Hin hræðilegu lífskjör sem fólk á Gaza neyðist til að búa við á

Sjáið myndbandið, aðbúnaðinn, skortinn, fátæktina, þetta er ömurlegt.  Hvernig er hægt að ætlast til að fólk þurfi að búa við þetta???

The REAL Gaza The Media Will Never Show You

Ég vona að þú verðir ekki fyrir áfalli við að horfa á myndbandið.

Finnið þið ekki til með blessuðu fólkinu???

Og hér er svo annar hryllingur frá Gaza.

 

Athugasemdir

[Ómar Ragnarsson, 24.10.2012 kl. 11:10]

Svona myndir er hægt að birta úr hvaða landi heims, sem er, og segja svo að almenningur þar velti sér í vellystingum. Ég þekki einna best til í Eþíópíu eftir tvær ferðir vítt um landið á landi og í lofti.

Þjóðartekjur á mann í því landi eru 250 sinnum minni en hjá okkur, en samt er hægt að birta myndir af lúxushótelum, veitingastöðum og verslunum í Addis Ababa og fullyrða síðan að svona velti fólkið sér upp úr munaðinum í landinu.

1% Nígeríumanna hefur það bara býsna gott og kaupir íslenska lúxusskreið frá Ameríku fyrir hundraðfalt verð. Þetta 1% er ein milljón manna. Hinar 99 milljónirnar hafa étið maðkaða skreið beint frá Íslandi ef þeir hafa haft efni á henni.

Þúsundir strákofaþorpa í Eþíópíu sýna hið raunverulega ástand meira en 99% þeirrar þjóðar.

Ekkert strákofaþorp í landinu virðist vera svo aumt að ekki sé hægt að fá þar keypt kókakóla. Samt deyr fólk þar úr þorsta vegna þess að það hefur ekki efni á að kaupa sér eina kók til að bjarga lífinu.  

[Tómas Ibsen Halldórsson, 24.10.2012 kl. 13:28]

Það er líka fátækt til á Íslandi, en við kennum ekki nágranalöndum okkar um að svo sé.  Ég er fyrst og fremst að benda á að það er ekki allt sem sýnist, ekki allt sem dregið er fram í dagsljósið, helst ekkert annað en það sem hentar "málstaðnum".

Ég man eftir því sem krakki og unglingur að vera að vinna við maðkétna skreið.  Ég verð að segja, í dag er ég ekkert alltof stoltur af því.  Við höfum ekki verið barnanna best í samskiptum okkar við aðra, en ég veit ekki til þess að við höfum beitt aðra ofbeldi eða hótað öðrum útrýmingu, alla vega ekki í seinni tíð.  Ísrael á um 0,7% alls lands í miðausturlöndum og er þeim hótað útrýmingu af þjóðum þeim er umlykja þá.  Hljóta þeir að taka til varna á þeim sviðum þaðan sem mest hætta steðjar að.  En að kenna þeim um ástand þeirra sem orðið hafa undir á Gaza er barnaskapur, stjórnvöld á Gaza eiga mestan þátt á því ástandi sem þar er.

Ég bloggaði fyrr í mánuðinum og birti tvær mjög svo áhugaverðar greinar eftir tvo araba, annar þeirra er fyrrum yfirmaður í sjóher Saudi-Arabíu og er búsettur þar í landi.  Hinn er arabi af Líbönskum ættum, en er fæddur og alinn upp í New Jersy, USA.  Hvet ég til lestrar greinanna.