Sara Palin hefur lög að mæla

Að fóstur (börn) í móðurkviði skulu vera deydd er smánarblettur á vestrænu samfélagi. Íslendingar eru engir eftirbátar annarra vestrænna samfélaga þegar kemur að því að deyða ófædd börn, skiptir þar engu máli hvort þau hafi Downs-heilkenni eða ekki. En hitt verð ég að segja að einstaklingar með Downs eru engu síðri en "heilbrigðir" einstaklingar, þeir eru oft á tíðum mun fremri að gæðum og heilbrigði en margir svokallaðir "heilbrigðir", fólk sem iðkar lygar, undirferli, stundar græðgi og allskonar spillingu. Ég er á því að einstaklingar með Downs gætu bætt heiminn fremur en margir aðrir.

Ronald Regar sagði eitt sinn, eitthvað á þessa leið: Það vekur athygli mína að þeir sem hæst tala um fóstureyðingar eru þeir sem ekki hafa verið eytt.

Sara Palin hefur lög að mæla þegar hún líkir Íslendingum við nasista þegar að fósturdeyðingum kemur. Guð veiti okkur náð til að snúa af þessari illu braut, ellegar munum við þurfa að gjalda gjörða okkar þó síðar verði.

Palin líkir Íslendingum við nasista

Það er ekki að ófyrirsynju að Guðs Orð, Biblían, vari við slíkri hegðun.

Lauslæti og óeðlileg kynmök valda kynsjúkdómum, þetta þarf ekki að koma neinum á óvart.  Það er ekki að ófyrirsynju að Guðs Orð, Biblían, vari við slíkri hegðun.

Aukning á kynsjúkdómum áhyggjuefni

Fæddur til að hata Gyðinga

Kasim Hafeez ólst upp sem "hófsamur" múslími. Hann ólst upp við að elska alla menn nema Gyðinga sem honum var kennt að hata.

Kasim segir sögu sína í stuttu máli á myndbandi hér fyrir neðan.

 

Innflytjendurnir, múslímar, eru farnir að láta til sín taka í Danaveldi og víðar.

Það sem legið hefur fyrir um langa hríð er að þegar þeir, múslímarnir, eru orðnir nógu fjölmennir í okkar vest- norræna heimi, þá láta þeir, í krafti meirihlutans, siði og venjur ríkisins sem þeir hafa flutt til, lönd og leið og eru tilbúnir að troða á rétti innfæddra.

Þetta má lesa á viðtengdri frétt.  Eins má lesa í annarri frétt að í Hamborg eru múslímar að fá aukinn rétt til að upphefja sínar venjur og siði á kostnað innfæddra og jafnframt að þeir komi að trúarbragðafræðslu í skólum borgarinnar.  Það verður athyglisvert að sjá hvernig múslímar með sögufölsunum sínum munu troða á kristinni fræðslu í skólum borgarinnar, þeir munu örugglega ekki gefa neitt eftir af sinni sannfæringu á kostnað trúarskoðana hinna kristnu.

 

Danir deila um trúarhátíðir

Argentínska kraftaverkabarnið lifir

Einhverjir hefðu sagt: "Látum það bara gossa, það tekur því ekki að reyna að halda lífi í svona veikburða fóstri".

Spurningin er nefnilega þessi: Hvenær er fóstur barn og hvenær er barn fóstur??? og: Hvenær er líf líf og hvenær fær lífið að lifa og blómstra???

Því miður er líf tekið af einstaklingum í skjóli myrkurs, vanþekkingar og vankunnáttu.  Tugir þúsunda Íslendinga fengu ekki að lifa vegna gerræðis ákvarðana. 

Ef ég tæki upp á því að taka líf einhvers sem á kennitölu og hefur náð inn í skrár Hagstofunnar, þá yrði ég dæmdur morðingi.  En þegar líf einhvers er tekið sem ekki hefur fengið kennitölu og ekki enn verið skráður hjá Hagstofunni, þá er það ekkert mál.

Leifum börnunum að lifa, þau eru kraftaverk, þau eru Guðs gjöf, þau eru blessun, verum blessun fyrir þau.

 

Kraftaverkabarn heim af spítala

Trúfélagið "Vantrú" enn komið á stjá

"Vantrú", trúfélag "trúleysingja" er enn komið á stjá.  Þeim fannst greinilega þeir ekki verða sjálfum sér né Háskóla Íslands nægilega til skammar með ákæru á hendur Bjarna Randveri Sigurvinssyni, en þeir reyndu að knésetja hann og fá hann rekinn úr starfi stundarkennara við guðfræðideild HÍ.  Niðurlæging siðanefndar HÍ var alger, en þeirra maður var einmitt þar innanborðs.  Meðferð siðanefndar setti ljótan blett á Háskóla Íslands s.l. vetur og nú ætlar "Vantrú" að halda áfram á sömu braut.

 

Vantrú sendi inn upphaflegt erindi

Hvað er raunverulega að gerast í miðausturlöndum, viljum við vita það???

Það sem við sjáum ekki, fjölmiðlar fjalla ekki um og það sem við viljum ekki vita.  Það kemur nefnilega við samvisku okkar.

Á meðfylgjandi vefslóð er í stuttu máli fjallað um það sem  er að gerast í miðausturlöndum og ekki hvað síst í Egyptalandi þar sem múslímska bræðralagið hefur nú náð völdum, en þar eru kristnir nú ofsóttir sem aldrei fyrr.  Grimmd Íslams birtist í allri sinni mynd.

Á vefslóðinni, fyrst er grein á ensku, neðarlega eru myndbönd.  Fyrra myndbandið sínir mann hanga á krossi, illa farinn eftir barsmíðar, en enn á lífi.  Seinna myndbandið er frá Egyptalandi og fjallar um ákall hinna kristnu eftir réttlæti og miskunn og eins sínir það konu sem hrópar eftir því að dóttir hennar verði látin laus sem hneppt hefur verið í þrældóm af múslímum.

Við ættum að íhuga vel hvert stefnir hér á landi með því að hleypa múslímum inn í land okkar.  Það var furðulegt að sjá í fréttum um daginn múslíma ræða við fréttakonu vegna þess að þeir eru að opna mosku í Hlíðunum í Reykjavík.  Hann gat ekki tekið í hönd fréttakonunar vegna hefða (múslímskra hefða), málið er að þeir vilja koma með sínar hefðir en ekki virða okkar hefðir.

Viðkvmir ættu ekki að horfa á myndböndin, þau geta valdið skelfingu.

Afritið vefslóðina og opnið í nýjum glugga.

http://www.wnd.com/2012/08/shocking-video-evidence-of-islamic-crucifixion/

Skildi Össur utanríkis hafa einhverja skoðun á því sem fram fer í múslímaríkjum miðausturlanda???  ætli hann sjái ástæðu til að mótmæla kröftuglega hvernig farið er með kristið fólk í ríkjum Íslam???  það væri fróðlegt að heyra hversu sterk orð og hversu alvarlegum augum ríkisstjórn Íslands líti þessi mál er hann frodæmir ofbeldisverkin sem múslímska bræðralagið beitir hina kristnu í Egyptalandi.

 

Þeim var ætlað að lifa, en fengu það ekki

Á meðfylgjandi myndbanki segja nokkrar konur frá reynslu sinni af fóstureyðingum. 

"Kynfræðsla" hefur aukið tíðni ótímabærra þungana hjá unglingsstúlkum, sem í mjög mörgum tilfellum hefur orðið til þess að þær eru hvattar til og/eða þvingaðar í fóstureyðingu.  Þeim er talið trú um að fóstrið sé ekki barn heldur einhverskonar vefur eða aðskotahlutur sem hægt sé að fjarlægja svona nánast eins og að kreista fílapensil.

Konurnar sem tjá sig á myndbandinu hafa aðra sögu að segja, hvet ég alla til að sjá og hlusta, með bæði augu og eyru opin.

 

 

 

Dr. Alveda King, frænka Dr. Martin Luther King, Jr. hvetur hlustendur til að velja lífið.  Ég vil taka undir þau orð hennar og segja:  Veldu lífið

Fyrir þær konur sem lifa í sjálfsfyrirdæmingu vegna þess að þær hafa farið í gegnum fóstureyðingu, þá er mikilvægt til að játa út sekt sína og viðurkenna skömmina eða hina vondu tilfinningu, biðja Guð að fyrirgefa sér og heiðra síðan minningu einstaklingsins sem fékk ekki að lifa.

Í 1.Jóhannesarbréfi 1.kafla 9.versi stendur: "Ef vér játum syndir vorar, þá er hann trúr og réttlátur, svo að hann fyrirgefur oss syndirnar og hreinsar oss af öllu ranglæti".

Að velja lífið er ekki að gleyma barninu sem ekki fékk að lifa, heldur að fyrirgefa, fyrirgefa þeim sem þrístu á fóstureyðinguna og að fyrirgefa sjálfum sér.  Þegar við gefum Guði líf okkar, sársauka og vonbrigði, játum syndir okkar og sekt, þá mætir Hann okkur.  Það er fagnaðarerindið.

 

 

Börnum er fórnað á altari "félagshyggjunnar"

Á sama tíma og kona lætur eyða fóstri, ýmist af frjálsum vilja eða vegna þrýstings frá öðrum og sá verknaður er kallaður "fóstureyðing, þá er önnur kona sem er jafnlangt gengin, verður fyrir því að missa fóstrið, þá er sagt að hún hafi misst barnið sitt.  Við erum dugleg við að sýna tvískinnung í afstöðu okkar til lífsins, ekki síst ófæddra barna, einstaklinga sem geta ekki borið hönd fyrir höfuð sér.  Við þykjumst vita hvað því er fyrir bestu og tökum okkur vald Hins Almátka.

Hvenær er manneskja manneskja, hvenær er barn barn og hvenær er lifandi fóstur lifandi vera????  Mannfólkið hefur tekið sér stöðu Guðs í þessu máli og ákvarðað hvenær líf er líf og hvenær líf er ekki líf.  Þetta er mjög sorglegt og smánarblettur á mannkyninu og ekki síst í hinum vestræna heimi sem menn vilja kalla hinn siðmentaða heim.  Svo hneykslast menn á Kínverskum stjórnvöldum, sem reyndar eru óforskammaðir í framgöngu sinni gagnvart borgurum sínum.

Í Kína er börnum fórnað á altari "stjórnvaldsákvarðana".  Hér á landi og í hinum vestræna heimi er börnum fórnað á altari "félagshyggjunnar".

 Börnum var fórnað fyrr á öldum, þau brennd á eldi í tilbeiðslu til guða sem voru ekkert annað en illir andar.  Í dag þykir ekkert tiltökumál að fórna börnum á altari "félagshyggjunnar" og þau börn sem ekki fengu að sjá dagsljósið vegna innrása á líf þeirra skipta orðið tugum þúsunda hér á landi.  Hvílík skömm fyrir "velferðar samfélagið".

Ég bið þess að Guð fyrirgefi okkur vanvisku okkar og fáfræði, megi Hann auðsýna okkur miskunn og hjálpa okkur til að snúa af þessari óheilla braut.

 

Þvinguð í fóstureyðingu

Einelti drepur, en iðrun, fyrirgefning og sáttargjörð lífgar.

Einelti er ein hryllilegasta mynd ofsóknar sem fólk verður fyrir.  Þeir sem verða fyrir einelti líða vítiskvalir og þeir sem beita einelti á aðra eru oft þeir sem hafa litla sjálfsmynd og nota eineltið til að reyna að gera meira úr sjálfum sér í augum annarra.

Einelti drepur, en iðrun, fyrirgefning og sáttargjörð lífgar.

Lækning getur átt sér stað séu gerendur viljugir til að stíga fram, játa gjörðir sínar fyrir þeim sem eineltið beindist gegn og öðrum þeim sem hlut eiga að máli s.s. fjölskyldu þolandans, skóla- eða öðrum félögum, presti og/eða öðrum sem koma gætu að málinu, biðjast fyrirgefningar og leita sátta við þolandann.  Í sumum tilfellum er þolandinn ekki lengur til staðar, þá þyrfti viðkomandi að geta játað misgjörðir sínar fyrir þeim sem stóð þolanda næst og aðrir þeir sem vissu af og voru nálægir þegar þessir atburðir áttu sér stað.

Að játa syndir sínar, iðrast þeirra og biðjast fyrirgefningar er stórt skref og margir þeir sem telja sig ekki geta gert það, en í því felst svo mikil lækning og lausn að það er eins og gríðarlegri byrði sé létt af manni.

Ég vil hvetja til umræðu á þeim nótum að gerendur í eineltismálum brjóti odd af oflæti sínu og geri akkúrat þetta, þ.e. að játa, iðrast og biðjast fyrirgefningar.

Að biðjast fyrirgefningar er ekki að horfa niður fyrir sig og muldra "fyrirgefðu", heldur að horfa í augu þess sem beðinn er fyrirgefningar og segja "ég bið þig um að fyrirgefa mér að...." og nefna það sem gert var.

Hitt er líka nauðsynlegt og snertir þolandann, þ.e. að fyrirgefa og það af öllu hjarta, það leysir hann ekki síður en gerandann.

 

Tryggvi Gíslason: Einelti drepur