Hvar er sannleikann að finna???

Löngum hefur sannleikurinn vafist fyrir fólki. Flestir ef ekki allir eiga það til að "fegra" staðreyndir, nota "hvíta" lygi eða hreinlega segja ósatt vísvitandi en stundum gerir fólk það í góðri trú um að það sé að segja satt og rétt frá.

Einn er sá sem var og er sannleikans megin, Hann sagði Ég er Vegurinn, Sannleikurinn og Lífið, sá er Jesús Kristur.

Sá sem vill vera sannleikans megin fylgir Honum sem er Sannleikurinn.

Lygin er óvinur mannkynsins og faðir lyginnar er satan sjálfur. Þeir sem stunda lygina eru fylgjendur hans, en þeir sem stunda sannleikann eru fylgjendur Hans sem er Sannleikurinn.

Spyrja má, eru allir þeir sem segjast vera kristnir sannleikans megin, stunda þeir sannleikann. Svarið er því miður neitandi. Því miður reynist fólki erfitt að feta veg sannleikans því höfðingi þessa heims er sjálfur lygarinn og fólk flækist í lygavefjum hans.

Til þess að feta braut sannleikans þarf að verða hugarfarsbreyting í landinu, fólk þarf að leita Hans sem er Sannleikurinn og fylgja Honum. Jesús sagði, "...enginn kemur til Föðurins nema fyrir mig". Hann sagði einnig "..ekki munu allir sem segja við mig herra, herra ganga inn í Himnaríki, heldur þeir sem gera vilja Föður míns".

Í Opinberunarbókinni 21.kafla segir: ^8"En fyrir hugdeiga og vantrúaða og viðurstyggilega og manndrápara og frillulífismenn og töframenn, skurðgoðadýrkendur og alla lygara er staður búinn í díkinu, sem logar af eldi og brennisteini. Það er hinn annar dauði."

Lygin er bölvaldur og hefur komið mörgum í klandur. Sannleikurinn gefur okkur frelsi. Í Jóhannesarguðspjalli 17.kafla segir Jesús: ^3"En það er hið eilífa líf að þekkja þig, hinn eina sanna Guð, og þann sem þú sendir, Jesú Krist."

Sannleikurinn er sá að ef við leyfum Guðs Orði ekki að móta okkur og fylgjum ekki Honum sem er Sannleikurinn þá getum við ekki lifað í sannleikanum. Þess vegna þarf að snúa þeirri þróun við sem verið hefur í landi okkar og uppfræða fólk og ekki hvað síst börnin um Guðs Orð og Guðs vegu, kenna Biblíusögur og Kristinfræði í skólum og sækja samfélag trúaðra þar sem uppfræðsla í Guðs Orði fer fram.

Skólakerfið sporni við falsfréttum

Athugasemdir

[Jón Þórhallsson, 29.1.2019 kl. 14:31]

Hvar er sannleikann að finna???

Það verður helst alltaf að setja spurninguna í eitthvert samhengi.

Er sannleikann að finna hjá biskupi Íslands í fóstureyðingarmálum þó að biskup íslands eigi að standa næst KRSITI / GUÐI hér á landi?

[Tómas Ibsen Halldórsson, 29.1.2019 kl. 15:19]

Sannleikann er að finna í Orði Guðs, hinni Heilögu ritningu, Biblíunni.

[Jón Þórhallsson, 29.1.2019 kl. 15:27]

Er nokkuð minnst á fóstureyðingar þar? 

[Tómas Ibsen Halldórsson, 29.1.2019 kl. 16:03]

Þar stendur t.d. "þú skalt ekki morð fremja", auk þess má sjá hversu Jesú þótti vænt um börnin. Ég held að flestum þyki vænt um börnin og vilji þeim ekkert mein, en því miður verða mörg þeirra fyrir ofbeldi, ekki bara hin ófæddu heldur einnig þau sem þegar eru fædd. Þá er vert að mynnast þess að börnin eru framtíð þjóðar okkar.

[Jón Þórhallsson, 29.1.2019 kl. 16:19]

Þsð mætti jafnvel flokka þetta viðfangsefni í tvö aðskilin umræðuefni:

1.Hvenær verður frumuklasi að einstaklingi með sál?

---------------------------------------------------------------------

2.Tökum svo dæmi um konu sem að er komin 20 vikur á leið og fóstrið er með klofinn hrygg og mun verða stórkostlega fatlað alla sína ævi.

Konan myndi vilja eyða sínu fóstri; myndir þú banna henni það

ef að þú fengir að vera alvaldur í landinu?

[Tómas Ibsen Halldórsson, 29.1.2019 kl. 16:36]

Ert þú tilbúinn, Jón, að ákveða hvenær barn verður barn, hvenær líf kviknar???

Ég trúi því að þegar egg konu frjóvgast verður líf til. Heyrði um rannsókn vísindamanna sem fylgdust með því hvað gerðist þegar egg konu og sæði manns mætast, þá varð blossi, ljós, sem birtist skyndilega. Guð er ljós og ég trúi því að Hann gefur líf og sér það líf sem kviknar hversu lítið sem það kann að líta út í okkar mannlegu augum, þá er það mikilvægt fyrir Honum.

Við þurfum líka að gera okkur grein fyrir því að Guð er persónulegur og hann þekkir hvert okkar persónulega, þekkir eðli okkar, hugsanir okkar og allt sem við gerum, hvort heldur það sé gott eða illt, ekkert er Honum hulið.

[Jón Þórhallsson, 29.1.2019 kl. 16:42]

Blóm og botnlangar geta haft æðakefi en þau hafa ekki sál.

ég vil meina að það sama eigi við um fóstur fram að 14 viku.

Þá komi SÁLIN og taki sér bólfestu í fóstrinu.

[Tómas Ibsen Halldórsson, 29.1.2019 kl. 16:49]

Þetta er gróf fullyrðing af þinni hálfu Jón, því trúi ég ekki. Líf einstaklings er þegar byrjað að mótast og myndast þegar egg og sæði koma saman. Þú getur ekki fullyrt frekar en nokkur annar að sálin komi ekki fyrr en síðar, Guð einn veit nákvæmlega hvenær þetta allt gerist, auk þess er hjartað farið að slá mun fyrr.

[Jón Þórhallsson, 29.1.2019 kl. 17:02]

Þetta er eimitt heimspekileg spurning sem að Siðfræðideild Háskóla íslands mætti glíma við fyrir opinum tjöldum í RÚV -sjonvarpi.

[Tómas Ibsen Halldórsson, 29.1.2019 kl. 18:54]

Spurningin snýst ekki bara um heimspekilegar vangaveltur heldur trú á lifandi Guð sem er skapari alls og okkar allra. Okkur hættir til að taka Guð út úr myndinni og horfa á hlutina frá mannlegu sjónarmiði, en Guð mun að lokum hafa síðasta orðið, þá er gott að hafa verið á Hans bandi.

[Jón Þórhallsson, 29.1.2019 kl. 19:46]

Nú skorum við á "GUÐ" að skrifa næstu færslu

og höggva á alla óvissuhnúta þessu tengdu:

[Tómas Ibsen Halldórsson, 29.1.2019 kl. 20:09]

Trú þú á Drottinn Jesú og þú munt verða hólpinn og heimili þitt.

[Jón Þórhallsson, 29.1.2019 kl. 21:17]

Þó að ég geri það og sé hólpinn

að þá þarf að höggva á allskyns óvissuhnúta inni á Alþingi

og hann "GUÐ" virðist ekki hafa gefið neina umögn um þetta mál þar.

[Tómas Ibsen Halldórsson, 30.1.2019 kl. 11:14]

Hér kemur umsögn Hans, en hún virðist hafa farið fram hjá þér:

¹³ Því að þú hefir myndað nýru mín,ofið mig í móðurlífi.¹⁴ Ég lofa þig fyrir það, að ég er undursamlega skapaður,undursamleg eru verk þín,það veit ég næsta vel.¹⁵ Beinin í mér voru þér eigi hulin,þegar ég var gjörður í leyni,myndaður í djúpum jarðar.¹⁶ Augu þín sáu mig, er ég enn var ómyndað efni,ævidagar voru ákveðnirog allir skráðir í bók þína,áður en nokkur þeirra var til orðinn."

Það hjálpar að lesa ritninguna því þar eru uppsprettur allskonar fróðleiks sem Guð hefur gefið okkur.