Íslenska ríkis strandar á Icesave-skerinu

Steingrímur, Jóhanna og þeirra kumpánar eru iðin við að lýsa hörmungunum sem yfir okkur munu dynja ef Icesave verði ekki að Iceslave með samþykki Alþingis.  Þau fjalla lítið um hvaða hörmungar þau eru að leggja á þjóðina með þeim gjörningum.  Að halda því fram við fullorðið fólk að ef við samþykkjum ekki þessa "samninga" sem þvingaðir voru upp á okkur þá munum við missa alla okkar vini, við verða útskúfuð úr alþjóðasamfélaginu, við hvergi geta fengið lán og lánshæfimat þjóðarinnar verða verra en það er [það getur ekki versnað mikið frá því sem það er nú þegar].  Þetta er eins og að segja við óþæga krakka: "ef þið hlýðið ekki þá mun ljóti karlinn koma og taka ykkur".

Ef þessir þvinguðu samningar verða samþykktir af Alþingi, þá mun lánshæfimat okkar lækka enn frekar og engin lán fást í mörg ár þar sem við verðum engir borgunarmenn um áratugi.  Við verðum bara eins og nýlendur þessara þjóða, útskúfuð og arðrænd.  Ef við sleppum því að borga verðum við borgunarmenn, eins og hingað til og íslenska ríkið og landsvirkjun verða eftirsóttir lántakendur eftir örfá ár.

Ef Icesave þvingunin verður samþykkt á Alþingi þá er endanlega búið að sigla þjóðarskútunni í strand og ekki verður hægt að bjarga henni af strandstað í marga áratugi.  Það strand mun skrifast á Steingrím J. og Jóhönnu Sig., verkstjóra.

 

Strandi Icesave, strandar allt

Athugasemdir

[Púkinn, 26.6.2009 kl. 16:17]

Hvernig viltu svara því sem ég segi hér?  Það eru nefnilega tvö mál - annars vegar hvort við samþykkjum skuldbindinguna um að borga Icesave og hins vegar hvort við samþykkjum þessa tilteknu útfærslu....og 5.5% vextina.  Menn geta verið ósammála útfærslunni með ýmsum rökum, en miðað við það sem á undan er gengið sé ég ekki hvernig eigi að hafna skuldbindingunni.

[Tómas Ibsen Halldórsson, 26.6.2009 kl. 16:58]

Fyrir það fyrsta eru vextirnir ósanngjarnir, þeir eru ekki í takt við þá vexti sem fást af eignasafni Landsbankans eða því sem gengur og gerist hjá þessum þjóðum.

Í öðru lagi.  Maður sem er með tekjur upp á kr. 10.000 á mánuði getur ekki skuldbundið sig til að greiða kr. 100.000 á mánuði, það hreinlega gengur ekki upp.

Þessir þvinguðu samningar eru ekki raunhæfir fyrir þjóðina.  Við og afkomendur okkar í nokkra ættliði verðum bundin í klafa vegna ákvarðanna, ekki bara útrásavíkinganna heldur vegna ákvarðanna þeirra sem tóku áhættu með því að leggja fé sitt inn á þessa reikninga.  Reglan er sú að eftir því sem ávöxtun er meiri þá er áhættan mikil eftir því.  Bresk og Hollensk stjórnvöld, með sín fjármálaeftirlit eru ekki síður ábyrg en þau íslensku.  Þau vöruðu ekki við þeirri áhættu sem fólst í að ávaxta fé sitt á Icesave reikningum.