Enn hækkar verðmiðinn á tónlistarhúsinu

Ef ég man rétt þá var upphaflega gert ráð fyrir að bygging tónlistarhússins myndi kosta 12 milljarða króna.  Vegna lækkunar krónunnar síðustu daga er gert ráð fyrir hækkun á kostnaði upp á litlar 650 milljónir.  Eftir allar þær hækkanir á verðmiða tónlistarhússins frá því að hafist var handa við byggingu þess er áætlað heildarverð komið í 25 milljarða.  Ríkið og Reykjavíkurborg eru búin að skuldbinda sig til að leggja fram litlar 14 milljarða króna, plús ófyrirsíð, ætli það þýði ekki ca. 20 milljarða þegar upp er staðið, sem mun þýða að heildarverð tónlistarhússins fari í cs. 30 milljarða.  Síðan á eftir að gera ráð fyrir árlegum rekstrarkostnaði við húsið sem fellur á skattgreiðendur, ég leyfi mér að skjóta á 1 milljarð á ári á núvirði.

Hvar var verið að tala um að þurfi að spara ? ? ?

 

Tónlistarhús 650 millj dýrara

Athugasemdir

[Albert Guðmann Jónsson, 18.5.2009 kl. 13:08]

Algjört rugl. Frekar að leggja pening í nýsköpun eða annan iðnað sem skilar okkur gjaldeyristekjum. Sé ekki að nokkur maður muni borga sig inn á þetta á komandi árum. Koma þessu í það horf að það skemmist ekki og svo leggja verkefnið til hliðar í 10 ár eða svo.

[Tómas Ibsen Halldórsson, 18.5.2009 kl. 13:26]

Það er heila málið Albert, það vantar fjármagn í alvöru fyrirtæki, fyrirtæki sem eru að skapa þjóðartekjur og gjaldeyrisaflandi fyrir landið.  Kastalinn ógurlegi má bíða í tíu til tuttugu ár.  Það hefði verið hægt að leggja ca. 500 milljónir til að loka húsinu þar til efni og ástæður leyfa að verkið verði klárað.