Á meðan ríkissjóður vex og dafnar eru margir örorku- og ellilífeyrisþegar í erfiðleikum með að láta enda ná saman.

Það er fagnaðarefni að útlit er fyrir verulegum afgangi á fjárlögum fyrir næsta ár.  Á sama tíma er það enn sorglegra að ellilífeyris- og örorkuþegar skuli sitja eftir meðan aðrir eru að fá góða launahækkun.

Margir ellilífeyris- og örorkuþegar búa við bág kjör. Eins má benda á að allt of margir eru á götunni og hafa ekki í nein hús að venda.  Þeir eru uppá náð og miskunn Hjálpræðishersins sem hefur verið blessun fyrir marga í erfiðleikum og Reykjavíkurborgar sem sker við nögl þegar að fátækum kemur og öðrum þeim sem í erfiðleikum eiga.

Nú er lag, ríkissjóður stendur vel, nú á ríkisstjórnin að láta hendur standa fram úr ermum og leiðrétta bág kjör þeirra sem rétt skrimta.  Við eigum ekki að þurfa að horfa uppá 400-500 manns í viku hverri þurfa að leita á náðir Mæðrastyrksnefndar til að lifa af.  Þetta er bara það fólk sem lætur sig hafa það að fara bónarveginn.  Það eru mun fleiri sem finnst það niðurlægjandi og lætur sig bara vanta og sleppa máltíðum bíðandi næstu útborgunar bóta svo hægt verði að versla inn og seðja sárasta hungrið.

Á meðan ríkissjóður vex og dafnar eru margir örorku- og ellilífeyrisþegar í erfiðleikum með að láta enda ná saman.

Viljum við hafa Ísland svona??????

 

Afgangur og lækkun skulda