Ísraelski herinn hefur sett upp sjúkraskýli við landamærin að Gasa til að hjúkra særðum "Palestínumönnum".

Það vill nú svo til að það voru Hamas samtökin, hryðjuverkasamtök, sem höfnuðu alfarið friðarumleitunum og vopnahléi sem Egyptar lögðu til fyrir nokkrum dögum síðan, þrátt fyrir að Ísraelar lögðu niður vopn í sex klukkustundir, þá héldu hryðjuverkamennirnir áfram að herja á Ísrael.  Ísraelar hafa síðan gert einhliða vopnahlé til þess að hægt væri að sinna særðum á Gaza, ekki datt Hamas í hug að nýta það hlé til góðs.

Ísraelski herinn hefur sett upp sjúkraskýli við landamærin að Gaza og þar sinna þeir særðum "Palestínumönnum". 

Ísraelsmenn vilja ekki herja á óbreytta borgara á Gaza, en þeim er nauðugur einn kostur og það er að verja borgara Ísraels gegn hryðjuverkum Hamas, sem öllu ræður á Gaza. 

Á vesturlöndum er það viðurkennt að Hamas eru hryðjuverkasamtök, en samt sem áður taka íslenskir stjórnmálamenn eins og Árni Páll Árnason o.fl. sér stöðu með aðgerðum hryðjuverkasamtaka eins og Hamas og annarra íslamista á Gaza.  Gungurnar á Gaza, þeir sem fela sig á bak við konur og börn ná athygli stjórnmálamanna á Íslandi!!!!  Það þykir mér afar athyglisvert.

Ef Ísraelum væri alveg sama um óbreytta borgara á Gaza, væru þeir ekki að hlúa að þeim og setja upp sjúkraskýli til að annast þá.

Sæjuð þið fyrir ykkur Hamas sinna særðum Gyðingum???  Ætli það.

Jesaja spámaður er með orð til þeirra sem upphefja ranglætið á kostnað réttarins.   Í 5.kafla versi 20 og 21 spádómsbókar Jesaja segir eftirfarandi:

²⁰Vei þeim, sem kalla hið illa gott og hið góða illt, sem gjöra myrkur að ljósi og ljós að myrkri, sem gjöra beiskt að sætu og sætt að beisku.  

²¹Vei þeim, sem vitrir eru í augum sjálfra sín og hyggnir að eigin áliti.

Ísraelar hafa ekki hafnað rétti þeirra sem byggja Gaza, en þeir sem öllu ráða á Gaza, Hamas, hafa gert borgurum þess svæðis illmögulegt að lifa við góðan kost.

Árið 2007, þegar Ísrael yfirgaf Gaza og lét "Palestínumönnum" einum eftir svæðið, var fyrsta verk Hamas að eyðileggja allt það sem Gyðingar höfðu byggt upp á svæðinu.  Gróðurhús, akrar, íbúðarhús og annað slíkt er þeir létu eftir sig og vonuðust til að "Palestínumenn" gætu nýtt sér til framdráttar.  Nei, Hamas kaus fremur að lifa á ölmusu ESB og USA og halda óbreyttum borgurum í gíslingu.

Almenningur á Gaza lifir við fátækt, en forustumenn Hamas og aðrir íslamistar hafa það gott á Gaza.

Ég held að íslensk stjórnvöld ættu að standa með Ísrael og hvetja þá til dáða, að losa Gaza við hryðjuverkamenn, svo borgarar Gazasvæðisins geti sett sér nýja stjórn sem hefði það að markmiði að byggja upp svæðið svo almenningur geti lifað við mannsæmandi kjör.

Ísraelar hafa sýnt það og sannað að þeir eru tilbúnir að hjálpa til við uppbyggingu og heitasta ósk Ísraelsríkis er að lifa í sátt og samlindi við nágranna sína.

Að lokum.  Flatarmál Ísraels er langt undir 1% af samanlögðu flatarmáli Mið-Austurlanda.  Ísrael er innan við 21.000 km2 að flatarmáli, rétt innan við fimmtungur af stærð Íslands.  Ísland er 103.000 km2 að stærð.  Í Ísrael búa um 8.000.000 -átta milljónir- manna, þar af eru yfir 1.500.000 arabar -"Palestínumenn"- sem kjósa heldur að búa undir Ísraelskri stjórn en "Palestínskri".  Það eitt segir sína sögu.  Í Ísraelska hernum eru ekki eingöngu Gyðingar heldur er fjöldi araba þar einnig.  Menn og konur sem taka þátt í aðgerðum Ísraels til að verja land sitt, Ísrael, gegn yfirgangi Hamas og annarra íslamista.

 

 

Samfylkingin fordæmir aðgerðir Ísraelsstjórnar