Frysting íbúðalána hjálpaði fæstum

Úrlausnir fráfarandi ríkisstjórnar fyrir skuldsett heimili landsmanna kom fáum að gagni.  Nú eru menn að átta sig á því að frysting á greiðslu lána er ekki að hjálpa neinum.  Vandi skuldara hvarf ekki, hann minnkaði ekki, hann jókst og gerir það að verkum að skulda- og greiðslubyrðin verður meiri.

Fráfarandi ríkisstjórn þrjóskaðist við að taka á vandanum á ábyrgan og raunhafann hátt.  Það mátti ekki hlusta á tillögur Framsóknarmanna um leiðréttingu skulda með því að færa þær niður um 20%.  Nú hafa meira að segja fráfarandi ráðherrar lýst því yfir að það hafi verið mistök að fara ekki þá leið.

Skuldsettum heimilum verður ekki hjálpað með því að selja ofan af þeim og þröngva út á leigumarkaðinn, sem er allt of dýr.  Eina leiðin til að hjálpa skuldsettum heimilum er að leiðrétta þann forsendubrest sem varð og færa lánin niður.  Hvort færa eigi lánin niður um 20% eða 35-40% verður tíminn að leiða í ljós, en enginn ætti að þurfa að vera með íbúðalán sem eru yfir 80% af raunvirði.  Svo kallaða 110% leið var enn eitt ruglið sem kom frá fráfarandi ríkisstjórn, hún var og er ósanngjörn gagnvart þeim sem eru að reyna að basla og leggja mikið á sig til að halda í "eign" sína og þaki yfir höfuðið. 

Fólk er að leggja mikið á sig til að bjarga heimilum sínum og þar með fjölskyldulífi, en þá eru það stjórnvöld sem gerir líf fólks óbærilegt. 

Þannig eru stjórnvöld sem kenna sig við félagshyggju, velferð og réttlæti.  Þannig stjórnar Samfylkingin, svo vitnað sé í orð formanns þeirra er kom fram í auglýsingu þeirra fyrir kosningar.

 

Frysting hjálpar ekki öllum

Athugasemdir

[Sandy, 12.5.2013 kl. 08:10]

Ég er þér hjartanlega sammála ég veit ekki hvernig nokkrum manni datt það í hug að 110% leiðin eða frysting lána gæti með nokkrum hætti bjargað fólki frá gjaldþroti. 110%leiðin bjargaði helst þeim sem voru með dýrar eignir og skulduðu mestallt í þeim,en hinum venjulega skuldara með þessar venjulegu íbúðarskuldir hjálpaði þetta ekki neitt nema síður sé.

Svo er það annað, hvernig fer með skuldara sem keyptu árið 2008-09? Ég þekki einn sem keypti á þessum tíma og viti menn það lán var 20milljónir og hefur hækkað um 5milljónir á þessum tíma. Ég vil meina að þó ný ríkisstjórn felldi niður 20% jafnvel 30-40% af þessum lánum þá yrði fólk komið í sömu stöðu innan fárra ára og leiðréttingin farin fyrir lítið nema sett verði þak á verðtrygginguna eða hún afnumin.