Öryggi þjóðarinnar á viðsjárverðum tímum.

Gott er að starfshópur hafi fjallað um lífsafkomu þjóðarinnar á hættutímum og lagt til að neyðarbirgðir yrðu tryggðar á hættutímum.

Nú er vá fyrir dyrum, fjölmargir sérfræðingar hafa komið fram á sjónarsviðið og fjallað um yfirvofandi matvælaskort þar sem uppskerubrestur er víða og eins vegna þess að bændur víðsvegar um heim hafa ekki séð hag sinn í að sá í akra sína eða viðhalda bústofni sínum vegna yfirþyrmandi kostnaðar á áburðum og fóðri fyrir nautgripi sína eða fé.

Lengi vel hafa íslenskir bændur verið þyrnar í augum krata og annarra sem viljað hafa bændastéttina feiga en viljað þess í stað að þjóðin reiði sig á innflutning matvæla frá Evrópu. Nú er svo komið að í Hollandi, sem er annað stærsta útflutningsþjóð á matvælum á heimsvísu, er allt í upplausn þar sem stjórnvöld eru að leggja stein í götu bænda, þau vilja losna við stóran hluta bænda og hefta framleiðslu þeirra til útflutnings.

Við þurfum að hlúa betur að íslenskum bændum og nú er svo komið að þjóðaröryggisráðið sem téður starfshópur vann fyrir leggi nú áherslu á og hafi snör handtök til að afla birgða fyrir veturinn og næsta ár svo þjóðin muni geta haldið lífi á næstu missirum. Líf okkar liggur við.

Menn óttast hungursneið víðsvegar um heiminn á vetri komanda og að fjöldi manna muni farast úr hungri og kulda þar sem víða mun reynast erfitt að halda híbýlum nægilega heitum vegna skorts á gasi og rafmagni, auk þess sem hitunarkostnaður er og verður ískyggilega hár og erfitt fyrir fólk einkum eldri borgara að greiða kostnað sem hlýst af við að halda á sér hita.

Síðustu misseri hafa komið fram á sjónarsviðið hópur ofurríkra aðila sem leynt og ljóst í mörg ár hafa verið að vinna að því að fækka fólki á jörðinni. Þessir aðilar skeyta ekki um velferð almennings líf þeirra eða heilsu, þeir eru fyrst og fremst að hugsa um sjálfa sig og þá sem standa þeim næst.

Þetta eru aðilar sem eiga lyfjafyrirtækin, þeir hafa verið að kaupa upp jarðir vestan hafs, jarðirnar eru ekki nýttar til matvælaframleiðslu. Þessir aðilar eiga og stjórna stærstu fjölmiðlum, þeir eru með stjórnvöld og stjórnmálamenn í vasanum, stjórna samfélagsmiðlunum, stjórna umræðunni um Covid, loftslagsmálin, fjármálaheiminn, flugfélög, skipafélög, framleiðslu allskonar og margt fleira sem við notum dagsdaglega.

Þess ber einnig að geta að fjöldi verksmiðja sem framleiða matvæli hafa á síðustu mánuðum orðið eldi að bráð. Farið er að bera á skorti á matvælum víða, vestanhafs eru aðilar að benda á þetta og á stórhækkun matvælaverðs, það er þegar farið að bíta í víða.

Ef við sem þjóð viljum lifa af þurfum við að hugsa vel um þá hluti sem starfshópurinn um þjóðaröryggi leggur til og þurfum að gera það ekki seinna en núna. Katrín forsætis ætti að vera kunnugt um það sem hér hefur verið reifað þar sem hún hefur sótt ráðstefnur þessara ofurríku og ætti að vera kunnugt um áform þeirra. Hafi hún raunverulega hag þjóðarinnar að leiðarljósi mun hún leggja til atlögu strax og vonandi hefur hún nú þegar lagt á ráðin við að tryggja öryggi landsmanna.

Ég segi eins og Geir H.Haarde sagði. 

GUÐ BLESSI ÍSLAND og ég bæti við OG ÍSLENSKU ÞJÓÐINA.

Á að tryggja lífsafkomu þjóðarinnar á hættutímum