Það er aðkallandi að þing komi saman

Mitt álit er að núverandi ríkisstjórn eigi að sitja áfram fram á vor. Best væri að allir flokkar myndu verja hana vantrausti. Efna síðan til kosninga í apríl eða maí.

Það liggur orðið á að þing komi saman og ljúki fjárlagagerð.

Stjórnmálaflokkarnir verða að taka á sig rögg og kyngja eigin stolti og hroka og leggjast á eitt, að vilja þjóðinni heill. Menn hljóta að geta komið sér saman um hluti sem skipta máli fyrir landslýð, beygja af hér og þar og miðla þannig málum að allir geti vel við unað.

Ég held að flestir geri sér grein fyrir því hvað skiptir máli, þ.e. heilbrigðis- og velferðarmálin, svo er hægt að vinna að öðrum málum sem mörg hver eru einnig aðkallandi.

 

Enginn einn flokkur fær umboðið