Daniel Gross stendur fyrir sínu, það sama verður ekki sagt um ráðherra ríkisstjórnarinnar

Samfylkingarþingmaðurinn Valgerður Bjarnadóttir og Samfylkingarráðherrann Gylfi Magnússon virðast hafa áhyggjur af kostnaði við setu Daniel Gross í bankaráði Seðlabankans.  Ég held að þau ættu að hafa meiri áhyggjur af kostnaði sem til fellur vegna umsóknar Íslands að Evrópusambandinu sem þjóðin hefur ekki áhuga á, en kostar okkur reiðinnar ósköp.  Gross hefur þó verið að vinna vinnuna sína og það með hagsmuni Íslands að leiðarljósi, ekki verður hið sama sagt um ráðherra eða þingmenn stjórnarflokkanna.

 

Gros kostar Seðlabanka 5 milljónir á ári

Athugasemdir

[Hanna, 27.11.2009 kl. 13:18]

Hvernig færð þú það út að þjóðin hafi ekki áhuga á ESB?

Ég veit ekki betur en að Þjóðin haf kosið Samfylkinguna í vor. Helsta mál Samfylkingarinnar voru Evrópumál og umsókn Íslands að Evrópusambandinu.

 Samkvæmt þessu þá er meirihluta vilji fyrir því að kanna kosti og galla Evrópusambandsins.

Góðar stundir

[Tómas Ibsen Halldórsson, 27.11.2009 kl. 13:58]

Kæra Hanna, ætlar þú að segja mér það að innan við 30% kjósenda (sem kusu Samfylkinguna) sé meirihluti þjóðarinnar ?  og að 70% þjóðarinnar sem er á móti aðild að ESB sé minnihluti ?  það er skrítin stærðfræði.  Samkvæmt skoðanakönnunum er mikill meirihluti þjóðarinnar á móti inngöngu í ESB og fer sá hópur stækkandi.