Sérhver einstaklingur er Guðs gjöf

Sérhvert líf, sérhver einstaklingur er dýrmætur, gjöf frá Guði. Sérhver einstaklingur á rétt á að fá að lifa, vaxa, dafna og þroskast. Sérhvert líf er heilagt og enginn, ENGINN, hefur rétt til að deyða það líf og ég tala nú ekki um líf varnarlausra ófæddra barna, einstaklinga sem ekki hafa enn fengið tækifæri til að sanna sig sem fullgildir einstaklingar, þjóðfélagsþegnar.

Hversu mörgum læknum, prófessorum, rithöfundum, prestum, uppfinningarmönnum, hugsuðum, athafnamönnum, feðrum, mæðrum, vinum og svo má lengi telja, hefur verið fyrirkomið í móðurkviði????????

Þjóðfélög sem leyfa fósturdráp munu, þó síðar verði, gjalda þessarar óhæfu. Vesturlönd eru þú þegar farin að finna fyrir því þar sem flestar þjóðir eru farnar að eldast, ungu fólki fækkar. Hnignun vofir yfir þeim þjóðum sem koma þannig fram við börnin sem eiga að vera afkomendur þeirra.

 

Athugasemdir

[Jón Þórhallsson, 13.3.2017 kl. 17:15]

Hvenær verður einstaklingur einstaklingur?

Myndum við segja að 3 daga gömul sæðisfruma í kvenlegi væri einstaklingur?

[Tómas Ibsen Halldórsson, 13.3.2017 kl. 23:02]

Þegar sæði karls og egg konu ná saman verður líf til, það er mín staðfasta skoðun. Menn geta haft allskonar skoðanir á því en Guð einn veit fyrir víst. Vísindamenn vita það ekki betur en Hann og ekki heldur ég eða þú Jón. Getum við haldið því fram að líf verði ekki til fyrr en eftir að einstaklingur hafi komist yfir unglingsárin eða eftir fertugt???????

[Jón Þórhallsson, 14.3.2017 kl. 10:23]

Hérna kemur svarið:

http://thjodarskutan.blog.is/blog/thjodarskutan/category/11/

[Tómas Ibsen Halldórsson, 14.3.2017 kl. 12:08]

Ég er algerlega ósammála þér Jón, þín skoðun á því hvenær sálin tekur sér bólfestu í líkama hins ófædda er algerlega út í loftið og þú getur ekki, frekar en vísindin, sannað að skoðun þín eigi við rök að styðjast.

Um leið og líf kviknar þ.e. þegar sæði manns og egg konu koma saman, þá hefur Guð þegar gefið viðkomandi líf. Þá þegar hefst ferli sem manninum er ekki leyfilegt að grípa inní. Það er svo einfalt.