Tvískinnungur Katrínar forsætis.

Ekki hef ég orðið mikið var við kröfu Katrínar forsætis eða annarra ráðherra ríkisstjórnarinnar um lausn á gíslum í haldi Hamas á Gaza svæðinu. En þann 7.október s.l. framkvæmdu þessi hræðilegu samtök einhver hin ógeðslegustu hryðjuverk sem framin hafa verið á jörðu fyrr og síðar. Við það tækifæri eftir að hafa drepið 1200 manns, menn, konur og börn á hræðilegan hátt auk þess að nauðga og limlesta, tóku þeir um 250 manns í gíslingu og halda vel yfir 100 enn í gíslingu. Ég hef hinsvegar orðið meira var við fordæmingu Katrínar í garð Ísraels vegna aðgerða þeirra sem eru að reyna að ná gíslunum og hegna Hamas liðum fyrir þeirra hrotta verk. Og Katrín vill senda milljarða króna til Gaza sem lenda í höndum Hamas eins og sannast hefur að hafa verið raunin hingað til.

Komið hefur í ljós að UNRWA, sem átti að vera "Palestínumönnum" til hjálpar og færa þeim hjálpargögn, hafa tekið þátt í árás Hamas þann 7.október. Það voru ekki bara örfáir UNRWA liðar sem tóku þátt heldur þó nokkur fjöldi þeirra.

Sagt var frá því um daginn í fréttum að Ísraelar hafi drepið um 100 manns þegar þeir þustu að trukkum sem voru að færa þeim matvæli og önnur hjálpargögn. Staðreyndin er hinsvegar sú að Hamas liðar hafa alltaf tekið þessar sendingar fyrst og fremst til sín og voru það þeir sem skutu á almenning sem var að reyna að ná sér í matvæli. Þess ber einnig að geta að allar fréttir frá Gaza samfélaginu koma frá Hamas, en það eru einmitt þeir sem hafa stjórnað öllu á svæðinu með harðri hendi, þeim er einfaldlega ekki treystandi.

Katrín: Höfum krafist lausnar gíslanna