Hversu stór er villikatta hópurinn innan þessara flokka?

Nái þessir flokkar saman er eins gott að þar verði ekki villikettir innanborðs, því þá er voðinn vís.

Svona tæp stjórn, verði hún að veruleika, þarf að hafa gott samband við stjórnarandstöðuna. Standi menn ekki við stóru fyrirheitin munu þeir gjalda þess næst þegar kosið verður.

Það er varhugavert að fara að rugla í stjórnarskránni, ESB-drauma eða fara út í skattahækkanir, það mun fara illa í fólk. Ekki má heldur gleyma ellilífeyrisþegum eða öryrkjum sem hafa orðið útundan undanfarin misseri, þar verður að taka til hendinni og leiðrétta þá mismunun sem þetta fólk hefur orðið fyrir.

Hverjir sem koma til með að stjórna landinu á næstunni verða að huga vel að því sem skiptir máli en láta draumóra og að ætla sér að byggja sjálfum sér minnisvarða vera víðs fjarri.

„Uppbyggingarstjórn“ í farvatninu