"Frammámenn" heimsins beita hótunum til að ná sínu fram. Nú eru það breskir kjósendur sem verða fyrir barðinu á ósvífni þeirrar klíku.

Margir "frammámenn" heimsins keppast við að hóta Bretum öllu illu segi þeir skilið við aðild að ESB. Þegar Obama sótti England heim hótaði þeim nánast vina- og viðskipta slitum, hann er ekki óvanur því að bera fyrir sig hótunum ef menn voga sér að vera annarrar skoðunar en hann.

Við könnumst við svona hótanir eins og Bretar verða nú fyrir, reyndar voru þær hótanir sem við urðum fyrir mest megnis til meðal stjórnmálamanna og háskólasamfélagsins hér heima fyrir, en einni komu þær erlendis frá.

Við ættum eftir öllu að vera á vonarvöl, í verri stöðu en Kúba og jafnvel Norður Kórea, eftir því sem menn vildu telja okkur í trú um.

Einn úr klappliði þeirra hótana sækist nú eftir að verða forseti Íslands. Sá frambjóðandi mælist með mest fylgi samkvæmt skoðanakönnunum og sýnir það svo ekki verði um villst hve kjósendur eru fljótir að gleyma.

 

G7 telur Brethvarf ógna vexti

Mannlegur harmleikur. 25% þungana lýkur með fósturdeyðingu.

Hvers eiga þeir einstaklingar að gjalda sem ekki fá að vaxa og þroskast og verða fullorðið fólk, fullgildir einstaklingar? Fólk með allskonar hæfileika sem hefði nýst mannkyninu til framfara. Afleiðingin verður sú að fólki mun fækka allverulega og skyndilega, verður þess ekki langt að bíða, aðeins örfá ár þegar litið er til þess hversu langan tíma mannsskepnan hefur verið til.

25% þungana lýkur með fóstureyðingu

Davíð og Golíat

Þegar Davíð mætti Golíat á sínum tíma sagði Davíð, "Þú kemur á móti mér með spjót og lensu, en ég kem í gegn þér í nafni Drottins". Mannlega séð var staða Davíðs vonlaus, en hann vissi að Drottinn var með honum og fór því óhræddur gegn risanum.

Í ágúst 2008, tveim mánuðum fyrir hrun, kom fólk úr ýmsum kirkjudeildum og kristnum trúfélögum hér á landi saman í þeim tilgangi að biðja fyrir þjóðinni og þeirri vá sem steðjaði að. Bankamenn, stjórnmálamenn, hagfræðingar og fleiri sáu ekki að neitt væri að og að hætta væri á ferðum, en þessi hópur kristinna einstaklinga hafði fengið aðvörun um hið gagnstæða.

Frá þeim tíma hefur hópur kristinna einstaklinga komið vikulega saman til að biðja fyrir þjóð okkar og í nafni Drottins hefur okkur sem þjóð tekist að snúa vörn í sókn. Hins vegar megum við ekki láta deigan síga, því viðsjárverðir tímar eru framundan og færi betur ef fleiri tækju sér stöðu og bæðu fyrir landi og þjóð.

 

Davíð gegn mörgum Golíötum