Hvernig ætla menn að bregðast við þegar ferðamannastraumurinn fjarar út?

Ég verð að segja að mér finnst yfirlýsing Klaus Ortlieb, Þýsks hótelmógúls, þess efnis að Reykjavík og reyndar allt Ísland stefnir í að verða fullt af tómum hótelum. Hvað ætla menn að gera þegar ferðamannastraumurinn fjarar út og verður bara brot af því sem við sjáum í dag? Hvernig ætla menn þá að greiða öll þau lán sem tekin hafa verið til að byggja upp stærðarinnar hótel? Mun það lenda á okkur skattborgurum að greiða fyrir fylliríið sem menn virðast ver í í dag? Verður okkur gert að borga eins og menn vildu með Icesave? Munu stjórnvöld fylla þessi hótel af flóttamönnum sem hingað vilja koma til að fá skjól og lifa góðu lífi á kostnað íslenskra skattgreiðenda?

Ég er hræddur um að við eigum eftir að fá þetta ótrúlega framkvæmdafyllirí í bakið og það fyrr en menn halda.

Hvernig ætla menn að bregðast við þegar ferðamannastraumurinn fjarar út?

Reykjavík verður full af tómum hótelum

Athugasemdir

[Már Elíson, 9.7.2016 kl. 20:32]

Þetta var, og er fyrirséð. - "What goes up, must come down..." og maður verður alltaf meira og meira hissa að menn skuli ekki læra af lífinu, og sérstaklega í þessu óreiðuþjóðfélagi á íslandi. - Þeim svíður sem undir míga, sagði kellingin fyrir austan, og steig ofan í rotþróna....

[Filippus Jóhannsson, 9.7.2016 kl. 21:07]

Því miður lokar fólk augunum fyrir þessari staðreynd. Að venju verður það almenningur í landinu sem verður látinn taka skellinn. Gamma, Reginn, Eykt og hin fasteignafélögin fá niðurfeldar skuldir og það innann fimm ára.

[Tómas Ibsen Halldórsson, 10.7.2016 kl. 02:07]

Þakka ykkur innlegg ykkar Már og Filippus, ég get tekið undir með ykkur báðum.

[Árni Gunnarsson, 10.7.2016 kl. 10:42]

Mér finnst að þetta hafi blasað við fyrir lifandis löngu.
Við bara kunnum ekki annað en að sökkva vatnsfötunni í sama brunninn öll og ausa upp vatninu, jafnvel til að hella því niður.
Ferðamannastraumurinn er auðlind sem byggist á ferðamönnum. Við höfum íslenska háttinn á og hirðum ábatann en skilum engu til landsins.
Svo þegar ferðamannastraumurinn stöðvast eigum við að vera við því búin að taka þessi dýru hótel okkar undir dvalarheimili fyrir aldraða. 
En það var þó gott að það skyldi vera útlendingur sem benti á þetta.

Annars hefði enginn tekið mark á því.

[Tómas Ibsen Halldórsson, 10.7.2016 kl. 12:27]

Þakka þér innlitið Árni.

Ég held að það sé nokkuð til í þessu sem þú segir, það þurfti útlending til svo að eftir væri tekið. Ég held einnig að mörg okkar höfum hugsað og jafnvel orðað við næsta mann hvað okkur finnst um alla þessa hótel uppbyggingu, en ekki látið opinskátt fyrr en útlendingur bendir á. Það er þó gott að málið er komið í umræðuna, vonandi, þó seint sé og ekki víst að við getum forðað okkur frá áföllum.