Hefur það farið fram hjá Össuri Skarphéðinssyni að íslenska þjóðin hafnaði gæluverkefni hans?

Ætli Össur Skarphéðinsson hafi ekki verið að fylgjast með í kosningabaráttunni í vor eða var hann ekki með á nótunum.  Átti hann eitthvað erfitt með að lesa í úrslit kosninganna þar sem flokkur hans bauð afhroð, já meira afhroð en nokkur stjórnmálaflokkur hefur orðið fyrir frá stríðslokum ekki bara á Íslandi heldur um gjörvalla Evrópu?

Hefur það farið fram hjá Össuri Skarphéðinssyni að íslenska þjóðin hafnaði gæluverkefni hans?

Evrópusambandssinnar virðast hafa tekið upp aðferðir ESB-yfirvalda sem felst í því að hlusta ekki á almenning eða vilja meirihluta kjósenda, heldur fara fram með offorsi til að ná sínu fram hvað sem raular og tautar.

Það er kominn tími til að ESB-sinnar á Íslandi geri sér grein fyrir því að Ísland er ekki á leiðinni í ESB.  Því fyrr sem þeir átta sig á því því betra.  Það hefur farið of mikil orka, tími og fjármagn í þetta feigðar flan.

 

„Orð skulu standa“

Athugasemdir

[Rafn Guðmundsson, 12.9.2013 kl. 18:01]

ef síðustu kostningar hefðu snúist að einhverjum hluta um esb aðild eða ekki þá væri vit í þessu hjá þér Tómas. en þær gerðu það ekki þannig að þú er bara að bulla

[Guðmundur Ásgeirsson, 12.9.2013 kl. 18:39]

Endilega útskýrðu þá um hvað þær snerust Rafn.

[Tómas Ibsen Halldórsson, 12.9.2013 kl. 19:44]

Kæri Rafn, fór það líka fram hjá þér, sú staðreynd að Samfylkingin lagði mikið kapp á að "klára" ESB ferlið?  Eina mál fylkingarinnar undanfarin ár var jörðuð af kjósendum í apríl s.l.

Stjórnarflokkarnir á hinn bóginn lofuðu kjósendum að hætta aðlögunarferlinu og eru nú að standa við það loforð, það er nokkuð sem Samfylkingin á erfitt með að kyngja.