Gunnar bauðst til að víkja

Þetta er það eina rétta í stöðunni.  Gunnar hefði bara átt að taka af skarið fyrr, sjálfs síns vegna og bæjarfélagsins vegna.  Vonandi kemst á vinnufriður eftir þetta og menn/konur fari að snúa sér að málefnalegri hlutum, það er varðar heill Kópavogsbæjar.

 

Gunnar bauðst til að víkja

Athugasemdir

[Sigurður Þorsteinsson, 11.6.2009 kl. 23:40]

Ég er nú ekki viss um þann vinnufrið sem á að skapast með málefnalegri vinnu. Samfylkingin hefur nú ekki haft það hugarfar að leiðarljósi á þessu kjörtímabili.

Annað sem vekur athygli er þessi skýrsla frá Deloitte sem virðist vera furðuleg hrákasmíð. Við rannsókn á bankahruninu er sjónum manna æ oftar beint að þessum virtu endurskoðendastofum og hvað þær hafa látið hafa sig í að skila af sér. Stofunni finnst allt í lagi að vitna í lög sem hafa átt að hafa verið brotin, sem síðan ekki eiga við. Sjá ekki sóma sinn að biðjast afsökunar, heldur segja að þá hljóti bara að vera einhver önnur lög sem séu brotin. Mér skilst að þessi tegund endurskoðunar sé kölluð pólitísks endurskoðun, og þá sé hægt að panta hvað sem mönnum dettur í hug sem innihald.

[Tómas Ibsen Halldórsson, 11.6.2009 kl. 23:56]

Það verður vissulega fróðlegt að fylgjast með Sandfylkingunni í kjölfar afsagnar Gunnars.  Verða málefnin uppi á borðum eða mun fylkingin halda áfram á sömu braut.  Sjáum til.

[Helga Kristjánsdóttir, 12.6.2009 kl. 01:58]

Er buin að hanga hér á ath.semdardálki þínum í ca. klt. Þurrka út jafnharðan og ég skrifaði. Er bara ekki sátt við hvernig vegið er að Gunnari í nafni skyldu minnihlutans að veita aðhald. Skýrsla Deloitte,þvílík steypa.Hef svo margt að segja en geri það auðvitað ekki hér.