Illskan og græðgin í spákaupmennskunni.

Spákaupmennska grefur undan matvæla- og hrávörumarkaði og mun að lokum leiða til enn verri kreppu en við höfum augum litið hingað til.  Það er ljóst að við þurfum ekki að bíða í mörg ár eftir þeirri kreppu, verði ekki brugðist við nú þegar.

Spákaupmennskan mun að lokum koma verst niður á þeim sem síst skyldi, þ.e. hinum fátækustu í heiminum.  Haldi áfram sem horfir mun framferði þeirra sem hana iðka kosta milljónir, jafnvel tugi miljóna, manna lífið áður en langt um líður.

En því miður eru til þeir menn sem skeyta engu um hag lítilmagnans svo fremi sem þeir sjálfir græði á framferði sínu. 

Það er kominn tími til að þrengja verulega að spákaupmennsku þeirra sem hana stunda, til varnar þeim sem geta ekki borið hönd fyrir höfuð sér.  Í spákaupmennskunni birtist græðgin í allri sinni ljótustu mynd.

Í Fyrra bréfi Páls postula til Tímóteusar 6.kafla versi 10 segir: "Fégirndin er rót alls þess, sem illt er. Við þá fíkn hafa nokkrir villst frá trúnni og valdið sjálfum sér mörgum harmkvælum."

Þeir sem slíkt iðka munu ekki komast undan reiði Guðs á efsta degi.  Við munum öll þurfa að gera reiknisskil gjörða okkar frammi fyrir Honum, þar er enginn undanskilinn.

 

Óttast kreppu á hrávörumarkaði