Hvar hafa þessir menn verið ?

Af hverju er ekki fyrir löngu búið að kanna hvert peningarnir fóru sem lagðir voru inn á Icesave-reikningana ?  Eru menn virkilega fyrst núna að fara að kanna það hvert slóðin liggur ? eða er bara búið að vera að bíða eftir Steingrími að hann hafi frumkvæðið að því að rekja féð ?

Ég hefði haldið að það hefði verið eitt fyrsta verk að kanna þetta mál og reyna að frysta flæði þeirra á milli reikninga útrásarvíkinganna áður en þeim tekst að hylja slóð sína.

 

Rekja slóð innlánanna

Athugasemdir

[Arnór Baldvinsson, 13.10.2009 kl. 16:18]

Þó ég viti svosem ekkert um þetta þá sýnist mér á seinni hluta fréttarinnar að þetta sé eitthvað sem hefur verið í gangi.  Ég man eftir að það var verið að þrýsta á í Luxemburg með að fá upplýsingar úr bankakerfinu þar sem er mjög lokað og mig minnir að þetta hafi verið í kringum síðustu áramót.  Mér sýnist vera verið að boða til fundar þar sem verður farið yfir hvar þessir peningar enduðu - ég les það þannig að það liggi þegar fyrir hjá skilanefnd Landsbankans upplýsingar um þetta.  Vonandi er þessi skilningur réttur.

Kveðja,

[Tómas Ibsen Halldórsson, 13.10.2009 kl. 16:30]

Ég vona það með þér Arnór, en ef farið hefði verið í þetta strax s.l. haust eða um s.l. áramót, væru menn þá ekki fyrir löngu farnir að sjá ferlið og getað upplýs ráðamenn nokkurn veginn jöfnum höndum ?

[Halldór Örn Egilson, 13.10.2009 kl. 16:41]

Ekki fara fram úr ykkur piltar.

Lægju yfirleitt einhverjar upplýsingar fyrir um slóð þessara fjármuna, þá hefði þeim upplýsingum verið á framfæri komið við almenning.

Jafnvel þótt hér eigi okkar upplýsingasnauða, gegnsýrða spillingar- og samtryggingarsamfélag í hlut. 

Og þá væri þjóðin að sjálfsögðu ekki á hvolfi vegna ríkisábyrgðar á Icesave-reikningunum eða hvað ? A.m.k. ekki viðlíka ríkisábyrgðar og raun ber vitni.

Sannleikurinn er eflaust sá að í þessu máli hefur lítið, ef nokkuð, verið aðhafst.