Hryðjuverkaríkið Ísrael

Mikið er gott hversu vel almenningur er að sér um málefni Ísraels og "Palestínu".

Íslenskur almenningur veit líklega um þau hryðjuverk sem Ísraelar frömdu við landamærin að Gaza í fyrra þegar þeir settu upp sjúkratjöld til að hlúa að særðum "Palestínumönnum", en þangað leituðu fjöldi fólks, hvílíkt óréttlæti.  Eða sjúkraskýlin sem þeir eru með við landamærin að Sýrlandi, en þangað kemur fjöldi manna.  Það eina sem þeir fara fram á er að þeir karlmenn sem þangað leita séu vopnlausir, hvílík skömm.  Ekki er spurt hvort þeir séu hermenn Sýrlensku stjórnarinnar, hryðjuverkamenn s.s. ISIS eða óbreyttir borgarar, allir fá aðhlynningu, hvílíkt óréttlæti.

Íslenskur almenningur veit víst einnig að fyrir tveimur til þremur árum leitaði eiginkona Abbas [ekki veit ég hvort hann á eina eiginkonu eða fleiri] til sjúkrahúss í Ísrael til að fá læknisaðstoð.  Hvílík skömm að hlúa að "Palestínumönnum" ég tala nú ekki um svo háttsettu fólki, ef það eru ekki hryðjuverk þá veit ég ekki hvað.  Meðan á stríðinu við Gaza í fyrra stóð fékk dóttir Haniyeh leiðtoga Hamas aðhlynningu á sjúkrahúsi í Ísrael, ekki var það vegna þess að hún hafði særst í árásum hryðjuverkamannanna frá Ísrael, heldur var einhver sjúkdómur að hrjá hana.

Daglega leita "Palestínumenn" á náðir Ísraels til að fá aðhlynningu sem þeir fá ekki í "Palestínu" jafnvel þótt Sveinn Rúnar sé á staðnum, og ekki borga þeir krónu fyrir, hvorki Abbas eða Haniyeh.

Nei kæru vinir, mér þykir ljóst að íslenskur almenningur veist ósköp lítið hvað er að gerast á þessum slóðum.  Í fyrra kvartaði kona á Gaza svæðinu undan yfirmönnum Hamas að þeir skuli leggja líf og limi Gazabúa í hættu með því að láta fólk, konur og börn vera þaðan sem þeir skjóta eldflaugum yfir á Ísrael vitandi að Ísrael muni svara.  Kona þessi birtist á youtube þar sem hún úthelti skömmum yfir leiðtoga Gaza.  Hún hvarf af yfirborði jarðar og Ísrael kennt um.

Ísrael vinnur hörðum höndum að því að bjarta lífum, jafnt Ísraelsmanna sem og "Palestínumanna".  "Palestínumenn" vinna hörðum höndum að því að eyða lífum, jafnt Ísraelsmanna sem og "Palestínumanna".  Þeir líta á það sem hagsmuni sína ef nógu margir "Palestínumenn" falla fyrir hendi Ísraelsmanna og ekki síst ef um börn og konur eru að ræða.  Ef þeim finnst Ísraelsmenn ekki gera nót í að fella "Palestínsk" börn, þá gera þeir það sjálfir og kenna Ísraelsmönnum um.  Hamaz og önnur hryðjuverkasamtök virða mannslíf einskis, ekki einu sinni "Palestínumanna".

Ekki hlusta á einhliða áróður RUV eða 365 miðla, fólk getur kynnt sér málin sjálft, af nógu er að taka t.d. á youtube, en þar má sjá sjúkrabíla á "Palestínsku" yfirráðasvæði og börur bornar með deyjandi manni á sem stendur síðan upp og gengur á braut þegar að sjúkrabílnum kemur.  Mýmörg dæmi eru um akkúrat svona viðburði, en það má klippa þetta til áður en sett er í loftið af BBC, CNN, RUV og Stöð2 svo það falli að pólitískum rétttrúnaði.