Samtökin 78 nota pólitískan rétttrúnað til að kúga menn til að lúta áróðri samtakanna.

Með pólitískum rétttrúnaði að vopni ætla samtökin 78 að hræða lögreglustjórann á höfuðborgarsvæðinu til hlýðni við vilja sinn og kúga hann til að ger það sem þeim er að skapi.  Þeir sem hafa skoðun á líferni "hinsegin" fólks sem fellur ekki að vilja framangreindra samtaka er hótað með pólitískum rétttrúnaði og þykir þeim það í góðu lagi.  Staðreyndin er hins vegar sú að með pólitískum rétttrúnaði að vopni eru menn ofsóttir hafi þeir ekki "rétta" skoðun á mönnum og málefnum.  Ganga ofangreind samtök þar fremst í flokki.

Samtökin 78 nota pólitískan rétttrúnað til að kúga menn til að lúta áróðri samtakanna.

Kæra embætti lögreglustjóra

Athugasemdir

[Sigurður M Grétarsson, 7.10.2015 kl. 10:35]

Samtökin 78 eru ekki að ákæra menn fyrir að hafa aðrar skioðanir en þeu hafa. Þau eru að kæra menn sem hafa haft í gangi hatursorðræðu sem er brot á hegningarlögum. Það er mikill munur á frjálsum skoðanaskiptum og hatursorðræðu og jafnvel hótunum. Mað þessu eru samtökin 78 ekki bara að verja þann hóp sem þeir eru að berjast fyrir heldur líka aðra hópa sem verða fyrir hatursorðræðu eins og til dæmis múslima. Sú orðræða sem höfð er í frammi um þá er hjá mörgum komin langt út fyrir það sem eðlegt er að ætla minnihlutahópum að þola og löngu komin tími til að taka á mestu svívirðingunum, skítkastinu, rangrærslunum og hótunumum sem þar eru hafðar í frami rétt eins og hefur líka komið fram gagnvart samkynhneigðum.

[Sumarliði Einar Daðason, 7.10.2015 kl. 11:03]

Er einhverstaðar hægt að kynna sér upphaflega kæru sem var vísað frá? Eða einhverjar fréttir sem tengjast því?

Ps. múslimi er ekki í minnihlutahópi í heiminum. Þetta er annar stærsti trúarhópur í heiminum og telur um 1,6 milljarða sem er hátt í 23% af öllum íbúum jarðar. Hins vegar er þetta tiltölulega lítill hópur hér á Íslandi.

[Ásthildur Cesil Þórðardóttir, 7.10.2015 kl. 11:20]

Þetta heitir á mínu máli að leita réttar síns. 

[Sumarliði Einar Daðason, 7.10.2015 kl. 11:34]

Ég fann ítarlegri frétt um þetta á RÚV: http://ruv.is/frett/kaera-akvordun-um-rannsokn-a-hatursordraedu

Þar eru ummælin birt.

[Ásthildur Cesil Þórðardóttir, 7.10.2015 kl. 12:36]

Skil ekki í lögreglustjóranum að taka ekki á þessu máli. En ef til vill er hún sjálf haldin fordómum af þessu tagi enda alinn upp hjá Ólafi Biskup við kristilega innrætingu og að varðveita SAKLEYSI ungra stúlkna.  

[Tómas Ibsen Halldórsson, 7.10.2015 kl. 14:49]

Ef þetta kallast að leita réttar síns, hvað mættu margir aðrir segja sem verða fyrir allskonar hatursfullum tilefnislausum ásökunum.

Nei, mér sýnist menn vera að gera í því að blása upp og klína á fólk pólitískum rétttrúnaði til að gera lítið úr öðrum en upphefja sjálfa sig.

[Valur Arnarson, 7.10.2015 kl. 22:32]

Nú er ég á móti hatursorðræðu af öllu tagi - og já, samkynhneigðir hafa mátt þola hana - því miður !

Hins vegar er máttur þeirra samtaka mikill sem sjá sér fært að kæra embætti lögreglustjóra, spurning hvort að sá máttur sé ekki orðin varhugaverður, því engin annar hefur hvorki vald né fjármagn til þess, engin félagasamtök - hvað þá einstaklingar. Það er umhugsunarvert !