum þá búa þeir bara til ásakanir svo hægt sé að ákæra hann og koma honum úr embætti. Andstæðingar hans hafa ekki áttað sig á því að ekkert hrín á honum, hann bara styrkist við mótbyrinn sem mætir honum.

Það er fyndið að sjá á youtube samantektir úr svokölluðum fréttum á hinum ýmsu svo kölluðu "fréttamiðlum" þar sem fjallað er um sama málið með nákvæmlega sama orðalagið á öllum "fréttamiðlunum".  Málið er að sex aðilar, meira og minna nátengdir, eiga nánast alla svo kallaða "fréttamiðla".

Nú í vikunni var CNN opinberað sem Fake News fréttastöð, sjá vefslóðina hér fyrir neðan en fyrrum starfsmaður CNN náði á myndbandi fyrirmæli Jeff Zucker sem er yfirmaður þeirrar stofnunar hvaða áherslur á að leggja í "fréttaflutningi" þeirrar stofnunar, þ.e. að ráðast á Trump númer eitt. Fleira athyglisvert kemur fram á þessum upptökum sem öll benda á hið sama.

Trump hefur riðlað áætlunum heimselítunnar sem þó reyna hvað þeir geta að snúa öllu á hvolf með mýtunni um loftslagsbreytingar af mannavöldum svo eitthvað sé nefnt, þeir fara sjálfir ekki eftir því sem þeir vilja að allir aðrir geri. Trump er þeirra mesta ógn.

Íslensk stjórnvöld og íslenskir "fréttamiðlar" eru allir undir sama hatti, taka virkan þátt í vitleysunni og flytja okkur Fake News.

Kjósendur eru hættir að kjósa út á nafnið eitt!!!!!

Sú var tíðin að menn voru mjög fastheldnir á þá pólitísku flokka sem þeir fylgdu.  Menn voru fljótir að fyrirgefa glappaskotum forustumönnum stjórnmálaflokkanna, það var eins og nafnið á flokkunum eitt og sér dygði til að ná til þeirra sem voru dyggir fylgjendur þeirra.  Svo fór það að gerast að fólk fór að missa trú á vissum stjórnmálamönnum og flokkar þeirra guldu þess.  Nú þurfa menn að vera gallharðir vinstrimenn til þess að kvika hvergi sama hvaða vitleysa kemur frá forystu flokka þeirra.

Forystusveit Sjálfstæðisflokksins virðist haldin þeirri blindu að halda að gamlir og rótgrónir sjálfstæðismenn kjósi ávalt flokkinn út á nafnið eitt.  Staðreyndin er hinsvegar sú að almennir sjálfstæðismenn, grasrót flokksins, er farin að sjá í gegnum forustuna og líkar ekki það sem þeir sjá.  Tiltrú fólks, Sjálfstæðismanna, á forustu flokksins er horfin, fólkið sem kosið hefur flokkinn kýs með fótunum, það er á hraðri ferð út úr flokknum.  Núverandi forustusveit er búin að rústa Sjálfstæðisflokknum, flokknum sem var stoð og stytta íslensks samfélags og virðast þingmenn flokksins sem fóru fram sem dyggir flokksmenn vera undir hæl forustunnar.

Eru til þeir þingmenn sem þora að hafa aðra skoðun en forustan, þingmenn sem hlusta á kjósendur sína og bera sama ótta í brjósti og almenningur sem hefur þorað að hafa aðra skoðun en sá pólitíski rétttrúnaður sem boðaður er af sitjandi ríkisstjórn. 

Ekki er við því að búast að Vinstri grænir séu svo grænir, í þeim skilningi að vilja vernda náttúru og auðæfi landsins, þar sem forusta þess flokks segir flokksmönnum hvernig þeir eigi að hugsa, að því leiti eru þeir algerlega grænir, vantar sjálfstæða hugsun og sjá að VG er komið langt frá þeirri stefnu sem þeir boða, svona rétt fyrir kosningar. 

Framsóknarflokkurinn er leiðitamur, opinn í báða enda og siglir eftir vindum hverju sinni ef þeir telja sig græða á því.

Í grasrót Sjálfstæðisflokksins er nú orðið, sem betur fer, til fólk sem þorir að hafa aðra skoðun en forustan og lætur í sér heyra.  En hefur forusta flokksins þá auðmýkt til að bera að hlusta og játa að þeim hafi orðið á og séu viljugir til að snúa af þeirri braut sem þeir hafa verið á.  Geri þeir það ekki er Sjálfstæðisflokkurinn búinn að vera sem forustuafl í íslenskum stjórnmálum.

Kjósendur eru hættir að kjósa út á nafnið eitt það þarf meira til.!!!!!!!

Safnar fram að atkvæðagreiðslu

Svona lítur hitabylgjan í Fraklandi út á veðurkorti.

 

 

Þorbjörn hf. kaupir glæsilegt skip og er nefnt eftir Todda Valda stofnanda Þorbjarnarins og framkvæmdastjóra fyrirtækisins lengi vel.

Glæsilegt fyrirtæki Þorbjörn bætir glæsilegu skipi í flota sinn sem nefnt verður eftir Tómasi Þorvaldssyni stofnanda og framkvæmdastjóra fyrirtækisins til margra ára.

Til hamingju Þorbjörn og frændfólk.

Tilhlökkun að taka við Tómasi

Brostnar vonir ???

Ég tel að mörgum hafi verið það ljóst strax í upphafi uppsveiflu ferðaiðnaðarins að fyrr eða síðar myndi botninn detta úr og margir standa eftir stór skuldugir eða gjaldþrota.

Við þurfum ekki vera hissa þótt verulega dragi úr komu ferðamanna til landsins, græðgisvæðingin hefur séð til þess. Ísland er eitt dýrasta land í heimi til að ferðast til. Þó svo að WOW hafi skilað okkur mörgum ferðamanninum á ódýrum fargjöldum er það ekki síst græðgisvæðingin innanlands sem situr í fólki sem hingað hefur komið.

Hótel, airbnb og veitingastaðir hafa sprottið upp eins og gorkúlur út um allt og allir ætluðu að græða stórt. Minnir helst á loðdýraræktina og laxeldið sem allir ætluðu að græða á en margir fóru illa út úr.

Hvað ætla menn svo að gera við öll glæsihótelin sem sprottið hafa upp og flest þeirra nánast á sama blettinum í Reykjavík??? hýsa flóttamenn??? nota það sem heimili fyrir eldri borgara???? eða hýsa þá sem hafa lent á götunni einhverra hluta vegna??????

Vilji menn standa vörð um ferðamannaiðnaðinn þarf breytt hugarfar okkar á meðal. Sýnum sanngirni í verðlagningu í garð ferðamanna, hættum að horfa á þá sem féþúfu sem hægt er að græða á um stundarsakir.

Við getum sjálfsagt ekki selt þjónustu okkar jafn ódýrt og þeir sem ódýrastir eru, en haf og himinn er á milli þess sem hinir ódýru bjóða þjónustu sína á og græðginnar sem hér ríkir.

 

Vonir sem virðast bresta

Falsfréttir eru málið hjá sumum fjölmiðlum.

Bera fjölmiðlar og fjölmiðlamenn (fréttamenn) enga ábyrgð??? Geta þeir búið til fréttir að eigin geðþótta og flutt falsfréttir án þess að þurfa að standa fyrir máli sínu????? Er svo bara nóg að segja "sorry"????????

Það þarf að fara að taka á þessum fjölmiðlum sem bera á borð falsfréttir, slíkir "fréttamiðlar" eiga ekki að hafa rétt til fréttaflutninga, en þar er RUV fremst í flokki að mínu mati.

Falsfréttir eru málið hjá sumum fjölmiðlum.

Syni Gunnars Braga brugðið