Hversu langt má trúfrelsi múslíma ná?

Í dag, á þessum degi, 27.maí 2014, austur í Pakistan, nánar tiltekið í Lahore var 25 ára gömul (ung) kona grýtt til bana af fjölskyldu sinni.  Faðir hennar, tveir bræður, fyrrum "unnusti" hennar, ásamt hópi annarra grýttu hana til bana.  Ástæðan var sú að hún hafði vogað sér að giftast manninum sem hún elskaði.  Þetta er haft eftir lögreglumanni í Lahore.   http://news.yahoo.com/pakistan-woman-stoned-death-family-marrying-man-she-101415740.html

Pakistan er yfirlýst múslímaland þar sem fólk fær að kenna á því ef það fer út af sporinu og heldur sér ekki fast á hinu pólitíska rétttrúnaðar striki.

Á norðurlöndum og reyndar um alla Evrópu þar sem múslímar hafa komið sér fyrir og þeir fengið að reisa sínar moskur í nafni "trúfrelsis og umburðarlyndis" hafa svokölluð "heiðursmorð" verið tíðari en menn eru viljugir að sætta sig við, en þykir ekki fréttnæmt lengur.  Ofbeldi, sérstaklega gegn konum, er algengt  í hópi múslíma, það er þó ekki algilt, meðan fólk [konur] halda sér á mottunni.

Múslímar eru ekki að koma til þessara landa til að aðlagast nýjum siðum og þeim framvandi venjum.  Öllu heldur eru þeir komnir til að breyta þjóðfélögunum sem þeir koma til.  Gott dæmi er þegar múslímar opnuðu sína mosku í Mýmishúsinu við Skógarhlíð í Reykjavík.  Fréttakona kom til að taka viðtal við ímmaninn, hann vildi ekki taka í hönd hennar þar sem það stríddi gegn þeim siðum sem hann átti að venjast, íslenskir siðir skiptu hann ekki neinu.

Þegar múslímar hafa komið sér fyrir hér á landi og þeir telja sig örugga í sessi munu þeir láta fara meira fyrir sér og það á þann hátt sem við munum ekki kæra okkur um.  Hér er ég ekki að reyna að koma gegn trúfrelsi eins eða neins heldur að tala um staðreyndir, það sem aðrir hafa nú þegar þurft að ganga í gegnum.

Er þá að furða að fólk sem býður sig fram í ábyrgðarstöður s.s. til borgarstjórnar setji spurningarmerki við það hvort og þá hvar múslímar fái að byggja mosku? Sveinbjörg Birna Sveinbjörnsdóttir, efsti maður á lista Framsóknarflokksins, á heiður skilinn fyrir dirfsku og það hugrekki sem hún sýnir er hún fer gegn hinum pólitíska rétttrúnaði sem virðist hafa heltekið stjórnmálaflokka landsins þó einkum þá sem eru á vinstri væng stjórnmálanna.  Eða viljum við sjá, innan fárra ára, hóp manna grýtandi konur á götum úti, fyrir það eitt að hafa sjálfstæðan vilja?  Hvað munu femínistar segja þá?

Moskubygging snýst ekki bara um trúfrelsi, við þurfum að horfa lengra fram í tímann og eins þurfum við að líta í kring um okkur og sjá afleiðingarnar í nágrannalöndum okkar.  Það má í raun spyrja; Hversu langt má trúfrelsi múslíma ná áður en fólk áttar sig og hefur fengið nóg?

Áfram Sveinbjörg Birna, megir þú fljúga inn í borgarstjórn og taka marga með þér.